មិនមែនគ្រប់សកម្មភាពលើគ្រែសុទ្ធតែអាចឈានដល់ចំណុចកំពូលរោលរាលទាំងអស់នោះទេ ចាំបាច់ត្រូវតែមានកត្តារួមផ្សំច្រើនយ៉ាង។ បើបានធ្វើ ៧ ចំណុចខាងក្រោមនេះ នោះការធ្វើរឿងក្តៅសាច់នឹងឈានដល់ចំណុចកំពូលទាំង២នាក់។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
មិនមែនគ្រប់សកម្មភាពលើគ្រែសុទ្ធតែអាចឈានដល់ចំណុចកំពូលរោលរាលទាំងអស់នោះទេ ចាំបាច់ត្រូវតែមានកត្តារួមផ្សំច្រើនយ៉ាង។ បើបានធ្វើ ៧ ចំណុចខាងក្រោមនេះ នោះការធ្វើរឿងក្តៅសាច់នឹងឈានដល់ចំណុចកំពូលទាំង២នាក់។
១- ព្រមព្រៀងគ្នា
ការរួមភេទដោយបង្ខំភាគីណាមួយមិនអាចឈានដល់ចំណុចកំពូលនោះទេ ចាំបាច់ត្រូវមានការព្រមព្រៀងគ្នាទាំងសងខាង និងមិនត្រូវប្រញាប់ប្រញាល់ពេលនោះទេ។
២- បរិយាកាសជុំវិញ
រឿងបន្ទាប់មកទៀតនេះ គឺបរិយាកាសជុំវិញត្រូវតែរ៉ូម៉ែនទិច មានពន្លឺប្រឹមៗ លាយនឹងក្លិនក្រអូបឈ្ងុយឈ្ងប់នៃទឹកអប់ ឬក្លិនផ្កាទៀតនឹងរឹតតែអស្ចារ្យ។
៣- ក្លិនខ្លួន
ចំណុចនេះមិនអាចធ្វេសប្រហែសទាំងភាគីខាងប្រុស និងភាគីខាងស្រី យើងគួរណាតែងូតទឹកសម្អាតខ្លួនឲ្យស្អាត រួចបាញ់ទឹកអប់បន្តិច នោះទើបអាចទាក់ទាញអារម្មណ៍ដៃគូ ឈានទៅចាប់ផ្តើមប្រតិបត្តិដោយរលូន។
៤- សម្លៀកបំពាក់
រឿងនេះសំខាន់ណាស់ចំពោះស្រីៗ ការស្លៀកពាក់ដែលទាក់ទាញ និងសិចស៊ី ពិតជាអាចឆក់បេះដូងដៃគូឲ្យកាន់តែងប់ងល់។
អត្ថបទពាក់ព័ន្ធ៖ ៥ យ៉ាងនេះ ចៀសបានចៀសទៅ បើចង់ឲ្យប្រតិបត្តិការក្ដៅសាច់ឡើងដល់កំពូល
៥- យល់ពីចំណង់ចំណូលចិត្តដៃគូ
ចំណុចនេះក៏សំខាន់ខ្លាំងណាស់ដែរ ទោះរឿងលើគ្រែក៏ដោយយើងមិនត្រូវគិតតែអារម្មណ៍ ឬចំណង់ចំណូលចិត្តខ្លួនឯងពេកនោះទេ ត្រូវបំពេញឲ្យគ្នាទៅវិញទៅមក តើដៃគូយើងចូលចិត្តអ្វី ចូលចិត្តបែបណា?
៦- ការបបោសអង្អែល
រឿងនេះមិនអាចខ្វះបាននោះទេ ចង់ឲ្យសិចរោលរាលឈានដល់ចំណុចកំពូលពិតប្រាកដ ដៃគូចាំបាច់ត្រូវតែចាប់ផ្តើមដោយការឱបថើប បបោសអង្អែលនៅចំណុចស្រៀវស្រើបមួយចំនួន។
៧- កុំប្រើក្បាច់ដដែលៗ
ចំណុចចុងក្រោយនេះដៃគូមួយចំនួនច្រើនតែមើលរំលង អាចមកពីការអៀនខ្មាស ទើបសិចមិនឈានដល់ចំណុចកំពូល។ ការបង្កាត់ភ្លើងស្នេហ៍កាន់តែរោលរាលត្រូវតែផ្លាស់ប្តូរស្ទីល។
អត្ថបទពាក់ព័ន្ធ៖ វិធីសាមញ្ញៗ ដោះស្រាយបញ្ហារួមភេទអត់ដល់ចំណុចកំពូល
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕