អ្នកជំនាញ ព្រមានពីករណីមនុស្សរាប់ពាន់នាក់អាចនឹងស្លាប់ ក្រោយអូស្រ្ដាលីកំពុងប្រឈមមុខខ្លាំងជាមួយការផ្ទុះឡើងជំងឺគ្រុនផ្តាសាយ ដោយពលរដ្ឋជិត ២៧.០០០នាក់ នៅដើមឆ្នាំ ២០១៩ បានឆ្លងមេរោគផ្តាសាយ ហើយត្រឹមមីនា មានតួលេខអ្នកកើតផ្ដាសាយ រហូតដល់ ១០.០០០នាក់។ ។
ពលរដ្ឋអូស្ត្រាលីរាប់ពាន់នាក់ អាចនឹងស្លាប់ដោយសារជំងឺផ្តាសាយ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អង្គការបង្ការការពារជំងឺផ្តាសាយប្រទេសអូស្ត្រាលី Immunisation Coalition បញ្ជាក់ថា រដូវផ្ដាសាយឆ្នាំនេះ គឺធ្ងន់ធ្ងរខ្លាំងជាងឆ្នាំមុនៗ ដោយសារពលរដ្ឋជាច្រើនសពុំបានទទួលវ៉ាក់សាំង កាលពីឆ្នាំកន្លងទៅ។ អង្គការនេះ បានព្រមានថា ជំងឺផ្ដាសាយ អាចនឹងសម្លាប់មនុស្ស យ៉ាងតិច ៤ពាន់នាក់ នៅឆ្នាំ ២០១៩ នេះ។
កាលពីឆ្នាំ ២០១៨ ជំងឺផ្ដាសាយ ពុំផ្ទុះឡើងខ្លាំងនោះទេ នាំឲ្យអាជ្ញាធរ មិនបានបង្កើតផែនការបង្ការឲ្យបានគ្រប់គ្រាន់នៅក្នុងសហគមន៍ ធ្វើឲ្យមនុស្សជាច្រើនងាយឆ្លងជំងឺផ្ដាយ។ ពលរដ្ឋអូស្រ្ដាលីជាច្រើន បានឆ្លងមេរោគផ្តាសាយ បន្ទាប់ពីទៅកម្សាន្ដនៅតំបន់ Hemisphere ខាងជើង អំឡុងថ្ងៃសម្រាក ខណៈតំបន់នោះ ត្រជាក់គ្រប់រដូវ។
ជាមួយគ្នានេះដែរ ជំងឺផ្ដាសាយ ចម្លងទៅក្នុងសហគមន៍តាមរយៈសិស្សបឋមសិក្សា ដែលមានផ្ទុកវីរុសនេះ។ ក្នុងនោះ អត្រាជំងឺផ្ដាសាយ កើនឡើងលើសិស្សបឋមសិក្សា ថ្នាក់ទី១ និងទី ២ ហើយតំបន់ New South Wales, Victoria, Queensland និង South Australia រងការប៉ះពាល់អាក្រក់ជាងគេ ។
ប្រធានអង្គការ Immunisation Coalition លើកឡើងថា ពលរដ្ឋមើលស្រាលវីរុសផ្ដាសាយ និងគេចវេសពុំទៅទទួលវ៉ាក់សាំងការពារនោះឡើង ប៉ុន្តែជាក់ស្តែងជំងឺនេះ គឺមានភាពគ្រោះថ្នាក់ធ្ងន់ធ្ងរ ជាពិសេសចំពោះក្មេងៗ និងមនុស្សចាស់។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម