អាហារញ៉ាំរាល់ថ្ងៃ ក្រៅពីជីវជាតិបំប៉ន បើយើងដឹងលម្អិតពីរយៈពេលរលាយរបស់វា គឺកាន់តែល្អ ពិសេសសម្រាប់អ្នកចង់រក្សារាង ឬសម្រកទម្ងន់ ព្រោះពេលយល់ច្បាស់ អាចជួយយើងរើសអាហារមួយណា ដែលសមស្របទៅនឹងម៉ោង ពេលយើងត្រូវបំពេញកិច្ចការ តាមបែបផែនជីវិតរៀងៗខ្លួន។
ចង់បានរាងស្អាត ត្រូវចេះថ្លឹងថ្លែងអាហារធ្វើឲ្យក្រពះរំលាយឆាប់ ឬយូរ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- អាហារដែលរលាយលឿន
សម្រាប់អាហាររលាយលឿន បើយើងសម្រេចចិត្តញ៉ាំ នឹងធ្វើឲ្យឆាប់ឃ្លានលឿនដូច ក៏ព្រោះប្រភេទអាហារទាំងនោះផ្តល់កម្លាំង ឬថាមពលបានលឿន ឬអាចហៅម្យ៉ាងទៀតថា បន្ថែមជាតិគ្លុយកូស (ស្ករបម្លែងពីអាហារទៅជាថាមពល) កើនឡើងលឿន។ ដូចនេះ គឺល្អសម្រាប់យើង ដែលត្រូវយកថាមពលបំពេញកិច្ចការងារ តែបើករណីមិនប្រើប្រាស់វិញ ថាមពលទាំងនោះនឹងកកបង្កឲ្យឲ្យយើងធាត់មិនខាន ខណៈអាហាររលាយក្នុងក្រពះលឿនមានដូចជា៖
– ទឹក៖ ប្រើពេលភ្លាមៗ (ចូលដល់ពោះវៀនភ្លាមៗ)
– ទឹកបន្លែ ឬទឹកផ្លែឈើស្រស់៖ ប្រើពេលពី ១៥-២០ នាទី
– បន្លែឆៅ (អន្លក់) ៖ ប្រើពេលពី ៣០-៤០ នាទី
– បន្លែឆ្អិន៖ ប្រើពេល ៤០នាទី
– សាច់ត្រី៖ ប្រើពេល ៤៥-៦០ នាទី
– សាឡាត់ឆាត្រឡប់ជាមួយប្រេងបន្លែ៖ ប្រើពេល ១ម៉ោង
២- អាហារដែលរលាយយូរ
អាហារដែលត្រូវការពេលរលាយយូរ ឬប្រើពេលយូរ ជំរុញឲ្យជាតិស្ករក្នុងរាងកាយកើនឡើងច្រើន តែសន្សឹមៗ ជួយថាមពលមានតុល្យភាពល្អ។ តែបើរើសយកអាហារទាំងនេះ ត្រូវប្រាកដថា មានពេលខ្លះឲ្យរាងកាយយើងសម្រាក (បែបលំហែ) ព្រោះប្រព័ន្ធរំលាយអាហារ ត្រូវការពេលធ្វើការ ដូចនេះរាងកាយនឹងធ្វើឲ្យយើងមានអារម្មណ៍ពិបាក (ហល់) បន្តិច។
– បន្លែប្រភេទមើមមានជាតិម្សៅ (ពពួកដំឡូង)៖ ប្រើពេលពី ១១០-១២០ នាទី
– គ្រាប់ធញ្ញជាតិ (បាយ ពោត)៖ ប្រើពេល ២ម៉ោង
– សាច់មាន់៖ ប្រើពេលពី ១១០-១២០ នាទី
– សាច់គោ៖ ប្រើពេល ៣ម៉ោង
– សាច់ជ្រូក៖ ប្រើពេល ៥ម៉ោង
អត្ថបទពាក់ព័ន្ធ៖
តែយ៉ាងណាអ្នកជំនាញជាច្រើន ណែនាំថា មិនគួរញ៉ាំអាហារប្រើពេលរលាយយូរ លាយឡំ និងអាហាររលាយលឿនក្នុងពេលតែមួយទេ ព្រោះប្រព័ន្ធរំលាយអាហារមិនអាចទទួលយកភ្លាមៗ បើធ្វើដូចនោះ គឺប្រៀបដូចដាក់បន្ទុកលើក្រពះអ៊ីចឹង។ បន្ថែមពីនោះ អ្នកជំនាញក៏បានណែនាំថា ការរើសចំណីអាហាររលាយលឿន សម្រាប់ញ៉ាំពេលព្រឹក និងពេលយប់ គឺល្អ ព្រោះវាអាចផ្តល់ថាមពលបានលឿន ហើយជាពិសេសពេលយប់ (មិនសូវមានការងារធ្វើ) ដូចនេះ អាចឲ្យរាងកាយមិនផ្ទុកថាមពលច្រើន បណ្តាលឲ្យយើងអាចរក្សារាងបានល្អ តែសម្រាប់ពេលថ្ងៃ អាចជ្រើសយកចំណីអាហារត្រូវការពេលរលាយយូរបាន ព្រោះប្រព័ន្ធរំលាយអាហារធ្វើការបានល្អនៅពេលនោះ៕
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម