ជាដំណឹងល្អមួយ សម្រាប់បងប្អូនខ្មែរនៅតាមទីជនបទ ងាយប្រឈមជំងឺគ្រុនចាញ់ ដោយអង្គការសុខភាពពិភពលោក (WHO) ប្រកាសថា ផែនការលុបបំបាត់ជំងឺគ្រុនចាញ់ អាចសម្រេចទៅបានដោយជោគជ័យ ប៉ុន្ដែទាមទារមូលនិធិ សម្ភារៈ និងឆន្ទៈនយោបាយ ដើម្បីគ្រប់គ្រងជំងឺនេះ។
WHO ជឿជាក់អាចលុបបំបាត់ជំងឺគ្រុនចាញ់ បានទាំងស្រុង គ្រាន់តែថា…
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ការប្រកាសនេះ បានធ្វើឡើងក្នុងពិធីផ្សព្វផ្សាយ ពីរបាយការណ៍វិភាគ និងវាយតម្លៃ ក្នុងយុទ្ធនាការប្រយុទ្ធប្រឆាំងជំងឺគ្រុនចាញ់ រយៈពេល ៣ឆ្នាំ នៅថ្ងៃទី២៣ ខែសីហា ២០១៩។ ទោះ WHO ប្រកាសថា ជំងឺគ្រុនចាញ់ អាចលុបបំបាត់បាន តែអង្គការនេះ ពុំទាន់បញ្ជាក់ពីពេលវេលា និងទឹកប្រាក់ ត្រូវចំណាយជាក់លាក់នៅឡើយទេ។
អង្គការសុខភាពធំបំផុតលើលោកមួយនេះ ក៏បញ្ជាក់ដែរថា ពិភពលោកគួរផ្ដោតលើការបង្កើតថ្នាំវ៉ាក់សាំង និងថ្នាំសម្លាប់សត្វល្អិតថ្មីៗ ដើម្បីធ្វើឲ្យករណីជំងឺគ្រុនចាញ់ និងករណីស្លាប់ដោយជំងឺនេះ ស្ថិតនៅក្រោមការគ្រប់គ្រងបាន។ អង្គការដដែល បញ្ជាក់ថា ជាមួយសម្ភារៈបច្ចេកទេសបច្ចុប្បន្ន គឺពិបាកលុបបំបាត់ជំងឺគ្រុនចាញ់ណាស់។
អត្ថបទពាក់ព័ន្ធ៖
- តារាល្បី YouTube វ័យក្មេងម្នាក់ អាយុទើប ៦ឆ្នាំសោះ បែរជាបាត់បង់ជីវិតដោយជំងឺគ្រុនចាញ់
- ករណីថ្នាំធ្វើអីជំងឺគ្រុនចាញ់លែងបាន កំពុងរាលដាលក្នុងប្រទេសអាស៊ាន ៤
គួររំឮកថា ចំនួនមនុស្សស្លាប់ និងកើតជំងឺគ្រុនចាញ់ បានធ្លាក់ចុះ រយៈពេលប្រមាណ ១ ទសវត្សរ៍មកហើយ ប៉ុន្ដែតាមទិន្នន័យចុងក្រោយនៃអង្គការ WHO កំពុងកើនឡើងវិញ។ នៅឆ្នាំ ២០១៧ ជំងឺគ្រុនចាញ់ បានកើតឡើង ប្រមាណ ២១៩ លានករណី និងសម្លាប់មនុស្ស ប្រមាណ ៤៣៥.០០០នាក់ ដោយភាគច្រើនអ្នកស្លាប់ ជាទារក និងកុមារ នៅតំបន់អាហ្វ្រិក។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម