ការបំបៅដោះកូនកូនរបស់ម៉ាក់ៗមួយចំនួននៅមានភាពខុសឆ្គង ទើបធ្វើឲ្យទារកមិនទទួលបានសារធាតុចិញ្ចឹមគ្រប់គ្រាន់។ នេះបើតាមលោក ហ៊ូ ក្រើន អនុប្រធានអង្គការ Helen Keller International លើកឡើង។
អ្នកជំនាញថា ការបំបៅដោះកូនរបស់ម៉ាក់ៗមួយចំនួននៅមានកំហុសឆ្គង
ត្រួតពិនិត្យដោយ ដេត ធន្នី
អនុប្រធានអង្គការរូបនេះបានឲ្យដឹងទៀតថា ម៉ាក់ៗមួយចំនួនតែងធ្វើខុសត្រង់ចំណុចកូនកំពុងតែបៅដោះម្ខាងមិនទាន់អស់ទឹកដោះផង ក៏ស្រាប់តែផ្ដាច់យកមកដាក់បៅម្ខាងទៀត។ លោកបានបន្តថា កាយវិការនេះ គឺធ្វើឲ្យកូនបាត់បង់សារធាតុចិញ្ចឹមដ៏សម្បូរបែបនៅក្នុងទឹកដោះម្ដាយដែលកូនកំពុងតែបៅមិនទាន់អស់។
“ម្ដាយមួយចំនួនពេលបំបៅដោះកូននៅដោះម្ខាងទើបតែបានបន្តិច ក៏ស្រាប់តែបង្វែរក្បាលកូនមកបៅម្ខាងទៀតដែលកំពុងតែបាញ់ចេញឆ្វាចៗ។ ធ្វើបែបនេះវាមិនត្រូវទេ ព្រោះទឹកដោះដែលទារកទើបបៅនោះមិនទាន់ដល់ចំណុចជីវជាតិសម្បូរបែបទេ”។
អត្ថបទពាក់ព័ន្ធ៖តិចច្រឡំថាទឹកដោះដំបូងមានក្រោយកើតកូនរួចទៅ តាមពិតមានតាំងពី…
អ្នកជំនាញអាហារូបត្ថម្ភខាងលើបានបន្តទៀតថា ទោះជាទឹកដោះម្ខាងទៀតកំពុងតែបាញ់ហៀរចេញមកក្រៅក៏ដោយ ត្រូវបំបៅម្ខាងឲ្យអស់សិន រួចចាំបន្តទៅបំបៅម្ខាងទៀត ដើម្បីទទួលបានសារធាតុចិញ្ចឹមសម្បូរបែបបានទាំងសងខាង។
ការបំបៅដោះ ទាមទារឲ្យម៉ាក់ៗទាំងអស់ត្រូវបំបៅកូនឲ្យអស់ពីម្ខាងៗឲ្យអស់សិន ព្រោះថាទោះជាដោះម្ខាងទៀតចេញច្រើនប៉ុណ្ណា ក៏មិនស្មើនឹងការបំបៅដោះឲ្យអស់សិនដែរ ណាមួយបើយើងរវល់តែលើកកូនចុះឡើង អាចបណ្ដាលឲ្យឈ្លក់បាន។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ដេត ធន្នី
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម