ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ក្មេងអាចឈឺច្រើន ឬពេលខ្លះ ក្អួតទៀតក៏មាន។ អ៊ីចឹង គួរដឹងពីដើមហេតុដែលធ្វើឲ្យក្អួតសិន ហើយកុំភ័យស្លន់ស្លោ។
ថ្ងៃនេះ “Hello គ្រូពេទ្យ” នឹងលើកពីវិធីដោះស្រាយមកពន្យល់។
ក្មេងមិនអាចទ្រាំក្នុងស្ថានភាពខ្សោះជាតិទឹកបានយូរដូចមនុស្សធំទេ។ សញ្ញាខ្សោះជាតិទឹក មាន ហេវហត់ ឆាប់ខឹង យំមានទឹកភ្នែកតិចៗ សាច់ឡើងត្រជាក់ ញាក់ភ្នែក នោមតិច និងទឹកនោមមិនថ្លា។
ដើម្បីកុំឲ្យខ្សោះជាតិទឹក ត្រូវឲ្យកូនឲ្យញ៉ាំទឹក ឬទឹកអូរ៉ាលីត ឲ្យបានច្រើន។ ពេលកូនក្អួតហើយ សាកឱ្យគេញ៉ាំទឹកបន្តិច ដើម្បីឲ្យដឹងថាគេញ៉ាំទឹកចូលអត់ ហើយបន្តពិនិត្យមើលការនោមរបស់កូនឲ្យបានទៀងទាត់។
បើកូនឈប់ក្អួតបាន ២–៣ម៉ោង គួរឲ្យញ៉ាំអាហាររាវៗ ទឹកស៊ុប ឬទឹកផ្លែឈើស្រស់ ព្រោះវាជាអាហារងាយរលាយ។ កុំឲ្យញ៉ាំរបស់រឹង ព្រោះអាចឲ្យមានបញ្ហាកាន់តែធ្ងន់។
ពេលក្មេងក្អួត ភាគច្រើនមិនឲ្យប្រើថ្នាំទេ ចាំប្រហែលប៉ុន្មាននាទី វានឹងបាត់ទៅខ្លួនឯង។ កុំឲ្យកូនញ៉ាំថ្នាំបំបាត់ក្អួត OTC ព្រោះវាគ្មានប្រសិទ្ធភាពលើការក្អួតដែលបណ្តាលមកពីមេរោគទេ។ ប្រើថ្នាំមិនត្រឹមត្រូវ អាចបង្កបញ្ហាច្រើនជាងមុនទៀត។ បើគ្មានវេជ្ជបញ្ជាពីពេទ្យទេ កុំឲ្យកូនញុំាថ្នាំបាត់ក្អួត។
គួរទៅពេទ្យភ្លាម បើកូនមានអាការៈទាំងនេះ៖
– ក្អួតច្រើនដង
– ងងុយដេករហូត
– ឆាប់ខឹងខុសធម្មតា
– មានសភាពខ្សោះជាតិទឹក
– ក្អួតញឹកញាប់ និងយូរលើសពីមួយថ្ងៃ
– ដាក់អីចូលបន្តិចក្អួត សូម្បីតែអាហាររាវ
– ក្អួតចេញពណ៌បៃតង (យើងតែងថាក្អួតបែកប្រមាត់) ឬឈាម។
យកកូនមកពេទ្យភ្លាម បើក្អួតផង ឈឺក្បាល រឹងកផង ហើយចេញកន្ទួលលើស្បែក។ ម៉ាក់ប៉ាត្រូវនៅតាមដាន ថែទាំ និងយកចិត្តទុកដាក់ឲ្យមែនទែន និងស្វែងរកជំនួយពីពេទ្យភ្លាមៗ បើមានអារម្មណ៍មិនស្រួល។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕