កាលពីជំនាន់មុន គេតែងឮចាស់ៗនិយាយពីជំងឺស្កន់ម្តាយដើមដែលកើតលើទារក តើជំងឺនេះជាជំងឺអ្វីឲ្យប្រាកដ? បណ្តាលមកពីមូលហេតុអី?
ធ្លាប់ឮពីជំងឺ ស្កន់ម្តាយដើម អត់ ហេតុអីគេហៅឈ្មោះបែបហ្នឹង?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
តាមការសាកសួរជាមួយលោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ ជំងឺស្កន់ម្តាយដើម ជាពាក្យដែលចាស់ៗហៅលើក្មេងៗដែលមានអាការៈប្រកាច់នៅពេលកើតបាន ១-២ អាទិត្យ ដោយមានជំនឿថា ម្តាយដើមរបស់ក្មេង នឹងមកយកជីវិតកូនទៅវិញ មិនឲ្យរស់នៅជាមួយម្តាយចុងទេ។
តែបើតាមបច្ចេកទេសពេទ្យ ស្កន់ម្តាយដើម ជាជំងឺតេតាណុសផ្ចិតទារក ដែលមូលហេតុបណ្តាលមកពីការយកសម្ភារៈមិនស្អាត មិនបានស្ងោរសម្លាប់មេរោគ ចំណិតឫស្សី ទៅកាត់ផ្ចិតទារក កង្វះអនាម័យពេលថែទាំផ្ចិតទារក និងការយករបស់មិនស្អាត ដូចជា ផេះ ដីដំបូក សំបុកពីងពាង សំបុកឆ្កែញ៉ាំង ម្សៅ ទៅរោយលើផ្ចិតទារកជាដើម។
រោគសញ្ញាជំងឺតេតាណុសផ្ចិតទារក៖
– លែងចង់បៅ
– ក្តៅខ្លួន
– យំមិនបាត់
– ពិបាកដកដង្ហើម
– កន្ត្រាក់សាច់ដុំថ្គាម
– កន្ត្រាក់រឹងដងខ្លួន ជើងត្រង់ ដៃបត់ខ្លាំង
– ប្រកាច់។
វិធីថែទាំផ្ចិតទារកមិនឲ្យឆ្លងមេរោគ កើតតេតាណុស៖
- ជូតសម្អាតទងផ្ចិតឲ្យស្ងួត ក្រោយពេលងូតទឹករួច
- លាបថ្នាំបេតាឌីន
- មិនត្រូវរុំកន្ទប ឬខោទឹកនោមលើផ្ចិតទេ
– មិនត្រូវឆ្កឹះ ឬប៉ះផ្ចិតទារកនោះទេ ទុកឲ្យវាជ្រុះដោយខ្លួនឯង។
អត្ថបទពាក់ព័ន្ធ៖ របៀបថែទាំផ្ចិតទារកទើបកើត ឲ្យឆាប់ជ្រុះ គ្មានដំបៅខ្ទុះ
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម