មិនថាម៉ាក់ៗថ្មីថ្មោង ឬម៉ាក់ៗធ្លាប់មានបទពិសោធថែទាំងកូនទេ ច្បាស់ជាធ្លាប់ឮពាក្យ DHA ក្នុងពេលផ្សាយពាណិជ្ជកម្មណាមួយមិនខាន ប៉ុន្តែមានស្គាល់សារធាតុនេះច្បាស់អត់? ដឹងថាមានផលប្រយោជន៍ខ្លាំងប៉ុនណាសម្រាប់អូនៗអត់? បើមិនទាន់ដឹងច្បាស់ “Hello គ្រូពេទ្យ’ នឹងលម្អិតពាក់ព័ន្ធប្រយោជន៍សារធាតុ DHA ជួយវិវដ្តភាពឆ្លាតវ័័យសម្រាប់អូនៗពេលនេះតែម្តង។
DHA ជាអ្វី? ដឹងថា ខួរក្បាលក្មេងៗត្រូវការវាជាចាំបាច់ប៉ុនណាអត់?
ត្រួតពិនិត្យដោយ គឹម កាណែល
១- DHA ជាអ្វី?
DHA ជាពាក្យកាត់នៃអាស៊ីដ Docosahexaenoic ពេលខ្លះត្រូវគេសំដៅទៅលើអាហារបំប៉នខួរក្បាលក្មេងៗ។ អាស៊ីដខ្លាញ់ល្អប្រភេទនេះ អាចជួយពង្រឹងសមត្ថភាពខួរក្បាលបានដល់ទៅ ៦០% និងជួយទ្រទ្រង់គ្រប់ប្រព័ន្ធប្រសាទក្នុងរាងកាយ ពិសេសអាស៊ីដ DHA ជាសមាសធាតុរចនាសម្ព័ន្ធដ៏សំខាន់នៃជាលិកាខួរក្បាល។
ការសិក្សារកឃើញថា អាស៊ីដខ្លាញ់នៃជាសមាភាពនៃអាស៊ីដខ្លាញ់អូមេហ្គា ៣ មួយនេះ ជះឥទ្ធិពលយ៉ាងធំធេងទៅលើការវិវត្ដខួរក្បាលរបស់ក្មេងៗតូចៗ ជួយពង្រឹងឥរិយាបថ ក៏ដូចជាសកម្មភាពផ្សេងៗរបស់ក្មេងក្នុងសង្គមផងដែរ។
២- អត្ថប្រយោជន៍ DHA
អ្នកស្រាវជ្រាវពីសាកលវិទ្យាល័យ Cincinnati បានស្រាវជ្រាវបង្ហាញពីប្រសិទ្ធភាពរបស់ DHA លើសកម្មភាពខួរក្បាលរបស់មនុស្ស។ ក្មេងប្រុសអាយុ ៩ ឆ្នាំ ចំនួន ២២នាក់ មានសុខភាពល្អ ត្រូវបានជ្រើសរើសដោយចៃដន្យ ឲ្យលេបប្រេងពោតជា Placebo (គ្រាប់ថ្នាំដែលគ្មានជាតិថ្នាំដើម្បីព្យាបាល ប្រើក្នុងការសិក្សាបែបវិទ្យាសាស្ត្រ) កម្រិត ៤០០ មិល្លីក្រាមនៃអាហារបំប៉ន DHA ឬ ១២០០មិល្លីក្រាម កម្រិត DHA ក្នុងមួយថ្ងៃ ដោយឲ្យប្រើប្រាស់រយៈពេល ៨ សប្ដាហ៍។
ក្រោយទទួលបានថ្នាំបំប៉ន DHA ទាំងនោះ ក្មេងៗ ត្រូវគេស្នើឲ្យធ្វើតេស្តពីកម្រិតយកចិត្តទុកដាក់ ដោយជាលទ្ធផល អ្នកស្រាវជ្រាវរកឃើញថា ថ្នាំ DHA បានបង្កើនចំនួនគ្រាប់ឈាមក្រហម។ បរិមាណនៃ DHA មិនមានផលប៉ះពាល់ដល់គុណភាពកិច្ចការផ្សេងៗក្មេងៗនោះទេ ថែទាំងជួយដល់សកកម្មភាពខួរក្បាល តាមរយៈការញ៉ាំ DHA ជារៀងរាល់ថ្ងៃទៀតផង។
DHA អាចជួយរំញោចដល់សកម្មភាពក្នុងខួរក្បាល ជាភាសាបច្ចេកទេស Dorso-lateral prefrontal cortex ដែលមានតួនាទីយ៉ាងសំខាន់លើការគ្រប់គ្រងផែនការអ្វីមួយក្នុងខួរក្បាល (Motor Planning) និងមុខងារបញ្ញា។ លើសពីនេះ បើកម្រិត DHA ក្នុងខួរក្បាលទាប អាចរាំងស្ទះដល់សកម្មភាពខួរក្បាលបាន។
អត្ថបទពាក់ព័ន្ធ៖
- បើកូនស្គមកំព្រឹង មិនឡើងគីឡូ សាកវិធីទាំងនេះ
- ប្រយ័ត្ន! បើកូនមានសញ្ញាទាំងនេះ ម៉ាក់ប៉ាត្រូវពិនិត្យអាហារភ្លាម
៣- ការសិក្សាដទៃទៀត
ក្នុងឆ្នាំ ២០០៦ សាកលវិទ្យាល័យ Maastricht ប្រទេសហូឡង់ បានធ្វើការស្រាវជ្រាវលើទំនាក់ទំនងរវាងបញ្ហាកើតមានពីកំណើត និងអាកប្បកិរិយាលើក្មេងអាយុ ៧ ឆ្នាំ។ ការសិក្សា គឺពិនិត្យមើលពីទំនាក់ទំនងរវាងអាស៊ីដខ្លាញ់ polyunsaturated លើបញ្ហាឥរិយាបថនៅពេលកើត និងការអភិវឌ្ឍក្រោយពេលកើត។ ការសន្និដ្ឋាន ម៉ាក់ៗញ៉ាំ DHA ក្នុងអំឡុងពេលពពោះ នឹងទទួលបានផលល្អទៅលើឥរិយាបទថកូនរយៈពេលយូរ។
ស្រាវជ្រាវពីមុន បង្ហាញថា ម៉ាក់ៗញ៉ាំ DHA អំឡុងពេលមានពពោះ កូននឹងមាន IQ ខ្ពស់ជាង កូនដែលម៉ាក់ៗ មិនញ៉ាំថ្នាំ DHA អំឡុងពេលមានផ្ទៃពោះ។
៤- អាហារមានផ្ទុក DHA
DHA ជាញឹកញាប់ ឃើញមាននៅក្នុងខ្លាញ់ត្រី ដូចជា ត្រីសាល់ម៉ុន ឬត្រីធូណា ប៉ុន្តែក៏ឃើញមានមួយផ្នែកតូចនៅក្នុងសាច់ និងស៊ុតដែរ។ DHA ទាញចេញពីអាស៊ីដអាល់ហ្វាលេនីក (ALA) ត្រូវបានគេរកឃើញនៅក្នុងសណ្ដែក គ្រប់វុលណាត់ គ្រាប់ធញ្ញជាតិ Flax និងប្រេងផ្កា Canola។
យ៉ាងណា ដោយសារមិនទាន់មានថ្នាំ DHA មានកម្រិតប្រើច្បាស់លាស់ សូមទៅពិគ្រោះជាមួយគ្រូពេទ្យដើម្បីដឹងពីកម្រិត DHA យើងគួរប្រើ។
យោងតាមវេជ្ជបណ្ឌិត Joel Fuhrman អ្នកនិពន្ធសៀវភៅ Disease-Proof Your Child បានណែនាំឲ្យប្រើ DHA ចន្លោះ ១០០-៦០០ មិល្លីក្រាម/ថ្ងៃ ពិសេសចំពោះក្មេងៗពិបាកផ្ចង់អារម្មណ៍ និងយកចិត្តទុកដាក់លើអ្វីមួយ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម