លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅបានឲ្យដឹងថា ត្អើកមិនមែនជារឿងធំដុំរបស់ទារកទេ តែម៉ាក់ប៉ាខ្លះមិនដឹងទើបចេះតែកើតចិត្តព្រួយបារម្ភ។ វាកើតឡើងដោយសារសាច់ដុំសន្ទះទ្រូង នៅសុខៗស្រាប់តែកន្ត្រាក់ភ្លាមៗ ហើយវិធីជួយកូនឲ្យបាត់វិញមានដូចជា ព្យាយាមឲ្យបៅបន្ថែមតិចៗ លើកកូនឲ្យផ្កាប់មុខលើស្មាយើង និងរឹតខ្នងកូនតិចៗ។ តែបើនៅមិនទាន់បាត់យើងអាចឲ្យកូនម៉ឹមទឹកបន្ថែម បើកូនគ្រប់អាយុ ៦ខែ ចំណែកវិធីពញ្ញាក់កូនក៏អាចសាកល្បងបានដែរ ប្រសិនកូនមានភាពរំញោច។ តែបើត្អើកយូរដល់ ២ ម៉ោង ត្រូវប្រញាប់ទៅជួបគ្រូពេទ្យ។