រឿងឈឺចង្កេះពេលកំពុងពពោះ វាជាករណីធម្មតាសម្រាប់ស្រីៗ ខណៈគ្នាយើងខ្លះឈឺចង្កេះនៅត្រីមាសទី១ ដោយសារឡើងទម្ងន់ ប៉ុន្តែត្រូវប្រយ័ត្នប្រយែងបន្តិច ពេលខ្លះឈឺចង្កេះពេលពពោះ ក៏អាចដោយសារបញ្ហាសុខភាព ដូចជា ក្រួសតម្រងនោម ឬបញ្ហានៅនឹងសន្លាក់ឆ្អឹងត្រគាក (symphysis pubis dysfunction)។ “Hello គ្រូពេទ្យ’ នឹងលម្អិតពីមូលហេតុ រោគសញ្ញា ក៏ដូចជាដំណោះស្រាយឲ្យយើងបានដឹង។
ឈឺចង្កេះពេលពពោះ អាចពាក់ព័ន្ធបញ្ហាសុខភាព មិនមែនធម្មតាៗទេ
ត្រួតពិនិត្យដោយ គឹម កាណែល
១- រោគសញ្ញាសំខាន់ៗបញ្ហាឈឺចង្កេះ ពេលកំពុងពពោះ
ស្រីៗអាចឈឺចុកចាប់នៅច្រើនកន្លែង ដូចជា ថ្ងាសខាងមុខ ចង្កេះ ដើមភ្លៅ និងតំបន់ប្រដាប់ភេទ ហើយពេលខ្លះអាចឮសំឡេងប្រឹសៗកកិតគ្នាគ្រីកគ្រូកទៀតផង។ អាការៈនេះ អាចធ្វើឲ្យយើងពិបាកដើរ ឡើងជណ្តើរ ឬសូម្បីតែកម្រើកជើងឡើងឡានក៏ពិបាកដែរ។
២- មូលហេតុឈឺចង្កេះ ពេលកំពុងពពោះ
មានមូលហេតុច្រើន ធ្វើឲ្យយើងឈឺចុកចាប់ចង្កេះពេលពពោះ ខណៈមូលហេតុចម្បង គឺការលូតលាស់ស្បូន ព្រោះដើម្បីគភ៌ក្នុងផ្ទៃអាចលូតលាស់បាន ស្បូនត្រូវរីកធំ ហើយរុញសាច់ដុំ និងសរីរាង្គផ្សេងទៀតទៅខាងៗ ដោយករណីនេះ ច្រើនមាននៅលើស្រីៗគ្នាយើងទើបពពោះលើកដំបូង។
មូលហេតុមួយទៀត គឺដោយសារគីសក្នុងក្រពេញអូវែ (ដុំទឹក)។ គីសនេះមិនមែនជាដុំមហារីក ហើយក៏មិនមានគ្រោះថ្នាក់ដែរ តែវានឹងរីកធំពេលយើងពពោះ ស្របពេលស្បូនរីកធំ ហើយសង្កត់លើក្រពេញអូវែ ជាហេតុធ្វើឲ្យឈឺជាប់។
ចុកចាប់ចង្កេះអំឡុងត្រីមាសទី ២ អាចមកពីសរសៃពួរស្បូន អាចនឹងឈឺពេលដើរ ក្រោកឈរជាដើម ហើយពេលកូនលូតលាស់ធំ ក៏ឈឺដែរ ដោយសារទម្ងន់កូនក្នុងផ្ទៃសង្កត់លើសរសៃប្រសាទដែលរត់ពីទ្វារមាសទៅជើង។
ស្រីៗខ្លះ ឈឺពោះដោយសារការកន្ត្រាក់ Braxton Hicks ដោយសារបាត់បង់ជាតិទឹកក្នុងខ្លួនចាប់ពីសប្តាហ៍ទី២០ ព្រោះអាងត្រគាករីកធំត្រៀមឲ្យគភ៌ឆ្លងកាត់ ក៏អាចមកពីការទល់លាមក ឬរលាកផ្លូវទឹកនោម។
មូលហេតុធ្ងន់ធ្ងរមួយចំនួនទៀត មានដូចជា កូនក្រៅស្បូន រលូតកូន កូនកើតមុនពេល មានដុំសាច់ក្នុងស្បូន រហែកស្បូន ឬរលាកខ្នែងពោះវៀន។
អត្ថបទពាក់ព័ន្ធ៖
៣- វិធីដោះស្រាយឈឺចង្កេះពេលកំពុងពពោះ
វិធីព្យាបាលអាការៈនេះ មានដូចជា ម៉ាស្សាដោយអ្នកជំនាញ ហាត់ប្រាណក្នុងទឹក ហាត់ប្រាណសម្រាប់ជាលិកាទន់ និងហាត់ប្រាណលើជំហរខ្លួនជាដើម។
ក្រៅពីនេះទៀត គ្នាយើងគួរសម្រាកឲ្យបានច្រើន ងូតទឹកក្តៅឧណ្ហៗ ហើយស្អំទឹកកកត្រង់ថ្ងាសខាងក្រោមតាមក្រោយ។ យើងមិនត្រូវធ្វើការធ្ងន់ ឬច្រើនពេកក្នុងពេលពពោះ ដូចជា លើករបស់ធ្ងន់ឡើងជណ្តើរ អង្គុយចោងហោង ក្រោកងើបលឿនៗជាដើម។ គួរអង្គុយឲ្យស្រួល មុននឹងធ្វើអ្វីមួយនាំឲ្យឈឺចង្កេះ។ គួរជ្រើសរើសស្បែកជើងរាបស្មើ ឬកែងទាប ខណៈសម្លៀកបំពាក់មួយចំនួន ក៏ជួយបន្ធូរសម្ពាធនៅនឹងចង្កេះបានផងដែរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម