តាំងពីដើមរៀងមក ចាស់ៗតែងមានត្រណមច្រើនយ៉ាងចំពោះស្រីៗមានផ្ទៃពោះ ដើម្បីរក្សាគភ៌ឲ្យនៅគង់ មានសុខភាពល្អ។ ក្នុងចំណោមត្រណមទាំងនោះ មានមួយចំនួនគឺជាទស្សនៈយល់ខុស ប្រាសចាកពីផ្នែកវេជ្ជសាស្ត្រទៅវិញ។
តាំងពីដើមរៀងមក ចាស់ៗតែងមានត្រណមច្រើនយ៉ាងចំពោះស្រីៗមានផ្ទៃពោះ ដើម្បីរក្សាគភ៌ឲ្យនៅគង់ មានសុខភាពល្អ។ ក្នុងចំណោមត្រណមទាំងនោះ មានមួយចំនួនគឺជាទស្សនៈយល់ខុស ប្រាសចាកពីផ្នែកវេជ្ជសាស្ត្រទៅវិញ។
ការដែលស្រីៗមានពោះពុងមុជទឹកពេលយប់មិនមែនធ្វើកូនថ្លោសនោះទេ កូនថ្លោសអាចមកពីរបបអាហាររបស់ម៉ាក់ៗច្រើនជាង ដូចជាការញុំាបន្លែ ផ្លែឈើលើសកម្រិត។ ការពិតទៅចាស់ៗហាមស្រីៗមានផ្ទៃពោះមិនឲ្យងូតទឹកនៅពេលយប់ ខ្លាចងងឹតធ្វើឲ្យរអិលដួល ប៉ះពាល់ដល់កូនក្នុងពោះប៉ុណ្ណោះ។
មិនអាចនោះទេ! មកទល់ពេលនេះគ្មានភស្តុតាងណាបញ្ជាក់ថា ការញ៉ាំពពួកខ្ចៅខ្ចង លៀស គ្រុំ ធ្វើឲ្យកើតមកហៀរទឹកមាត់នោះទេ។ ផ្ទុយទៅវិញ ការដែលកូនហៀរទឹកមាត់មិនឈប់រហូតដល់ធំ អាចមកពីអណ្តាតធំ មានការបង្ករោគ នៅក្រពេញទឹកមាត់ ឬមានបញ្ហាប្រព័ន្ធសរសៃប្រសាទជាដើម។ ចំណែកឯការញ៉ាំខ្ចៅខ្យងអាចធ្វើឲ្យម៉ាក់ៗមិនស្រួលពោះ ឆ្លងពពួកសត្វល្អិត-ព្រូន ចូលក្នុងពោះវៀន ដូច្នេះទោះវាមិនធ្វើឲ្យកូនហៀរទឹកមាត់ ក៏យើងមិនគួរញ៉ាំដែរ។
កូនកើតស្រួល ឬពិបាក អាស្រ័យទៅលើទម្រង់រាងកាយយើង ទំហំក្បាលកូន ទំហំអាងត្រគាកម៉ាក់ៗ ម្យ៉ាងវិញទៀតបើកូនថ្លោសខ្លាំងក៏ពិបាកកើតដែរ មិនមែនមកពីការញ៉ាំគ្រាប់ជីរ ឬល្ងនោះទេ។
អត្ថបទពាក់ព័ន្ធ៖ ម៉ាក់ៗញ៉ាំគ្រាប់ជីរ-ល្ង ច្រើនពេលពពោះ ស្រួលកើតកូន?
ពេទ្យហាមរួមភេទតែក្នុងករណីដែលម៉ាក់ៗមានបញ្ហាសុកពាំងមាត់ស្បូន កូនកើតមិនគ្រប់ខែ មានធ្លាក់ឈាមតាមទ្វារមាស មានឆ្លងជំងឺកាមរោគនៅប្រដាប់ភេទ មានការបែកទឹកភ្លោះមុនពេលសម្រាល និងមាត់ស្បូនបើកប៉ុណ្ណោះ។ ទោះជាពេទ្យមិនហាមក្តី តែស្រីៗគ្នាយើងមិនសូវមានចំណង់ប៉ុន្មានទេអំឡុងពពោះ ណាមួយចាញ់កូនទៀតរឹតតែអត់អារម្មណ៍។
រឿងនេះក៏មិនពិតដែរ សម្បុរស្បែកកូនស្អាត ឬមិនស្អាត អាស្រ័យលើរបបអាហារ សម្បុរម៉ាក់ប៉ា និងអនាម័យខ្លួនប្រាណម៉ាក់ៗ បើម៉ាក់មានការបង្ករោគផ្សិតអំឡុងពពោះនោះស្បែកកូនក៏មិនស្អាតដែរ។
ការភាន់ច្រឡំនេះ គឺដោយសារក្នុងផ្លែម្នាស់មានអង់ហ្ស៊ីម Bromelain ។ ពួកគេអះអាងថា អង់ហ្ស៊ីម Bromelain បំបែកជាតិប្រូតេអ៊ីន ហើយកូនទើបតែបង្កកំណើតថ្មីៗក្នុងផ្ទៃពោះ គឺផ្សំបង្កើតឡើងដោយជាតិប្រូតេអ៊ីន អ៊ីចឹងការញ៉ាំអង់ហ្ស៊ីម Bromelain អាចបណ្តាលឲ្យមានការហូរឈាម និងរលូតកូនបាន តែគ្មានភស្តុតាងគាំទ្រការអះអាងនេះទេ ផ្ទុយទៅវិញ ម៉ាក់ៗញ៉ាំម្នាស់ក្នុងបរិមាណល្មម មានសុវត្ថិភាព។
អត្ថបទពាក់ព័ន្ធ៖ រឿងដ៏ចម្រូងចម្រាស! ពិតអត់ដែលថា ញ៉ាំម្នាស់ រលូតកូន?
ក្នុងទឹកដូងសម្បូររ៉ែប៉ូតាស្យូម ម៉ាញេ៉ស្យូម កាល់ស្យូម និងផូស្វរ ជួយទប់ទល់បញ្ហាទល់លាមក បង្ការអការៈចាញ់កូន ក្អួតចង្អោរ ជួយការលូតលាស់ទារក និងលំនឹងទឹកភ្លោះបានល្អ។
ហាត់ប្រាណល្អចំពោះស្រីៗមានផ្ទៃពោះ ពេទ្យហាមតែការហាត់ប្រាណណាដែលត្រូវប្រើកម្លាំង និងកាយវិការខ្លាំងៗប៉ុណ្ណោះ។
គ្មានការសិក្សាបែបវិទ្យាសាស្ត្រណាបញ្ជាក់ថា ការមើលអូកេសាស្ត្រច្រើនធ្វើឲ្យប៉ះពាល់ដល់កូនក្នុងពោះនោះទេ តែវាបានផ្តល់អត្ថប្រយោជន៍ច្រើនដល់យើងវិញ ដោយអាចដឹងពីការវិវត្តរបស់កូន។
អត្ថបទពាក់ព័ន្ធ៖ មើលអេកូញឹកពេក ប៉ះពាល់កូនអត់? ពិនិត្យប៉ុន្មានដងល្អ?
មានម៉ាក់ៗជាច្រើនយល់ច្រឡំថា ការចាញ់កូនខ្លំាងអាចធ្វើឲ្យរលូតកូន តាមពិតមិនអ៊ីចឹងទេ អាការៈចាញ់កូនគឺតែងតែកើតមានអំឡុងត្រីមាសទី១ នៃការពពោះ ដោយសារតែការកើនឡើងកម្រិតអ័រម៉ូននៅក្នុងខ្លួន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕