រំលូតកូន គ្មានប៉ាម៉ាក់ណាគិតចង់ធ្វើនោះទេ ប៉ុន្តែក្នុងកាលៈទេសៈណាមួយ យើងអាចនឹងសម្រេចចិត្តធ្វើរឿងនេះទាំងបង្ខំ។ យ៉ាងណា ត្រូវចាំថា រំលូតកូន មានផលប៉ះពាល់ច្រើនចំពោះស្រីៗ គប្បីពិចារណាឲ្យបានល្អិតល្អន់មុនសម្រេចចិត្ត។ “Hello គ្រូពេទ្យ’ នឹងប្រាប់ស្រីៗឲ្យដឹងពីគ្រោះថ្នាក់បង្កឡើងដោយការរំលូតកូន។
ស្រីៗមុនសម្រេចចិត្តរំលូតកូន ត្រូវដឹងពីគ្រោះថ្នាក់ទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- គ្រោះថ្នាក់នៃការរំលូតកូន
សម្រាប់រយៈពេលពី ២-៤ សប្ដាហ៍ដំបូងបន្ទាប់ពីការរំលូតកូន ស្រីអាចនឹងកើតមានផលវិបាកផ្នែករាងកាយជាច្រើនដូចជា៖
– ការធ្លាក់ឈាមតាមទ្វារមាស
– មានអាការក្អួតចង្អោរ
– រាក
– ឈឺពោះរ៉ាំរ៉ៃ
– គ្រុនក្តៅ
ទោះបីជាវាកម្រនឹងកើតមានក៏ដោយ តែនៅមានផលវិបាកដ៏ធ្ងន់ធ្ងរមួយចំនួនពីការរំលូតកូន ធ្វើឱ្យប៉ះពាល់ដល់រាងកាយយូរអង្វែង ឬពេញមួយជីវិត ដោយផលប៉ះពាល់ទាំងនោះ មានដូចជា ៖
– ការរលាក និងបង្ករោគធ្ងន់ធ្ងរ ឈានទៅដល់ករណីពុលឈាម និងមិនអាចមានកូនបាន
– ហូរឈាមច្រើន និងហូរឈាមជាប់រហូត
– របួសមាត់ស្បូន
– កំណកឈាម (អាចមានដុំឈាមកក ឬដុំឈាមស្ទះនៅសរសៃឈាម)
– រហែកស្បូន
– ប្រកាច់
– ផលវិបាករបស់ថ្នាំស្ពឹក មានដូចជា ខូចធ្មេញ ប៉ះពាល់សួត និងសរសៃឈាមបេះដូងជាដើម។
ស្រីៗធ្លាប់រំលូតកូន បង្កើនឱកាសមានកូនក្រៅស្បូនខ្ពស់ បើធៀបនឹងស្រីៗមិនធ្លាប់រំលូតកូន។ ផលវិបាកធ្ងន់ធ្ងរនៃការរំលូតកូន អាចនាំស្លាប់ថែមទៀតផង។
សំខាន់បំផុត ត្រូវកត់សម្គាល់ថា ពេលយើងរំលូតកូន ត្រូវដឹងពីផលវិបាកជាមុន។ ស្ត្រីរំលូតកូនអំឡុងពេលមានផ្ទៃពោះភ្លាមៗ អាចកាត់បន្ថយហានិភ័យ និងគ្រោះថ្នាក់ពាក់កណ្តាល បើប្រៀបធៀបទៅនឹងស្រីៗរំលូតកូនយឺត (គភ៌លើសពី ៣ ខែឡើងទៅ)។
២- ផលប៉ះពាល់ផ្លូវចិត្តក្រោយរំលូតកូន
បន្ទាប់ពីរំលូតកូនរួច ស្ត្រីអាចមានអារម្មណ៍ធូរស្រាល ឬបាក់ទឹកចិត្តខ្លាំង ឬអារម្មណ៍ច្របូកច្របល់ពីការសម្រេចចិត្តរំលូតកូន។ ទោះយ៉ាងណា ការសិក្សាជាច្រើនបង្ហាញថា ករណីរំលូតកូន មានទំនោរកើតមានអារម្មណ៍អវិជ្ជមានច្រើនជាងអារម្មណ៍វិជ្ជមាន។
អារម្មណ៍អវិជ្ជមានបណ្តាលមកពីការរំលូតកូនរួមមាន៖
– អារម្មណ៍បន្ទោសខ្លួនឯង និងអាម៉ាស់
– អារម្មណ៍សោកស្តាយ
– កើតមានជំងឺថប់បារម្ភ
– គេងមិនលក់
– ឆេវឆាវ
– ញ៉ាំមិនបាន
– មានបញ្ហាទំនាក់ទំនង (ភ័យខ្លាចក្នុងការជួបជាមួយប្រុសៗ)
– បាត់បង់ចំណាប់អារម្មណ៍ និងចំណង់ផ្លូវភេទ
– កើតមានគំនិតចង់ធ្វើអត្តឃាត។
ភាគច្រើន ស្ត្រីទើបតែរំលូតកូន តែងចង់មានផ្ទៃពោះភ្លាមៗ ក្រោយពីការសោកស្តាយ។ ប៉ុន្តែ ភាគច្រើនស្ត្រីធ្លាប់រំលូតកូន អាចនឹងរំលូតកូនម្តងទៀត ពេលមានផ្ទៃពោះលើកក្រោយទៀត។
ស្រីៗដែលបានធូរស្រាលបន្ទាប់ពីរំលូតកូនរួច នឹងមានអារម្មណ៍ស្ពឹក ឬពិការមិនកម្រើកខ្លួន ដែលជាស្ថានភាពផ្លូវចិត្ត ជនរងគ្រោះពុំមានសមត្ថភាព និងអារម្មណ៍ ដើម្បីបង្ហាញអារម្មណ៍ខ្លួនបាន។
អត្ថបទពាក់ព័ន្ធ៖
- រំលូតកូន ហើយលែងមានកូនទៀត ដោយសារមូលហេតុទាំងនេះ
- ស្រីៗរំលូតកូន អាចប៉ះពាល់ដល់កូនក្រោយៗ ហើយប្រឈមកើតជំងឺធ្ងន់ៗ
៣- អ្នកណាខ្លះនឹងមានអារម្មណ៍អវិជ្ជមានខ្លាំង?
– ស្រីៗអាយុ ១៨ឆ្នាំ ឬក្មេងជាងនេះ
– ស្រីធ្លាប់មានប៉ះទង្គិចផ្លូវចិត្តពីមុនមក
– ស្រីៗដែលត្រូវបង្ខំរំលូតកូន ដោយសារស្ថានភាពហិរញ្ញវត្ថុ បញ្ហាសុខភាព ឬបញ្ហាផ្លូវចិត្ត ឬមិនពេញចិត្តពីដៃគូ ឬប្តីរបស់ខ្លួន
– ស្រីៗមានជំនឿសាសនាប្រឆាំងសកម្មភាពរំលូតកូន
– ស្រីៗដែលធ្វើការរំលូតកូនយឺត (គភ៌មានអាយុលើសពី ៣ ខែ)។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម