– មានអារម្មណ៍ក្រហាយពេលនោម ឬរួមភេទ
បើគ្នាយើងប្រទះរោគសញ្ញាដូចខាងលើ គួរសាកសួរគ្រូពេទ្យបន្ថែម។ ក្នុងករណីពេទ្យសង្ស័យយើងមានការបង្ករោគផ្សិត ពេទ្យនឹងពិនិត្យទ្វារមាសដោយបៀកសារធាតុរំអិលដើម្បីពិនិត្យ។ យោងតាមការពិនិត្យទ្វារមាស គ្រូពេទ្យអាចធ្វើរោគវិនិច្ឆ័យការបង្ករោគផ្សិត។ ករណីកម្រមួយចំនួន វត្ថុវិភាគអាចផ្ញើទៅមន្ទីរពិសោធន៍។
៤- ជម្រើសព្យាបាលមេរោគផ្សិត
បន្ទាប់ធ្វើរោគវិនិច្ឆ័យរួច ពេទ្យអាចណែនាំពីការព្យាបាលសម្រាប់យើង។ បើគ្នាយើងកំពុងពពោះ ពេទ្យអាចឲ្យប្រើបានតែប្រភេទក្រែមលាបទ្វារមាស និងថ្នាំស៊ុលប៉ុណ្ណោះ។
នៅមានថ្នាំលេបអាចព្យាបាលការបង្ករោគផ្សិតបាន ដូចជាថ្នាំ Diflucan (លេបតែមួយគ្រាប់គត់) ប៉ុន្តែពាក់ព័ន្ធសុវត្ថិភាពអំឡុងពេលពពោះ និងបំបៅដោះនៅមិនទាន់មានការបញ្ជាក់ច្បាស់នៅឡើយ។
ក្នុងករណីយើងមិនធ្វើការព្យាបាល វាអាចឆ្លងទៅលើមាត់បេប៊ីពេលសម្រាលចេញមកក្រៅ ហៅថា “ច្រាំងមាត់” ប៉ុន្តែថ្នាំមានប្រសិទ្ធភាពព្យាបាលបញ្ហាផ្សិតលើមាត់ទារកគឺថ្នាំ Nystatin។