វីតាមីន A មានសារៈសំខាន់សម្រាប់សុខភាព ព្រោះរាងកាយមិនអាចផលិតវីតាមីននេះបាន។ ហេតុនេះហើយរាងកាយយើងត្រូវទទួលវីតាមីនតាមរយៈរបបអាហារ។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
វីតាមីន A មានសារៈសំខាន់សម្រាប់សុខភាព ព្រោះរាងកាយមិនអាចផលិតវីតាមីននេះបាន។ ហេតុនេះហើយរាងកាយយើងត្រូវទទួលវីតាមីនតាមរយៈរបបអាហារ។
វីតាមីន A គឺជាសារធាតុចិញ្ចឹមសំខាន់សម្រាប់ដំណើរការក្នុងរាងកាយរួមមានមុខងារប្រព័ន្ធភាពស៊ាំ ការបន្តពូជ សុខភាពស្បែក មុខងារនៃស្រទាប់ពោះវៀន ប្លោកនោម និងផ្ទៃជាលិកាផ្សេងៗ គំហើញនិងការលូតលាស់។ អត្ថបទនេះនឹងប្រាប់គ្នាយើងថាអាហារណាខ្លះដែលសំបូរដោយវីតាមីន A។
ថ្លើមសត្វសំបូរដោយវីតាមីន A ព្រោះសត្វស្តុកវីតាមីន A នៅក្នុងថ្លើម។ ថ្លើមគោ ៨៥ក្រាមផ្ទុកវីតាមីន A ៦ ៥៨២មីក្រូក្រាម។ ម៉្យាងទៀត ថ្លើមក៏សំបូរដោយប្រូតេអ៊ីន និងសារធាតុចិញ្ចឹមផ្សេងទៀតរួមមាន ជាតិស្ពាន់ ជាតិដែក ហ្វូលិក Choline វីតាមីន B-2 និងB-12។
Khmer OS;”>ដំឡូងជ្វាមួយមើមផ្ដល់វីតាមីន A រហូតដល់ ១ ៤០៣មីក្រូក្រាម។ វីតាមីន A មាននៅក្នុងបន្លែប្រភេទមើមក្នុងទម្រង់ជា beta carotene ដែលការសិក្សាមួយចំនួនអះអាងថាអាចការពារជំងឺមហារីកប្រូស្តាត និងពោះវៀនធំ។ ដំឡូងជ្វាមានកាឡូរីទាប និងគ្មានជាតិខ្លាញ់ និងជាប្រភពដ៏ល្អនៃវីតាមីន B-6 វីតាមីន C ប៉ូតាស្យូម និងជាតិសរសៃ។
ការ៉ុតសំបូរដោយ beta carotene។ ការ៉ុតទម្ងន់ ២៥ក្រាមមានវីតាមីន A ៤៥៩មីក្រូក្រាម។ ការ៉ុតក៏សំបូរដោយជាតិសរសៃដែលជួយបង្ការការទល់លាមក និងជួយដល់សុខភាពពោះវៀន។
ពពួកសណ្ដែកសំបូរទៅដោយប្រូតេអ៊ីន និងជាតិសរសៃ។ សណ្ដែកអង្គុយស្ងោរ ១៧០ក្រាមមានវីតាមីន A ៦៦មីក្រូក្រាម។ សណ្ដែកអង្គុយនេះក៏មានជាតិដែកដែរ។ ការសិក្សាជាច្រើនបានឲ្យដឹងថាសណ្ដែកប្រភេទផ្សេងៗអាចបន្ថយហានិភ័យជំងឺបេះដូង និងជំងឺផ្សេងៗដូចជាជំងឺសម្ពាធឈាមខ្ពស់ ជំងឺដាច់សរសៃឈាមក្នុងខួរក្បាល និងជំងឺទឹកនោមផ្អែមប្រភេទ២។
ដូចបន្លែបៃតងផ្សេងទៀតដែរ ស្ពៃពួយឡេងសំបូរដោយសារធាតុចិញ្ចឹម។ ស្ពៃពួយឡេងចម្អិនហើយ ២២៥ក្រាមផ្តល់វីតាមីន A ៥៧៣មីក្រូក្រាម។ ក្រៅពីវីតាមីន A ស្ពៃពួយឡេងមានជាតិដែក និងម៉ាញ៉េស្យូមដែរ។ ការសិក្សាមួយចំនួនបានបង្ហាញថាស្ពៃពួយឡេងអាចបញ្ចុះសម្ពាធឈាម និងជួយឲ្យសុខភាពបេះដូងមានភាពប្រសើរឡើង។
ផ្កាខាត់ណាខៀវជាជម្រើសល្អមួយសម្រាប់វីតាមីន A ដោយផ្កាខាត់ណាខៀវ៦៤ក្រាមមានវីតាមីនA ចំនួន៦០មីក្រូក្រាម។ ផ្កាខាត់ណាខៀវមានវីតាមីន C និងK ដែរ។ វីតាមីន K គឺសំខាន់សម្រាប់ឆ្អឹង និងកំណកឈាម ខណៈដែលវីតាមីន C ជួយពង្រឹងប្រព័ន្ធភាពស៊ាំ និងអាចប្រឆាំងការរលាកបាន។
ម្ទេសប្លោកក្រហមឆៅ ១៧៥ក្រាម ផ្តល់វីតាមីន A ១១៧មីក្រូក្រាម។ ក្រៅពីទទួលបានវីតាមីន A នៅអាចទទួលបានវីតាមីន C វីតាមីន B-6 និងហ្វូលិក។
ផ្លែស្វាយមួយផ្លែមានវីតាមីន A ១១២មីក្រូក្រាម។ ផ្លែស្វាយសំបូរដោយសារធាតុប្រឆាំងអុកស៊ីតកម្ម និងជាតិសរសៃដែលអាចជួយដល់មុខងារពោះវៀន និងគ្រប់គ្រងកម្រិតជាតិស្ករក្នុងឈាម។
ផ្លែត្រសក់ផ្អែម ១៧៧ក្រាមផ្តល់ ១៣៥មីក្រូក្រាមនៃវីតាមីន A។ ផ្លែនេះក៏មានវីតាមីន C ដែលជួយពង្រឹងមុខងារប្រព័ន្ធភាពស៊ាំ និងការពារពីជំងឺផ្សេងៗ។
ទឹកប៉េងប៉ោះ ១៨០មីល្លិលីត្រមានវីតាមីន A ៤២មីក្រូក្រាម។ ទឹកប៉េងប៉ោះក៏មានវីតាមីន C និង lycopene ដែលជាសារធាតុប្រឆាំងអុកស៊ីតកម្ម។ ក្រៅពីនេះទឹកប៉េងប៉ោះក៏ដូចផ្លែប៉េងប៉ោះ និងផ្លែល្ពៅដែរគឺមានសារធាតុ lutein និង zeaxanthin ដែលសុទ្ធតែមានប្រយោជន៍ដល់សុខភាពភ្នែក។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕