ទោះបីជាយើងមិនអាចបញ្ឈប់រាងកាយមិនឲ្យវិវត្តទៅរកវ័យចំណាស់ក៏ដោយ ប៉ុន្តែយើងអាចពន្យារភាពចាស់បានដោយអនុវត្តវិធីតាមបែបធម្មជាតិមួយចំនួនបានដែរ។ អត្ថបទនេះនឹងបង្ហាញពីវិធីងាយៗដើម្បីពន្យារភាពចាស់នៃរាងកាយរបស់យើង។
វិធីងាយៗ ៨ យ៉ាង ជួយការពារស្បែកកុំឲ្យចាស់ជាងវ័យ
ត្រួតពិនិត្យដោយ គឹម កាណែល
១. បញ្ចូលផ្លែប៊្លូបឺរីក្នុងរបបអាហារប្រចាំថ្ងៃ
នៅពេលយើងឈានចូលវ័យចំណាស់ ស្បែករបស់យើងនឹងយារដែលបង្កដោយការខូចខាត DNA ដោយសារអុកស៊ីតកម្ម។ ការខូចខាតនេះគឺមិនអាចចៀសបានទេ ប៉ុន្តែយើងអាចពន្យឺតដំណើរការនេះបានដោយការញ៉ាំផ្លែប៊្លូបឺរី។ ផ្លែនេះសម្បូរដោយសារធាតុប្រឆាំងអុកស៊ីតកម្ម និងជួយប្រឆាំងនឹងសញ្ញានៃភាពចាស់ទៀតផង។
២. កំណត់ការញ៉ាំជាតិស្ករ
ការសិក្សាថ្មីៗនេះបានរកឃើញថាការញ៉ាំជាតិស្ករអាចពន្លឿនភាពចាស់ និងបង្កឲ្យមានស្នាមខ្មៅក្រោមភ្នែក បាត់បង់ជាតិទឹក និងស្នាមជ្រួញ។ ដើម្បីប្រឆាំងនឹងភាពចាស់ អ្នកជំនាញណែនាំឲ្យកំណត់ការញ៉ាំជាតិស្ករ និងចៀសវាងអាហារ និងភេសជ្ជៈដែលផ្អែម ហើយងាកមកផឹកទឹកឲ្យបានច្រើនវិញ។
៣. ចៀសវាងគេងផ្អឹបមុខនឹងខ្នើយ
ប្រសិនជាគ្នាយើងមួយចំនួនចូលចិត្តគេងផ្កាប់មុខនឹងខ្នើយ យកល្អគួរកែទម្លាប់នេះចេញ។ តាមការសិក្សា និងអ្នកជំនាញជាច្រើនបានលើកឡើងថាការគេងយកមុខផ្អឹបនឹងខ្នើយអាចបង្កស្នាមជ្រួញលើមុខជារៀងរហូត។ វិធីដែលល្អគឺបង្ការដោយទម្លាប់ខ្លួនឲ្យគេងផ្ងារវិញ។
៤. ត្រួតពិនិត្យកម្រិតជាតិកាល់ស្យូម
យើងគ្រប់គ្នាសុទ្ធតែដឹងហើយថាកាល់ស្យូមគឺល្អសម្រាប់ឆ្អឹង ប៉ុន្តែគ្នាយើងតិចនាក់ណាស់ដែលដឹងថាកាល់ស្យូមសំខាន់ក្នុងការការពារយើងពីការចាស់មុនអាយុ។ នៅពេលរាងកាយទទួលបានជាតិកាល់ស្យូមគ្រប់គ្រាន់អាចនឹងកាត់បន្ថយសញ្ញានៃភាពចាស់ និងជួយឲ្យឆ្អឹងរឹងមាំទៀត។
៥. ផឹកតែបៃតង
តែបៃតងអាចជួយរាងកាយទាំងផ្នែកខាងក្នុង និងខាងក្រៅ។ តែបៃតងសម្បូរដោយសារធាតុប្រឆាំងអុកស៊ីតកម្ម ហើយជួយជួសជុលកោសិកាស្បែក និងធ្វើឲ្យយើងក្មេងជាងវ័យ។ មិនត្រឹមតែប៉ុណ្ណោះ តែបៃតងជួយបន្ថយភាពក្រហម និងការរលាកនៅលើស្បែកព្រោះតែបៃតងក៏មានសារធាតុប្រឆាំងការរលាកដែរ។ ការផឹកតែបៃតងជាប្រចាំអាចជួយឲ្យស្បែកតឹង និងមានសុខភាពល្អ។ យើងក៏អាចដាក់កញ្ចប់តែបៃតងដែលឆុងរួចនៅលើភ្នែករបស់យើងរយៈពេល២ទៅ៣នាទីដើម្បីចៀសវាងស្នាមខ្មៅក្រោមភ្នែក និងការហើមភ្នែក។
៦. កុំងូតទឹកយូរពេក
ដើម្បីពន្យារភាពចាស់ យើងមិនគួរងូតទឹកយូរពេកទេ។ មានការសិក្សាឃើញថាការងូតទឹកយូរអាចបំផ្លាញស្បែក និងធ្វើឲ្យស្បែកស្ងួត ហើយអាចបង្កឲ្យមានស្នាមជ្រួញ និងស្បែកយារទៀតផង។ ដូចនេះយកល្អគួរងូតទឹកដោយប្រើតិច ប៉ុន្តែចំណាយពេលច្រើនលើការថែទាំស្បែកវិញ។
៧. ការពារកម្ដៅថ្ងៃ
កម្ដៅថ្ងៃគឺជាចំណែកធំមួយដែលពន្លឿនភាពចាស់។ បើយើងត្រូវកម្ដៅថ្ងៃកាន់តែច្រើន ហានិភ័យនៃការចាស់មុនអាយុក៏កាន់តែខ្លាំងដែរ។ ដូចនេះយកល្អគ្នាយើងគួរប្រើឡេការពារកម្ដៅថ្ងៃរាល់ថ្ងៃពេលចេញទៅក្រៅ និងពាក់អាវបិទបាំងខ្លួនឲ្យបានត្រឹមត្រូវដើម្បីការពារខ្លួនពីកាំរស្មី UV។
៨. សមាធិ និងចៀសវាងស្ត្រេសច្រើន
ស្ត្រេសច្រើនពេកអាចធ្វើឲ្យដំណើរភាពចាស់កាន់តែលឿន ហើយការគិតច្រើន និងថប់បារម្ភក៏បណ្ដាលឲ្យចាស់មុនអាយុដែរ។ ការធ្វើសមាធិអាចជួយបន្ធូរអារម្មណ៍ និងធ្វើឲ្យរាងកាយបញ្ចេញអ័រម៉ូនសប្បាយរីករាយនៅក្នុងរាងកាយដែលធ្វើឲ្យយើងមានអារម្មណ៍ល្អជាងមុន។ នេះជាវិធីបង្ការភាពចាស់ដែលមិនចំណាយច្រើន។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម