គេង ជារឿងចាំបាច់សម្រាប់យើងគ្រប់គ្នា ដើម្បីឲ្យខួរក្បាលសម្រាក បង្កើនថាមពលក្នុងខ្លួនឡើងវិញ តែបើយើងគេងបានតិចពេក ឬគេងច្រើនពេក ក៏វាប៉ះពាល់ដល់មុខងារចងចាំផងដែរ។ អ៊ីចឹង តើគួរគេងប៉ុន្មានម៉ោង ទើបល្អសម្រាប់សុខភាព?
គេងតិច ឬច្រើនពេក ប៉ះពាល់ដល់ការចងចាំ! ចឹងគេងប៉ុន្មានម៉ោងល្អ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
គេងតិចជាង ៧ ម៉ោង ឬលើសពី ៩ ម៉ោង ប៉ះពាល់ដល់មុខងារចងចាំរូបភាព។ នេះតាមការសិក្សាមួយ ចេញផ្សាយដោយសាកលវិទ្យាល័យក្រុងឡុងដ៍ (University College London) នៅថ្ងៃទី២៨ ខែឧសភា ២០១៩។
ក្រុមអ្នកស្រាវជ្រាវ វិភាគលើទិន្នន័យអ្នកចូលរួម ៤០ម៉ឺននាក់ ទទួលបានពីស្ថាប័នគ្រប់គ្រងទិន្នន័យសុខភាពចក្រភពអង់គ្លេស Biobank ដោយពិនិត្យមើលថា តើមានការពាក់ព័ន្ធគ្នាខ្លាំងទេ រវាងការគេង មុខងារចងចាំ និងការភ្លេចភ្លាំង?
លទ្ធផលរកឃើញថា អ្នកគេងតិចជាង ៧ ម៉ោង មានកំហុស (Error) ៥% ក្នុងការតេស្ដចងចាំរូបភាព ខណៈអ្នកគេងលើស ៩ ម៉ោង មានកំហុសដល់ ៩%។ វេជ្ជបណ្ឌិត Victoria Garfield អ្នកដឹកនាំការសិក្សា បញ្ជាក់ថា “មនុស្សពេញវ័យមានសុខភាពល្អ ធ្វើតាមការណែនាំដោយគេង ពី ៧-៩ ម៉ោង“។
ការសិក្សានេះ បង្ហាញសារៈសំខាន់នៃរយៈពេលគេង សម្រាប់មុខងារចងចាំ ហើយក៏ណែនាំឲ្យទម្លាប់គេងបានត្រឹមត្រូវផងដែរ ដើម្បីសុខភាពផ្នែកចងចាំ (Cognitive Health)។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម