រោមភ្នែកជាផ្នែកសំខាន់មួយក្នុងចំណោមចំណុចៗដែលស្រីចង់ឲ្យកាន់តែស្អាត កាន់តែទាក់ទាញ ក្រៅពីមុខមាត់ សក់ ការស្លៀកពាក់។ ស្រីៗយើងខ្លះ ត្រូវតរោមភ្នែកដើម្បីឲ្យមើលទៅវែង ក្រាស់ កាន់តែស្អាត។ ប៉ុន្តែ ត្រូវធ្វើម៉េចឲ្យមានសុវត្ថិភាព?
ស្រីៗគួរដឹង! របៀបតរោមភ្នែកឲ្យស្អាត ហើយសុវត្ថិភាព
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- ប្រភេទ និងគ្រឿងធ្វើ
រោមភ្នែកអស់ទាំងនោះ មានភាពខុសប្លែកនានា ដូចជា ប្រវែង ភាពកោង និងវត្ថុធាតុដើមដែលគេផលិត។
– សម្រាប់ប្រវែង ហាងកែសម្ផស្សស្ទើរទាំងអស់ប្រើរោមភ្នែកពី ៩-១៥ មិល្លីម៉ែត្រ តែប្រវែង ១០-១២ មិល្លីម៉ែត្រ ជាប្រវែងស្ដង់ដារ និងត្រូវបានណែនាំឲ្យប្រើ។
– ភាពកោង រាងអក្សរ J ដូចធម្មជាតិ មិនរំខាន ឬទើសពេលធ្មេច ឬប្រិចភ្នែកម្ដងៗ។ ឯរោមភ្នែកត ដែលមានរាងអក្សរ C ក៏ជាជម្រើសដ៏ល្អដែរ។
– សម្រាប់វត្ថុធាតុដើមដែលធ្វើវិញ រោមភ្នែកតាមធម្មតា ធ្វើពីជាតិសរសៃសំយោគដូចជានីឡុង ឬពីសូត្រ ពីរោមសត្វសំពោច រោមសត្វកញ្ជ្រោងសិប្បនិម្មិត ហើយពេលខ្លះមែនទែន តាមតម្លៃ។
២- របៀបត
យកចន្ទាសចាប់រោមភ្នែកសិប្បនិម្មិត រួចបិទកាវ ហើយយកទៅតភ្ជាប់នឹងរោមភ្នែកធម្មជាតិយើង។ រោមភ្នែកសិប្បនិម្មិតវែងជាងគេ គឺសម្រាប់ពាក់ ឬត រោមភ្នែកធម្មជាតិផ្នែកវែងបំផុតដូចគ្នា។
– មុនដំបូង៖ ប្រើចន្ទាសចាប់វែងមានមុខស្រួចជ្រលក់កាវ (ត) រោមភ្នែកសិប្បនិម្មិត។
– បន្ទាប់មក៖ ពាក់ភ្ជាប់រោមភ្នែកធម្មជាតិ ហើយទប់ឲ្យជាប់ចន្លោះពី ៣០-៤០ វិនាទី ដើម្បីឲ្យកាវស្អិតជាប់ ឬសារ៉េឲ្យត្រង់ស្អាត មុនកាវស្ងួត។
៣- ចំណុចគួរដឹង
– ទុកបានយូរប៉ុនណា?៖ ចន្លោះពី ២-៨សប្ដាហ៍ អាស្រ័យលើការថែទាំ និងគុណភាពរោមភ្នែកសិប្បនិម្មិត។ ចៀសវាងញីភ្នែក ឬហែលទឹក។ នៅពេលរោមភ្នែកធម្មជាតិយើងជ្រុះ នោះរោមភ្នែកសិប្បនិម្មិតក៏ជ្រុះដូចគ្នា។
– អ្នកត៖ ដើម្បីមានសុវត្ថិភាព គួរតែជាទៅរកអ្នកឯកទេសសម្ផស្សដែលមានច្បាប់អនុញ្ញាត មានអាជ្ញាប័ណ្ណ តរោមភ្នែកឲ្យត្រូវតាមបច្ចេកទេស។
– ត ឬផ្សាំ៖ការតរោមភ្នែក គ្រាន់ជាពាក់រោមភ្នែកបន្ថែមប៉ុណ្ណោះ មិនមែនជាការផ្សាំរោមភ្នែកដែលទាមទារការវះកាត់ពីគ្រូពេទ្យជំនាញនោះទេ។
– ប្រយ័ត្នគ្រោះថ្នាក់៖ ពិនិត្យ និងសួរនាំអ្នកលក់ឲ្យច្បាស់ ហើយត្រូវប្រាកដថា រោមភ្នែកសិប្បនិម្មិតដែលយើងត្រៀមទិញនោះ មិនមានធាតុផ្សំក្នុងកាវស្អិតសម្រាប់បិទរោមភ្នែក ព្រោះវាអាចបង្កអាលែកហ្ស៊ីស្បែក។
– កុំប្រើម៉ាស្ការ៉ា៖ បើប្រើខ្មៅដៃម៉ាស្ការ៉ា មកគូសពត់រោមភ្នែក អាចបង្កខូចរោមភ្នែកសិប្បនិម្មិត។
– ករណីដករោមភ្នែកតចេញ៖ កុំដោះរោមភ្នែកសិប្បនិម្មិតដោយខ្លួនឯង គួរទុកឲ្យវាជ្រុះដោយខ្លួនឯង ឬទៅរកអ្នកជំនាញដកវាចេញ។ ធ្វើបែបនេះមិនឈឺ ងាយស្រួល និងលឿន។
បើឈឺ មានការបង្ករោគ ឬធ្លាក់ត្របកភ្នែកក្រោយពេលតរោមភ្នែកសិប្បនិម្មិត ត្រូវប្រញាប់ទាក់ទងអ្នកជំនាញ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នកជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម