តែជាភេសជ្ជៈមួយប្រភេទដែលពេញនិយមខ្លាំងនៅទូទាំងពិភពលោក ហើយថែមទាំងផ្តល់អត្ថប្រយោជន៍ជាច្រើនដល់រាងកាយថែមទៀតផង។ អត្ថប្រយោជន៍ល្អៗនៃការញ៉ាំតែ មានដូចជា ជួយការពាររាងកាយពីការបំផ្លាញដោយពពួករ៉ាឌីកាល់សេរី ជួយឲ្យយើងផ្ចង់អារម្មណ៍បានល្អ និងមានភាពស្វាហាប់។
ញ៉ាំទឹកតែច្រើនជ្រុល អាចប្រឈមនឹងផលប៉ះពាល់ទាំង ៥នេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
យ៉ាងណាមិញ ប្រសិនបើយើងញ៉ាំតែច្រើនជ្រុលលើសពី៣ ទៅ៤ពែង ឬចាប់ពី៧១០ ទៅ៩៦០មីល្លីលីត្រក្នុងមួយថ្ងៃ នោះនឹងអាចបង្កផលប៉ះពាល់អវិជ្ជមានដល់ខ្លួនយើងវិញជាមិនខាន។
ញ៉ាំតែច្រើនជ្រុលផ្តល់ផលប៉ះពាល់អ្វីខ្លះ?
១. រំខានដំណេក
តែផ្ទុកទៅដោយជាតិកាហ្វេអ៊ីន អីចឹងហើយ ទើបភេសជ្ជៈមួយប្រភេទនេះ អាចប៉ះពាល់ដល់ដំណេក និងធ្វើឲ្យយើងបញ្ចេញអ័រម៉ូនស្រ្តេសទៅក្នុងរាងកាយ ប្រសិនបើយើងញ៉ាំលើសកម្រិត។
ចង់គណនារង្វាស់ចង្វាក់បេះដូង ចុចទីនេះ!
ចងពិនិត្យជំងឺសរសៃឈាមបេះដូង ចុចទីនេះ!
២. ចាល់អាស៊ីដ
គ្នាយើងខ្លះប្រឈមនឹងអាការៈមួយចំនួន ដូចជាចង្អោរ ឬចាល់អាស៊ីដ នៅពេលដែលញ៉ាំតែច្រើនជ្រុល។ កត្តានេះ ដោយសារតែមានផ្ទុកសារធាតុ tannins ដែលរំខានដល់ប្រព័ន្ធរំលាយអាហារ។
៣. កង្វះជាតិទឹក
ទន្ទឹមនឹងនេះដែរ ប្រសិនបើយើងញ៉ាំតែច្រើនជ្រុល នោះអាចបណ្តាលឲ្យយើងជួបបញ្ហាកង្វះជាតិទឹកក្នុងរាងកាយ ជាពិសេសនៅរដូវក្តៅតែម្តង។
៤. រំខានដល់ការស្រូបយកជាតិដែក
បន្ថែមពីនេះ សារធាតុtanninsនៅក្នុងទឹកតែ អាចរារាំងដល់ការស្រូបយកជាតិដែកទៅក្នុងរាងកាយ។ ដូច្នេះហើយ ក្នុងករណីដែលយើងញ៉ាំតែច្រើនជ្រុល នឹងអាចបណ្តាលឲ្យកើតជំងឺស្លេកស្លាំងដោយសារកង្វះជាតិដែក។
អត្ថបទពាក់ព័ន្ធ៖
៥. មានបញ្ហាមាត់ធ្មេញ
ជាមួយគ្នានេះដែរ ចំពោះទឹកតែ ជាពិសេសតែខ្មៅ អាចបន្សល់ស្នាមប្រឡាក់នៅជាប់ធ្មេញ។ ជាងនេះទៅទៀត ការញ៉ាំតែក្នុងកម្រិតខ្ពស់ក៏អាចនាំឲ្យមានកំណកកំបោរ និងពុកធ្មេញ ផងដែរ។ ដូច្នេះហើយ យើងចាំបាច់ត្រូវកាត់បន្ថយការញ៉ាំតែទើបជាការប្រសើរ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម