នរណាក៏ដឹងដែរ មហារីកជាជំងឺកាចសហាវ មានច្រើនប្រភេទ ពិបាកក្នុងការព្យាបាល ឯមហារីកមួយចំនួនព្យាបាលមិនជានោះទេ បានត្រឹមប្រើថ្នាំពន្យារជីវិតប៉ុណ្ណោះ។

ត្បិតមហារីកសាហាវ តែយើងម្នាក់ៗអាចបង្ការមិនឲ្យកើតជំងឺនេះបាន ដោយចាប់ផ្តើមពីទម្លាប់នៃការរស់នៅ ហូបចុក ជាដើម នេះបើតាមការបញ្ជាក់របស់លោកវេជ្ជបណ្ឌិត អ៊ាវ សុខា ប្រធានផ្នែកជំងឺមហារីក ជំងឺឈាម នៃមន្ទីរពេទ្យកាល់ម៉ែត។

១- កុំជក់បារីគ្រប់ប្រភេទ

បារីមានជាតិនីកូទីន អ្នកជក់បារី ចុកថ្នាំ ឬអ្នកស្រូបផ្សែងដោយប្រយោល សុទ្ធទទួលរងផលប៉ះពាល់ដូចគ្នា រួមមាន ជំងឺមហារីកសួត បេះដូង បំពង់ក មាត់ធ្មេញ។

២- ញ៉ាំអាហារសុខភាព

កុំញ៉ាំសាច់ ខ្លាញ់អាក្រក់ច្រើន ឬពពួកអាហារប្រៃ-ផ្អែមខ្លាំង មិនល្អចំពោះសុខភាពយើងទេ ហើយងាយកើតជំងឺច្រើនណាស់មុខណាស់។

ចង់គណនា BMR ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

៣- ហាត់ប្រាណទៀងទាត់

ចំណាយពេលតែ ១៥ នាទី ឬកន្លះម៉ោង/១ថ្ងៃ ធ្វើលំហាត់ប្រាណ នោះសុខភាពយើងក៏ល្អ ជំងឺកាចសាហាវផ្សេងក៏មិនមកយាយីដែរ។

តិចនិកសុខភាព

៤- ចៀសវាងការត្រូវកម្តៅថ្ងៃខ្លាំង

រស្មីអុលត្រាវីយូឡេពីកម្តៅថ្ងៃជាមូលហេតុនៃជំងឺមហារីកស្បែក ដូច្នេះយើងមិនត្រូវឲ្យស្បែកត្រូវកម្តៅព្រះអាទិត្យខ្លាំងញឹកញាប់ពេកនោះទេ គួរតែលាបក្រែមការពារកម្តៅថ្ងៃរាល់ពេលចេញក្រៅ។

៥- បរិស្ថានរស់នៅស្អាត មិនមានខ្យល់ពុល

ខ្យល់ពុលក៏ជាមូលហេតុនៃការកើតជំងឺមហារីកដែរ យកល្អយើងគួរមានបរិស្ថានរស់នៅស្អាត គ្មានខ្យល់ពុល។

៦- បំដៅដោះកូន

ការសិក្សាបង្ហាញថា ម៉ាក់ៗដែលបំបៅដោះកូន មិនសូវមានហានិភ័យកើតមហារីកសុដន់នោះទេ។

៧- កំណត់ការញ៉ាំជាតិអាល់កុលឲ្យបានតិច

តួលេខប្រុសៗដែលកើតជំងឺមហារីកថ្លើមច្រើនបំផុត នេះក៏ចំណែកនៃការផឹកស្រាលើសកម្រិត។

ស្រា

៨- ចាក់វ៉ាក់សាំងការពារ

រលាកថ្លើមប្រភេទ B និងមហារីកមាត់ស្បូន ជំងឺមហារីក២មុខនេះ មានវ៉ាក់សាំងចាក់ការពារហើយ ដូច្នេះចាំអីទៀត ត្រូវតែចាក់វ៉ាក់សាំងការពារ។

អត្ថបទគួរអាន៖

អនុវត្តន៍ ៨ ចំណុចនេះ អាច​កាត់​បន្ថយការ​​កើត​ជំងឺ​​មហារីកដ៏កាច​សាហាវ