មកដល់បច្ចុប្បន្នមិនទាន់ដឹងមូលហេតុច្បាស់លាស់នាំឲ្យស្ត្រីកើតជំងឺមហារីកសុដន់នៅឡើយទេ គ្រាន់តែដឹងថា ស្រ្តីដែលកើតមហារីកសុដន់មានបម្រែបម្រួលហ្សែន ដែលវិវត្តទៅជាកើតជំងឺមហារីកសុដន់។ នេះជាការលើកឡើងរបស់លោកសាស្ត្រាចារ្យវេជ្ជបណ្ឌិត អ៊ាវ សុខា ឯកទេសជំងឺមហារីក និងជំងឺឈាម។ លោកក៏បានពន្យល់ពីមហារីកសុដន់តាមដំណាក់កាលដូចខាងក្រោម៖
មាតិកា
មកដឹងពីដំណាក់កាលទាំង៤ នៃជំងឺមហារីកសុដន់
មហារីកសុដន់ដំណាក់កាលទី១
មហារីកសុដន់ ដំណាក់កាលទីមួយ គឺ ដុំសាច់កោសិកាមហារីកចាប់ផ្ដើមរីករាលដាលហើយទៅកោសិកាខ្លាញ់សុដន់ ឬក៏កូនកណ្ដុរនៅក្បែរៗខាង។ ទោះជាចាប់ផ្ដើមវិវត្ត ប៉ុន្តែដុំមហារីកនៅតែតូច ឬមិនរីកធំនៅឡើយទេ។ ដំណាក់កាលដំបូង ដុំមហារីកមានទំហំតូចណាស់ រហូតដល់យើងមិនអាចកត់សម្គាល់ ឬដឹងអ្វីទាំងអស់ លុះត្រាតែថត (ស្កេន) ឬប្រើតិចនិករកមើលកោសិកាមហារីក ទើបដឹង។
មហារីកសុដន់ដំណាក់កាលទី២
ដំណាក់កាលទី២ ដុំសាច់មហារីកសុដន់ចាប់ផ្ដើមលុកលុយហើយ។ ទំហំដុំសាច់អាចរីកធំជាងមុន ហើយបន្តរាលដាលទៅកូនកណ្ដុរក្បែរៗនោះ។
មហារីកសុដន់ដំណាក់កាលទី៣
មហារីកសុដន់នៅដំណាក់កាលទីបី គឺរីករាលដាល ហើយចូលទៅដល់កូនកណ្ដុរជុំវិញឆ្អឹងកងក ឬទៅក្នុងសុដន់ជ្រៅ។ ដុំមហារីកអាចរីកលូតលាស់ទំហំ ហើយបន្តរីករាលដាលទៅដល់ជញ្ជាំងទ្រូង ឬស្បែក។
មហារីកសុដន់ដំណាក់កាលទី៤
មហារីកសុដន់/ដោះដំណាក់កាលទី៤ ឬដំណាក់កាលចុងក្រោយ ដុំសាច់កាច (ដុំសាច់មហារីក) បន្ត រីករាលដាល ហើយចូលទៅដល់តំបន់ដែលនៅឆ្ងាយៗដូចជា សួត ថ្លើម ឆ្អឹង ខួរក្បាល ឬក៏ទៅដល់កូនកណ្ដុរឆ្ងាយៗដែលជាកន្លែងគ្រោះថ្នាក់ជាងគេ។
អាន៖
- មហារីកសុដន់កើតឡើងមកពីអ្វី មានរោគសញ្ញាបែបណា?
- ស្រីៗ ត្រូវចេះបែងចែកកន្ទួលលើសុដន់ធម្មតា និងកន្ទួលសញ្ញាមហារីក
- បំបៅដោះកូនកាត់បន្ថយហានិភ័យកើតជំងឺមហារីកសុដន់
- ជំងឺមហារីកសុដន់ ៤ចំណុចគួរដឹងកុំឲ្យចេះតែបារម្ភ
- ស្រ្តីវ័យក្មេង អាចកើតជំងឺមហារីកសុដន់ដែរឬអត់?
- តិចនិកជួយស្រីៗ ចៀសឆ្ងាយពីជំងឺមហារីកសុដន់
- ស្វែងយល់ពីមហារីកជាច្រើនផ្សេងទៀត ចុចទីនេះ
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Breast Cancer Stages: 0 Through IV – Breastcancer.org – https://www.breastcancer.org/symptoms/diagnosis/staging#:~:text=Breast%20cancer%20stage%20is%20usually,other%20parts%20of%20the%20body.
Breast Cancer: Stages – https://www.cancer.net/cancer-types/breast-cancer/stages
Stages of Breast Cancer | Understand Breast Cancer Staging – https://www.cancer.org/cancer/breast-cancer/understanding-a-breast-cancer-diagnosis/stages-of-breast-cancer.html
Number stages of breast cancer | Cancer Research UK – https://www.cancerresearchuk.org/about-cancer/breast-cancer/stages-types-grades/number-stages
Stages of Breast Cancer – Memorial Sloan Kettering Cancer … – https://www.mskcc.org/cancer-care/types/breast/diagnosis/stages-breast
កំណែប្រែបច្ចុប្បន្ន
18/10/2024
អត្ថបទដោយ ដេត ធន្នី
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម