ជំងឺមហារីកសុដន់កើតឡើងជាទូទៅចំពោះស្រីៗយើង ជាពិសេសអ្នកដែលអាយុចាប់ពី៥០ឆ្នាំឡើងទៅ ប៉ុន្តែស្ត្រីវ័យក្មេងក៏អាចប្រឈមនឹងជំងឺមហារីកនេះដែរ។ ជាក់ស្ដែង មានស្ត្រីម្នាក់ក្នុងចំណោមស្ត្រី៨នាក់ ធ្វើរោគវិនិច្ឆយថាមានជំងឺមហារីកសុដន់។ យ៉ាងណាមិញ ការរកឃើញជំងឺនេះទាន់ពេលអាចជួយឲ្យការព្យាបាលកាន់តែមានប្រសិទ្ធភាពខ្ពស់។ ដូច្នេះហើយ គ្នាយើងគប្បីពិនិត្យសុដន់ដោយខ្លួនឯងជាទៀងទាត់ និងចាំបាច់ត្រូវពិគ្រោះជាមួយគ្រូពេទ្យភ្លាមៗ ក៏ដូចជាថតសុដន់ដើម្បីរកមើលជំងឺមហារីកឲ្យទាន់ពេលវេលា។

រោគសញ្ញានៃជំងឺមហារីកសុដន់

ប្រែប្រួលទំហំ ឬរូបរាងនៃសុដន់ម្ខាង ឬទាំងសងខាង
ដុំពក ឬហើមនៅក្លៀក
មានកន្ទួលនៅជុំវិញចុងសុដន់
ចុងសុដន់ប្រែប្រួល ដូចជាលឹបចូលក្នុង
ហូរទឹកពីចុងសុដន់ ដែលអាចមានឈាម

មូលហេតុបង្កជំងឺមហារីកសុដន់

មូលហេតុជាក់លាក់នៃជំងឺមហារីកសុដន់ មិនទាន់ដឹងច្បាស់នៅឡើយ ប៉ុន្តែមានកត្តាមួយចំនួនដែលអាចបង្កើនហានិភ័យនៃជំងឺមហារីកសុដន់ ដែលរួមមាន៖

អាយុច្រើន
ប្រវត្តិគ្រួសារមានជំងឺមហារីកសុដន់
ធ្លាប់កើតជំងឺមហារីកសុដន់
មានកម្ពស់ខ្ពស់ លើសទម្ងន់ ឬធាត់ជ្រុល
ជក់បារី

កាត់បន្ថយហានិភ័យនៃជំងឺមហារីកសុដន់ តាមគន្លឹះទាំងនេះ

១. កាត់បន្ថយការញ៉ាំគ្រឿងស្រវឹង

ការញ៉ាំគ្រឿងស្រវឹងមានទំនាក់ទំនងយ៉ាងជិតស្និទ្ធជាមួយនឹងជំងឺមហារីកសុដន់។ ដូច្នេះហើយ ស្រីៗយើងគប្បីកាត់បន្ថយគ្រឿងស្រវឹងឲ្យនៅកម្រិតតិចតួច ទើបជាការប្រសើរ។

២. ឈប់ជក់បារី

ទន្ទឹមនឹងនេះ ការញ៉ាំគ្រឿងស្រវឹងជាកត្តាចម្បងដែលនាំឲ្យកើតជំងឺមហារីកផ្សេងៗ រួមទាំងជំងឺមហារីកសុដន់ផងដែរ។ ជាក់ស្ដែង ស្ត្រីដែលជក់បារីប្រឈមនឹងហានិភ័យខ្ពស់នៃជំងឺមហារីកសុដន់ ។ សម្រាប់អ្នកដែលចាប់ផ្ដើមជក់បារីនៅមុនពេលសម្រាលកូនដំបូង និងបន្តជក់លើសពី២០ឆ្នាំ មានហានិភ័យនៃការកើតជំងឺមហារីកប្រភេទនេះដល់ទៅ៣៥%។

៣. ហាត់ប្រាណជាទៀងទាត់

ការហាត់ប្រាណជាទៀងទាត់ មានគុណប្រយោជន៍ជួយពង្រឹងសុខភាព ក៏ដូចជាកាត់បន្ថយហានិភ័យនៃជំងឺមហារីកសុដន់។ ដើម្បីទទួលបានអត្ថប្រយោជន៍ទាំងនេះ គ្នាយើងគប្បីហាត់ប្រាណយ៉ាងហោចណាស់១៥០នាទីក្នុងមួយសប្ដាហ៍។

មហារីកសុដន់

៤. ញ៉ាំរបបអាហារល្អៗ

ការញ៉ាំអាហារល្អៗ ដូចជាបន្លែ ផ្លែឈើ អាចជួយប្រយុទ្ធប្រឆាំងនឹងជំងឺមហារីកសុដន់យ៉ាងមានប្រសិទ្ធភាព។ មួយវិញទៀត យើងគប្បីញ៉ាំអាហារដែលសម្បូរសារធាតុប្រឆាំងនឹងអុកស៊ីតកម្មខ្ពស់ដែលរួមមាន ការ៉ុត ល្ពៅ បន្លែស្លឹកបៃតង ដំឡូងជ្វា ផ្សិត និងទទឹម ជាដើម។ បន្ថែមពីនេះ យើងគប្បីបញ្ចូលវីតាមីនD ដែលមាននៅក្នុងត្រីសាល់ម៉ុន និងស៊ុតលឿង ក្នុងរបបអាហារផងដែរ។

៥. បំបៅដោះកូន

ការបំបៅដោះកូនមិនត្រឹមតែកាត់បន្ថយឱកាសក្នុងការវិវត្តនៃជំងឺមហារីកនោះទេ តែថែមទាំងជួយកាត់បន្ថយហានិភ័យនៃជំងឺមហារីកក្រពេញអូវែ ដោយការពារការបញ្ចេញអូវុលថែមទៀតផង។ ដូច្នេះហើយ ម៉ាក់គប្បីបំបៅដោះកូនយ៉ាងហោចណាស់ឲ្យបាន៦ខែ ដើម្បីទទួលបានអត្ថប្រយោជន៍ដល់ទាំងម្ដាយ និងទារក។

រោគសញ្ញា​នៃ​ជំងឺ​មហារីក​សុដន់​

មូលហេតុ​បង្ក​ជំងឺ​មហារីក​សុដន់​

កាត់​បន្ថយ​ហានិភ័យ​នៃ​ជំងឺ​មហារីក​សុដន់​ តាម​គន្លឹះ​ទាំង​នេះ

១. កាត់​បន្ថយ​ការ​ញ៉ាំ​គ្រឿង​ស្រវឹង​

២. ឈប់​ជក់​បារី​

៣. ហាត់​ប្រាណ​ជា​ទៀងទាត់​

​៤. ញ៉ាំ​របប​អាហារ​ល្អ​ៗ​

៥. បំបៅ​ដោះ​កូន​