health-tool-icon

គណនា BMR

ប្រើប្រាស់​រង្វាស់​សុខភាព - អត្រាដុតកាឡូរី ដើម្បី​កំណត់ និង​​ដឹង​ពី​បរិមាណ​កាឡូរី​ដុត​សមស្របបំផុត​ទៅ​តាម កម្ពស់ ទម្ងន់ អាយុ និង​សកម្មរាងកាយ​នានា

ប្រុស

ស្រី

អ្វី​ជា BMR? BMR (Basal Metabolic Rate)

ជាចំនួនកាឡូរីសរុបដែលរាងកាយត្រូវការ ដើម្បីដំណើរការមុខងារសំខាន់ៗ រួមមានមុខងារ​ផ្លូវដង្ហើម មុខងារ​ចលនាឈាម និង​ប្រព័ន្ធរំលាយអាហារ។ BMR ជា​បរិមាណ​កាឡូរី​អប្បរិមា ដែល​ត្រូវការ​ចាំបាច់​សម្រាប់​មុខងាររាងកាយ ហើយកាឡូរី ជា​ឯកតា (រង្វាស់) ថាមពល។ BMR ជារង្វាស់​សមត្ថភាព​រាងកាយក្នុងការលូតលាស់ ការថែទាំនិងការបន្តពូជ។ វាក៏កំណត់ពីអត្រាដែលមនុស្សម្នាក់អាចដុតបំផ្លាញកាឡូរី​ដែរ ហើយវា​ក៏​ផ្សារភ្ជាប់​ទៅ​ម៉ាសរាងកាយរបស់គេដែរ។

កាឡូរី​ជា​អ្វី ហើយ​ម៉េច​បាន​រាងកាយ​យើង​ម្នាក់ៗត្រូវការ?

កាឡូរី ជា​ឯកតា(រង្វាស់) ថាមពល។ ក្នុង​បរិបទ អាហារូបត្ថម្ភ កាឡូរី សំដៅ​លើ​ថាមពល​របស់​មនុស្ស​ដែល​ទទួល​បាន​ពី​ចំណីអាហារ ឬ​ភេស្ជជៈ​ដែល​ពួក​គេ​ញ៉ាំ និង​បញ្ចេញ​ថាមពល​ទាំង​នោះ​តាមរយៈ​សកម្មភាព​រាងកាយ​នានា សូម្បី​បេះដូងលោត ឬ​ដកដង្ហើម​ចេញ​ចូល ក៏​ជា​ថាមពល​ដែល​រាងកាយ​ទាញ​មក​ប្រើប្រាស់​ដែរ។ អាហារ​កញ្ចប់ ឬ​កំប៉ុង ជា​ធម្មតា សុទ្ធ​តែ​កត់ត្រា និង​បញ្ជាក់​យ៉ាង​ច្បាស់​ពី បរិមាណ ឬ​ប្រភព​គ្រឿងផ្សំដែរ។ សម្រាប់​អ្នក​ចង់​សម្រក​ទម្ងន់ជា​ច្រើន សុទ្ធ​តែ​តាមដាន និង​កំណត់​ពី​បរិមាណ​កាឡូរី (កំណត់​មុខម្ហូប និង​ចំនួន​កាឡូរី) ត្រូវ​ញ៉ាំប្រចាំថ្ងៃ​ជា​ទៀងទាត់​ឲ្យ​សមល្មមទៅនឹង​បរិមាណ​ថាមពល(កាឡូរី) ដែល​រាងកាយ​ត្រូវការ​ក្នុង​មួយ​ថ្ងៃៗ។ ការ​តាមដាន និង​គ្រប់គ្រង​បរិមាណ​កាឡូរី​បែបនេះ អាច​ជួយ​ឲ្យ​យើង​យល់​កាន់​តែ​ច្បាស់​ពី​ចំនួន​ទម្ងន់​ដែល​យើង​ចង់​ស្រក ទម្ងន់រាងកាយ​ដែល​យើង​ចង់​បាន ឲ្យ​សមរូបរាង​ដែល​ប្រាថ្នា ឬ​រក្សា​ទម្ងន់​ឲ្យ​ថេរ កុំឲ្យ​ឡើង​ចុះ​ជា​ដើម។