គណនា BMR

ជាចំនួនកាឡូរីសរុបដែលរាងកាយត្រូវការ ដើម្បីដំណើរការមុខងារសំខាន់ៗ រួមមានមុខងារ​ផ្លូវដង្ហើម មុខងារ​ចលនាឈាម និង​ប្រព័ន្ធរំលាយអាហារ។ BMR ជា​បរិមាណ​កាឡូរី​អប្បរិមា ដែល​ត្រូវការ​ចាំបាច់​សម្រាប់​មុខងាររាងកាយ ហើយកាឡូរី ជា​ឯកតា (រង្វាស់) ថាមពល។ BMR ជារង្វាស់​សមត្ថភាព​រាងកាយក្នុងការលូតលាស់ ការថែទាំនិងការបន្តពូជ។ វាក៏កំណត់ពីអត្រាដែលមនុស្សម្នាក់អាចដុតបំផ្លាញកាឡូរី​ដែរ ហើយវា​ក៏​ផ្សារភ្ជាប់​ទៅ​ម៉ាសរាងកាយរបស់គេដែរ។

កាឡូរី ជា​ឯកតា(រង្វាស់) ថាមពល។ ក្នុង​បរិបទ អាហារូបត្ថម្ភ កាឡូរី សំដៅ​លើ​ថាមពល​របស់​មនុស្ស​ដែល​ទទួល​បាន​ពី​ចំណីអាហារ ឬ​ភេស្ជជៈ​ដែល​ពួក​គេ​ញ៉ាំ និង​បញ្ចេញ​ថាមពល​ទាំង​នោះ​តាមរយៈ​សកម្មភាព​រាងកាយ​នានា សូម្បី​បេះដូងលោត ឬ​ដកដង្ហើម​ចេញ​ចូល ក៏​ជា​ថាមពល​ដែល​រាងកាយ​ទាញ​មក​ប្រើប្រាស់​ដែរ។ អាហារ​កញ្ចប់ ឬ​កំប៉ុង ជា​ធម្មតា សុទ្ធ​តែ​កត់ត្រា និង​បញ្ជាក់​យ៉ាង​ច្បាស់​ពី បរិមាណ ឬ​ប្រភព​គ្រឿងផ្សំដែរ។ សម្រាប់​អ្នក​ចង់​សម្រក​ទម្ងន់ជា​ច្រើន សុទ្ធ​តែ​តាមដាន និង​កំណត់​ពី​បរិមាណ​កាឡូរី (កំណត់​មុខម្ហូប និង​ចំនួន​កាឡូរី) ត្រូវ​ញ៉ាំប្រចាំថ្ងៃ​ជា​ទៀងទាត់​ឲ្យ​សមល្មមទៅនឹង​បរិមាណ​ថាមពល(កាឡូរី) ដែល​រាងកាយ​ត្រូវការ​ក្នុង​មួយ​ថ្ងៃៗ។ ការ​តាមដាន និង​គ្រប់គ្រង​បរិមាណ​កាឡូរី​បែបនេះ អាច​ជួយ​ឲ្យ​យើង​យល់​កាន់​តែ​ច្បាស់​ពី​ចំនួន​ទម្ងន់​ដែល​យើង​ចង់​ស្រក ទម្ងន់រាងកាយ​ដែល​យើង​ចង់​បាន ឲ្យ​សមរូបរាង​ដែល​ប្រាថ្នា ឬ​រក្សា​ទម្ងន់​ឲ្យ​ថេរ កុំឲ្យ​ឡើង​ចុះ​ជា​ដើម។

BMR ជា​បរិមាណ​កាឡូរី​ឬថាមពល​ដែល​រាងកាយ​ត្រូវការដើម្បីដំណើរការមុខងាររាងកាយសំខាន់ៗ​ពេល​យើង​សម្រាក​ ឯ RMR(Resting Metabolic Rate) សំដៅ​លើ បរិមាណ​កាឡូរីឬថាមពល​ដែល​រាងកាយ​ដុតបំផ្លាញ​ ពេល​ដែល​យើង​សម្រាក។

ជាទូទៅ​ការ​គណនា BMR គឺ​គេ​ប្រើ​រូបមន្ត Harris-Benedict ដោយ​បែងចែក​ភេទ​ខុសគ្នាដូចខាងក្រោម៖

– ស្ត្រី –> BMR = 655 + (9.6 × ទម្ងន់គិតជាគីឡូក្រាម) + (1.8 × កម្ពស់គិតជាសង់ទីម៉ែត្រ) – (4.7 × អាយុគិតជាឆ្នាំ)

– បុរស –> BMR = 66 + (13.7 × ទម្ងន់គិតជាគីឡូក្រាម) + (5 × កម្ពស់គិតជាសង់ទីម៉ែត្រ) – (6.8 × អាយុគិតជាឆ្នាំ) ដើម្បីកាន់តែងាយស្រួល លោកអ្នកអាចគណនា រង្វាស់សុខភាព BMR  ។

តាមការ​ស្រាវជ្រាវ​រាងកាយ​មាន​ជាតិ​ខ្លាញ់​តិចកាលណា តម្លៃ​នៃ​ការ​គណនា BMR ក៏​កាន់​តែ​ល្អទៅតាមហ្នឹងដែរ។ មានន័យ​ថាដើម្បី​បង្កើន​បរិមាណ​មេតាប៉ូលីស​ក្នុង​រាងកាយ គឺ​ជា​ការ​កាត់បន្ថយបរិមាណ​ជាតិ​ខ្លាញ់​ពី​រាងកាយ។ ការធ្វើឲ្យរាងកាយ​កាន់តែមាំមួន​គ្មាន​ជាតិ​ខ្លាញ់​(អាក្រក់)​នេះ យើង​អាច​ធ្វើ​បាន​ពី​ការ​ហាត់ប្រាណ​លើក​ដុំដែក ឬ​ញ៉ាំប្រូតេអ៊ីន​ឲ្យ​កាន់​តែ​ច្រើន។

វា​ផ្ទុយ​គ្នា គឺ BMR ជា​បរិមាណ​កាឡូរី(ថាមពល) ដែល​រាងកាយ​យើង​ម្នាក់ៗ​ត្រូវការ​ក្នុង​កម្រិត​អប្បបរមា​ដើម្បី​ដំណើរការ​មុខងារ​ក្នុង​រាងកាយ តែសម្រាប់​ TDEE ឬ​ថាមពលត្រូវដុតបំផ្លាញ​ប្រចាំ​ថ្ងៃ​សរុប គឺ​សម្ដៅដល់​បរិមាណ​កាឡូរី ឬ​ថាមពល​ដែល​រាងកាយ​ត្រូវ​ដុត​បំផ្លាញដើម្បី​រក្សា​តុល្យភាព​រាងកាយតាមរយៈ​សកម្មភាព​រាងកាយ​នានា។

រាងកាយ​ត្រូវការ​ថាមពល​ពី​របបអាហារ​នានា​ដែល​យើង​ញ៉ាំរាល់ពេលរាល់ថ្ងៃដើម្បី​អាច​បំប្លែង​ថាមពល​ទាំង​នោះ​ទៅ​ជាសកម្មភាព​រាងកាយ​បាន។ ក្នុងករណី​យើង​ចង់​ក្រិត​បរិមាណ​កាឡូរី(ថាមពល) បរិមាណ​អាហារ​ដែល​ត្រូវ​ញ៉ាំ(BMR) គឺ​ត្រូវ​គណនា​ បរិមាណ​កាឡូរី(ថាមពល) ​ដែល​អ្នក​គិត​ថា​សកម្មភាព​រាងកាយ​ប៉ុណ្ណោះ ត្រូវការ​ដុត​កាឡូរី​ប៉ុន្មាន ក្នុង​មួយ​ថ្ងៃៗ (TDEE)។ បើ​យើង​ដឹង​ពី​បរិមាណ​កាឡូរី​ដែល​រាងកាយ​ត្រូវ​ការដើម្បី​ធ្វើ​សកម្មភាព​និង​ដុត​កាឡូរីទាំងនោះ​ទៅតាម​សកម្មភាព​រាងកាយ​ជា​ទម្លាប់ជាក់ស្ដែងដែល​សាម៉ីខ្លួនដឹង ដូច្នេះ​ការ​ញ៉ាំ ដើម្បីបង្គ្រប់​ថាមពល​ដែល​រាងកាយ​ត្រូវការ ក្នុងកម្រិត​សមាមាត្រ ប្រាកដណាស់​យើង​អាច​ស្រកគីឡូបាន។

Cunningham JJ. (1991).Body composition as a determinant of energy expenditure: a synthetic review and a proposed general prediction equation. Am J Clin Nutr. Retrieved 8 June 2021 from https://pubmed.ncbi.nlm.nih.gov/1957828/

Buch, A., Diener, J., Stern, N., Rubin, A., Kis, O., Sofer, Y., Yaron, M., Greenman, Y., Eldor, R., & Eilat-Adar, S. (2021). Comparison of Equations Estimating Resting Metabolic Rate in Older Adults with Type 2 Diabetes. Journal of clinical medicine, 10(8), 1644. Retrieved 8 June 2021 from https://pubmed.ncbi.nlm.nih.gov/33921537/

alorie Calculator. National Academy of Sports Medicine. Retrieved 8 June 2021 from https://www.nasm.org/resources/calorie-calculator Resting Metabolic Rate: How to Calculate and Improve Yours. National Academy of Sports Medicine. Retrieved 8 June 2021 from https://blog.nasm.org/nutrition/resting-metabolic-rate-how-to-calculate-and-improve-yours