សម័យនេះ ក្មេងៗវ័យជំទង់មួយចំនួនអាចទទួលរងសម្ពាធច្រើនទៅលើផ្លូវអារម្មណ៍ ដែលអាចបណ្ដាលមកពីការងារ កិច្ចការសាលា គ្រួសារ ឬសូម្បីតែបណ្ដាញសង្គម។ ដូចគ្នាដែរ ក្មេងៗសម័យនេះមួយចំនួនក៏ចូលចិត្តសប្បាយជាមួយគ្រឿងស្រវឹង ឬប្រើប្រាស់សារធាតុជួយបន្ធូរអារម្មណ៍ ដែលអាចប៉ះពាល់ដល់សុខភាពខ្លាំងដូច Laughing Gas ជាដើម។
ចង់គណនាទម្ងន់ស្រ្តីពពោះ ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
អ្វីទៅជា Laughing Gas?
Laughing Gas ឬ Hippy Crack ឬ Nitro Oxide ជាឧស្ម័នគ្មានពណ៌ ដែលជាទូទៅត្រូវបានប្រើប្រាស់សម្រាប់ការរំងាប់អារម្មណ៍ និងបំបាត់ការឈឺចាប់ទៅលើអ្នកជំងឺ ពិសេសប្រើប្រាស់នៅក្នុងទន្តពេទ្យ ឬស្ត្រីជិតសម្រាលកូន ប៉ុន្តែឧស្ម័ននេះក៏ត្រូវបានប្រើប្រាស់ដើម្បីឲ្យមានអារម្មណ៍សឺៗ ដូចស្រវឹង ឬធ្វើឲ្យអារម្មណ៍សប្បាយមួយរយៈពេលខ្លី។ បើនិយាយទៅ Laughing Gas ប្រៀបបានទៅនឹងថ្នាំសណ្ដំមួយ ហើយវាក៏កំពុងតែពេញនិយមនៅក្នុងចំណោមក្មេងៗវ័យជំទង់ផងដែរ ពិសេសក្មេងៗនិយមចូលក្លឹបកម្សាន្ត ឬបារ។
Laughing Gas ដែលប្រើដើម្បីសប្បាយខុសវេជ្ជបញ្ជាពេទ្យ ភាគច្រើនគឺដាក់នៅក្នុងប៉ោងៗ រួចយើងបឺតឧស្ម័ននេះចេញពីប៉ោងៗចូលទៅក្នុងខ្លួន។ ដោយសារតែវាដូចនឹងថ្នាំសណ្ដំ ក្រោយប្រើក្មេងៗអាចមានអារម្មណ៍ដូចជា៖
- សប្បាយរីករាយ
- សើចកក្អឹក
- ស្រាលក្បាល
- អារម្មណ៍ធូរស្រាល
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
ចង់គណនាថ្ងៃសម្រាលកូន ចុចទីនេះ!
បើនិយាយកាន់តែស្រួលស្ដាប់ គឺធ្វើឲ្យអ្នកប្រើមានអារម្មណ៍រីករាយខ្លាំង ហើយដោយសារតែអាការៈទាំងនេះហើយ ទើបវាបានឈ្មោះថា Laughing Gas ។ ត្បិតតែវាជាថ្នាំសណ្ដំ ជួយបន្ធូរអារម្មណ៍ឲ្យបានធូរស្រាលមួយរយៈពេលខ្លីមែន ប៉ុន្តែក៏ផ្ដល់គ្រោះថ្នាក់ដល់សុខភាពដែរបើប្រើដោយគ្មានវេជ្ជបញ្ជាត្រឹមត្រូវ។ ផលប៉ះពាល់ដែលមិនគួរមើលរំលងរួមមាន៖
- ឈឺក្បាល ចង្អោរ
- សម្ពាធឈាមធ្លាក់ចុះ
- សន្លប់
- គាំងបេះដូង
- បាត់បង់អុកស៊ីសែនធ្ងន់ធ្ងរ
- ខ្វះវីតាមីន B12 ឬស្លេកស្លាំង
- ខូចខាតដល់សរសៃប្រសាទ។
ចំណាំ៖ ក្នុងករណីដែលអ្នកប្រើប្រាស់បឺត ឬប្រើប្រាស់ Laughing Gas ញឹកញាប់ ឬក្នុងរយៈពេលយូរនោះអាចបណ្ដាលឲ្យកើតជំងឺបាក់ទឹកចិត្ត សមត្ថភាពចងចាំចុះខ្សោយ និងប្រព័ន្ធភាពស៊ាំមិនរឹងមាំជាដើម។
គួរអាន៖
- គ្រឿងស្រវឹងប៉ះពាល់ថ្លើមបែបណា? ញ៉ាំកម្រិតណាសុវត្ថិភាព?
- ឆ្ងល់អត់ ម៉េចក៏ចេះតែរាក ក្រោយផឹកគ្រឿងស្រវឹង?
- កុំផឹកច្រើនពេក! ស្រាប៉ះពាល់ដល់រាងកាយយើងខ្លាំងណាស់
- ដាក់ជ្រុលពីយប់ ព្រឹកឡើងងីងើ សាកតិចនិកនេះអាចជួយសម្រាលបាន
- បញ្ហាចោទធំៗ ៣ យ៉ាង កើតមានញឹកញាប់លើក្មេងជំទង់សម័យនេះ
[embed-health-tool-bmi]
