តើអ្វីទៅជាការរីកធំនៃប្រពេញប្រូស្ដាត? ការរីកធំនៃប្រពេញប្រូស្ដាត មានន័យថា ក្រពេញបានរីកមាឌធំជាងមុន ហើយការរីកធំនៃក្រពេញនេះ រមែងកើតឡើងច្រើនទៅលើបុរសវ័យចំណាស់ ចាប់ពី៦០ឆ្នាំឡើងទៅ។ ការរីកធំក្រពេញប្រូស្ដាត អាចបង្កឲ្យប៉ះពាល់ដល់បំពង់បង្ហួរនោម នាំមានការត្បៀតធ្វើឲ្យអ្នកជំងឺពិបាកក្នុងការនោម។ ប៉ុន្ដែកុំបារម្ភអី ការរីកធំក្រពេញប្រូស្ដាត គឺមិនមែនជារោគសញ្ញា ឬក៏ជាមូលហេតុបង្កជាជំងឺមហារីកក្រពេញប្រូស្ដាតនោះទេ។
ចង់គណនា BMI ចុចទីនេះ!
មកទល់ពេលនេះនៅមិនទាន់មានការសិក្សាស្រាវជ្រាវរកឃើញអំពីមូលហេតុចម្បង ដែលបង្កឲ្យក្រពេញប្រូស្ដាតរីកធំនៅឡើយទេ។ បើយោងតាមការចុះផ្សាយរបស់ សេវាកម្មសុខភាពជាតិនៃប្រទេសអង់គ្លេស (NHS) បានបញ្ជាក់ថា ការរីកធំនៃក្រពេញប្រូស្ដាតបណ្ដលមកពី ការបម្រែបម្រួលអ័រម៉ូនក្នុងរាងកាយដែលកើតមានទៅតាមវ័យប៉ុណ្ណោះ។
រោគសញ្ញាសំខាន់ៗ នៃការរីកធំនៃក្រពេញប្រូស្ដាត
ការរីកធំនៃក្រពេញប្រូស្ដាតអាចបង្កការរំខានដល់ការរស់នៅរបស់បុរសដូចជា៖
ការព្យាបាលក្រពេញប្រូស្ដាតដែលរីកធំ
ការព្យាបាលក្រពេញប្រូស្ដាតរីកធំ គឺអាស្រ័យលើស្ថានភាពជំងឺជាក់ស្ដែង ប្រសិនបើអាការៈជំងឺស្ថិតក្នុងកម្រិតស្រាល នោះគ្រូពេទ្យនឹងមិនចាំបាច់ប្រើប្រាស់ថ្នាំព្យាបាលនោះទេ។ ប៉ុន្ដែគ្រូពេទ្យ អាចណែរនាំឲ្យផ្លាស់ប្ដូរពីរបៀបនៃការរស់នៅដូចជា៖
- កាត់បន្ថយការផឹកគ្រឿងស្រវឹង
- កាត់បន្ថយការផឹកភេសជ្ជៈផ្អែមៗ
- កាត់បន្ថយការញ៉ាំទឹកពេលល្ងាច ឬពេលយប់
- បង្កើតទម្លាប់ហាត់ប្រាណ
- ញ៉ាំអាហារមានប្រូតេអ៊ីន និងសារជាតិចិញ្ចឹម
ក្នុងករណីធ្ងន់ធ្ងរ គ្រូពេទ្យនឹងព្យាបាលដោយប្រើប្រាស់ថ្នាំ ឬបើធ្ងន់ធ្ងរខ្លាំង ក៏អាចឈានដល់ការវះកាត់តែម្ដង។