កុំគិតថាមានតែមនុស្សស្រីដែលជួបបញ្ហាឆ្លងរោគផ្សិតនៅលើប្រដាប់ភេទ ប្រុសៗក៏អាចឆ្លងមេរោគនេះដូចគ្នា។ ឆ្លងរោគផ្សិតលើប្រដាប់ភេទជារឿងគួរឲ្យរំខានមួយដែលធ្វើឲ្យយើងឡើងរមាស់ និងរលាក។ តើមូលហេតុអ្វីនាំឲ្យកើតរោគផ្សិតលើប្រដាប់ភេទ?

១. អ្វីជាការឆ្លងរោគផ្សិត?

ឆ្លងរោគផ្សិតជាទូទៅបង្កឡើងដោយមេរោគផ្សិតឈ្មោះថាCandida albicans។ មេរោគផ្សិតប្រភេទនេះ មានវត្តមាននៅទីតាំងជាក់លាក់មួយចំនួនលើស្បែករបស់យើង ជាពិសេសលើកន្លែងមានភាពងងឹត និងមានសំណើម។ នៅពេលមួយដែលផ្សិតនេះនៅសុខៗស្រាប់តែលូតលាស់លឿនខ្លាំង នោះនឹងធ្វើឲ្យមនុស្យយើងឆ្លងមេរោគផ្សិត។

ការឆ្លងរោគផ្សិតនេះអាចបង្កឡើងដោយមូលហេតុមួយចំនួន។ ទីមួយគ្នាយើងអាចឆ្លងរោគផ្សិតលើប្រដាប់ភេទតាមរយៈការរួមភេទជាមួយដៃគូមានឆ្លងមេរោគផ្សិតស្រាប់។ ហេតុផលផ្សេងទៀតនោះគឺអាចថាយើងមានទម្លាប់ថែរក្សាអនាម័យប្រដាប់ភេទមិនបានល្អ នាំឲ្យកន្លែងសម្ងាត់របស់យើងក្លាយជាទីតាំងល្អសម្រាប់ការលូតលាស់របស់ផ្សិត។

ចង់គណនា BMR ចុចទីនេះ !

ចង់គណនា BMI ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

បាក់តេរីមួយប្រភេទឈ្មោះថា Lactobacillus អាចជួយការពារការលូតលាស់ខ្លាំងរបស់មេរោគផ្សិតប្រភេទ Candida albicans ដែរ។ នៅពេលមួយដែលបាក់តេរីប្រភេទនេះមានចំនួនតិច នោះមេរោគផ្សិតនឹងមានឱកាសលូតលាស់បានយ៉ាងលឿន និងបង្កជាការឆ្លងរោគផ្សិត។

ការឆ្លងរោគផ្សិត ភាគច្រើនកើតលើមនុស្សស្រី ពីព្រោះទ្វារមាសជាកន្លែងអំណោយផលដល់មេរោគផ្សិតប្រភេទ Candida លូតលាស់បានច្រើនលើសលប់។ យ៉ាងណា មនុស្សប្រុសក៏នៅតែអាចឆ្លងមេរោគផ្សិតនេះដែរ បើមិនបានធ្វើអនាម័យបានល្អត្រឹមត្រូវ។

មិនថារោគផ្សិតឆ្លងដោយសារមូលហេតុអ្វីនោះទេ អ្វីជាការសំខាន់យើងត្រូវដឹងពីបញ្ហានេះឲ្យបានឆាប់។ ទោះបីជាការឆ្លងរោគផ្សិតនៅប្រដាប់ភេទជាទូទៅមិនបង្កការគំរាមកំហែងដល់អាយុជីវិត តែក៏ធ្វើឲ្យប្រុសៗយើងពិបាកទ្រាំ រមាស់ និងគួរឲ្យខ្មាសអៀនផងដែរ។

ឆ្លងរោគផ្សិត

២. រោគសញ្ញាការឆ្លងរោគផ្សិតលើប្រដាប់ភេទប្រុសៗ

បើមានចេញរោគសញ្ញាដូចខាងក្រោមនេះ អាចថាប្រុសៗយើងមានឆ្លងមេរោគផ្សិតហើយ៖

រមាស់ ឬឡើងក្រហមលើចុងលិង្គ
ឈឺចាប់ ឬពិបាកទាញស្បែកគ្រប់លិង្គ
ពិបាកបត់ជើងតូច
ចេញទឹកសៗពីលិង្គ
ចេញក្លិនមិនល្អពីលិង្គ
ឡើងហើមនៅចុងលិង្គ ឬជុំវិញលិង្គ
មានអារម្មណ៍ថាចុងលិង្គឡើងសើមជានិច្ច។

ក្នុងករណីគ្នាយើងចេញរោគសញ្ញាដូចបានរៀបរាប់ខាងលើនេះ គួរតែស្វែងរកការពិគ្រោះយោបល់ និងព្យាបាលពីគ្រូពេទ្យ។ ការទទួលបានការព្យាបាលបានកាន់តែឆាប់ រោគសញ្ញានឹងបានល្អប្រសើរវិញកាន់តែលឿន។

អត្ថបទគួរអាន៖

ប្រុសៗបើចេញសញ្ញាទាំងនេះ ឆ្លងរោគផ្សិតលើលិង្គហើយ

១. ​អ្វី​ជា​ការ​ឆ្លង​រោគ​ផ្សិត​?

២. រោគ​សញ្ញាការ​ឆ្លង​រោគ​ផ្សិត​លើ​ប្រដាប់​ភេទ​ប្រុសៗ​

១. អ្វីជាការឆ្លងរោគផ្សិត?

២. រោគសញ្ញាការឆ្លងរោគផ្សិតលើប្រដាប់ភេទប្រុសៗ