health-tool-icon

គណនា BMI

ប្រើ​រង្វាស់សុខភាព​BMI ដើម្បី​គណនា​រាងកាយ ទម្ងន់ និង​កម្ពស់​សមសួន និង​សុខភាព​ល្អ

ប្រុស

ស្រី

អ្វី​ជា BMI?

BMI (Body Mass Index) ជាសន្ទស្សន៍ស្ដង់ដារកំណត់សុខភាព ពាក់ព័ន្ធនឹងកម្រិតទម្ងន់របស់យើង ថាតើយើងមានគីឡូធម្មតា មិនគ្រប់គីឡូ លើសគីឡូ ឬធាត់។ ត្រូវហើយ BMI អាច​ប្រាប់​យើង​ពី​ភាព​សមសួន​រាងកាយ ថា​យើង​ស្គមពេក ធាត់ពេក លើសគីឡូកម្រិត​ណាមួយ ឬល្អហើយ ក៏​ពិតមែន ប៉ុន្តែ BMI មិន​បាន​ប្រាប់​យើង​ពី​រោគសញ្ញា ឬ​ធ្វើ​រោគវិនិច្ឆ័យ​អ្វី​ទាំង​អស់។ អ្វី​ដែល​មុខងារ រង្វាស់​សុខភាព​មួយ​នេះ​អាច​ធ្វើ​បាន គឺ​ប្រាប់​យើង​ពី​តម្រុយ​សុខភាពថា​រាងកាយ​យើង​កំពុង​ស្ថិត​ក្នុង​ស្ថានភាព​ល្អ ឬ​មិនល្អ។ ដើម្បី​ឈាន​ដល់​ការ​វាយតម្លៃ​ថា អ្នក​ណា​ម្នាក់​មាន​បញ្ហា​សុខភាព​ទោះល្អ ឬ​អាច​មាន​បញ្ហា​សុខភាព​ណាមួយ​ឲ្យ​កាន់​តែ​ច្បាស់លាក់​លុះត្រាណា​តែ មាន​ការ​ពិនិត្យ​បន្ថែម ដើម្បី​ផ្ដល់​អំណះអំណាង​ដល់​ការ​វាយតម្លៃ​ផ្សេងៗទៀត ដូចជា​វាស់លើ​កម្រាស់​ស្បែក របបអាហារ សកម្មភាព​រាងកាយ និង​ប្រវត្តិ(ជំងឺ) ក្នុង​គ្រួសារ​ជាដើម។

ការបកស្រាយ BMI

សម្រាប់​អ្នក​អាយុ ២០ឆ្នាំ និងអាយុ​ច្រើន​ជាង​នេះ BMI នឹង​វាយតម្លៃ​ស្ថានភាព​រាងកាយ​ដោយ​វាស់​លើ​ទម្ងន់ និង​កម្ពស់​ខុសគ្នា ដោយ​ប្រើ​តារាង​រូបមន្ត​វាយតម្លៃ​គោលដូចគ្នាមិនថាប្រុស ឬ​ស្រី។ សម្រាប់​ក្មេងៗ និង​វ័យ​ជំទង់ BMI នឹង​វាស់​ជាក់ស្ដែង​លើ​អាយុ និង​ភេទ​ផ្សេងគ្នា។ ក្នុងករណី​ក្មេងៗ​ភាគរយខ្ពស់​ ប្រសិន​បើ​រាងកាយ​ធាត់ គឺ​សុទ្ធ​តែ​ប្រឈមនឹង​ជំងឺផ្សេងៗ តែបើស្គម​មិន​គ្រប់គីឡូវិញ ក៏​ជា​សញ្ញា​កំពុង​បង្ហាញ​ពីបញ្ហា​សុខភាព​នានា​ដែរ។ បើ​លទ្ធផល​បង្ហាញ​ថា BMI កាន់​តែ​ខ្ពស់ បាន​សេចក្ដី​ថា រាងកាយ​ក៏​កាន់​តែ​ធាត់​ដែរ។ BMI មិន​វាស់​ទៅ​លើរាងកាយ​ធាត់​លើស​គីឡូ​ដោយ​ផ្ទាល់ទេ ប៉ុន្តែ​វា​ជាប់​ពាក់ព័ន្ធ​ទៅ​នឹង​កម្រិត ថា​តើ​គេ​កំពុង​ស្ថិត​ក្នុង​ធាត់កម្រិត១ កម្រិត២ ឬ​កម្រិត៣។