តាមក្បួនវេជ្ជសាស្ត្រ ឲ្យតែស្ត្រីធ្វើអនាម័យទ្វារមាសដោយប្រើទឹកធម្មតាគឺគ្រាន់ណាស់ទៅហើយ មិនចាំបាច់ប្រើទឹកអនាម័យនោះទេ។ នេះជាការលើកឡើងរបស់លោកស្រីវេជ្ជបណ្ឌិត ពឹង ជុតិមា នាយិកាសេវាកម្មគ្លីនិក រ៉ាក់។

លោកស្រីវេជ្ជបណ្ឌិតថា ការប្រើទឹកអនាម័យ បើសិនជាមានក្លិនក្រអូប អាចនឹងធ្វើឲ្យមានប្រតិកម្ម ខណៈការប្រើទឹកអនាម័យច្រើនជ្រុលពេកលើទ្វារមាស អាចនឹងសម្លាប់បាក់តេរីល្អៗនៅទ្វារមាសស្ត្រី បណ្តាលឲ្យងាយឆ្លងមេរោគ និងធ្លាក់ស។

ខ្ញុំបានជួបស្ត្រីយើងច្រើនណាស់ដែលគាត់ម៉ោគ្លីនិក ដោយសារបញ្ហាធ្លាក់ស នៅពេលដែលយើងពិនិត្យមើលទៅ យើងឃើញថា បាក់តេរីល្អនៅក្នុងទ្វារមាសគាត់បាត់អស់រលីង ដោយសារអី? ដោយសារគាត់ប្រើទឹកអនាម័យច្រើនពេក គាត់លូកសម្អាត គាត់ស្អាតខ្លាំងពេក គាត់ខ្លាចមានក្លិន គាត់ខ្លាចទ្វារមាសមានសំណើម

លោក ស្រី វេជ្ជបណ្ឌិត ពឹង ជុតិមា នាយិកា សេវាកម្ម គ្លីនិក រ៉ាក់

ទ្វារមាស

ចង់ពិនិត្យជំងឺមហារីកសុដន់ ចុចទីនេះ!

ចង់វាយតម្លៃវដ្តរដូវស្រ្តី ចុចទីនេះ!

ចង់ពិនិត្យជំងឺមហារីកមាត់ស្បូន ចុចទីនេះ!

គណនាថ្ងៃមេជីវិតញីទុំធ្លាក់នៅទីនេះ

លោកស្រីថា ការដុសខាត់ សម្អាតទ្វារមាសខ្លាំងពេក ធ្វើឲ្យទ្វារមាសបាត់បង់បាត់តេរីល្អអស់ មិនមានអ្វីការពារទ្វារមាស នាំឲ្យមានជំងឺ ទៅជាធ្លាក់ស។ ដើម្បីឲ្យទ្វារមាសស្ត្រីមិនមានការឆ្លងរោគ ត្រូវធ្វើម៉េចកុំឲ្យទ្វារមាសហប់ពេក កុំឲ្យក្តៅពេក អាស៊ីដពេក ឬអាល់កាឡាំងពេក ដោយអនុវត្តការណែនាំខាងក្រោម។

-ត្រូវលាងសម្អាតទ្វារមាសជាមួយទឹកធម្មតាឲ្យស្អាតក្រោយពេលបន្ទោបង់

-ត្រូវផ្លាស់ប្តូរខោក្នុង ១ថ្ងៃ/ម្តង

-ត្រូវលាងសម្អាតទ្វារមាស ក្រោយរួមភេទរួច កុំទុកយូរ

-កុំស្លៀកពាក់ខោហ្គេនរឹបខ្លាំងពេក

-ឧស្សាហ៍ងើបដើរ ១-២ម៉ោង/ម្តង កុំអង្គុយធ្វើការជាប់យូរពេក

-កុំប្រើទឹកអនាម័យដែល pH ខ្ពស់ពេក

-ចៀសវាងការលូកលាងទ្វារមាសដល់ខាងក្នុង សម្អាតតែផ្នែកខាងក្រៅបានហើយ។

អត្ថបទគួរអាន៖

ចំណុចសំខាន់

ចង់រក្សាបាក់តេរីល្អ មិនងាយឆ្លងរោគ ឬធ្លាក់ស ស្រ្តីគួរ៖

ត្រូវលាងសម្អាតទ្វារមាសជាមួយទឹកធម្មតាឲ្យស្អាតក្រោយពេលបន្ទោបង់
ត្រូវផ្លាស់ប្តូរខោក្នុង ១ថ្ងៃ/ម្តង
ត្រូវលាងសម្អាតទ្វារមាស ក្រោយរួមភេទរួច កុំទុកយូរ
កុំស្លៀកពាក់ខោហ្គេនរឹបខ្លាំងពេក
ឧស្សាហ៍ងើបដើរ ១-២ម៉ោង/ម្តង កុំអង្គុយធ្វើការជាប់យូរពេក
កុំប្រើទឹកអនាម័យដែល pH ខ្ពស់ពេក
ចៀសវាងការលូកលាងទ្វារមាសដល់ខាងក្នុង សម្អាតតែផ្នែកខាងក្រៅបានហើយ។

អនាម័យទ្វារមាស៖ ចង់រក្សាបាក់តេរីល្អ មិនងាយឆ្លងរោគ ឬធ្លាក់ស គួរធ្វើម៉េច?

លោក ស្រី វេជ្ជបណ្ឌិត ពឹង ជុតិមា នាយិកា សេវាកម្ម គ្លីនិក រ៉ាក់

ចំណុចសំខាន់