ស្វែងយល់ពីការប្រើប្រាស់

១- ផ្កាខាត់ណាត្រូវគេប្រើដើម្បីអ្វី?

– ជួយឲ្យនោមញឹក ព្រោះមានសារធាតុប្រឆាំងអុកស៊ីតកម្ម

– ព្យាបាលជំងឺស្លេកស្លាំង បញ្ហាអស់រដូវ កង្វះវីតាមីន C និងជួយសម្រកទម្ងន់

– ជួយការពារជំងឺ មហារីកតម្រងនោម មហារីកសុដន់ ជំងឺបេះដូង ជំងឺទឹកនោមផ្អែម ជំងឺដាច់សសៃឈាមខួរក្បាល មហារីកសួត មហារីកឈាម ( non-Hodgkin lymphoma) ជំងឺពុកឆ្អឹង និងមហារីកក្រពេញប្រូស្តាត។

២- ផ្កាខាត់ណាដំណើរការយ៉ាងម៉េច?

នៅពុំទាន់មានការសិក្សាច្បាស់លាស់ណាមួយពីសកម្មភាពផ្កាខាត់ណានៅឡើយទេ។ យ៉ាងណា គេដឹងថា ក្នុងផ្កាខាត់ណា មានសារធាតុជួយការពាររាងកាយពីការកើតជំងឺមហារីក និងសារធាតុប្រឆាំងអុកស៊ីតកម្មដូចគ្នា។ យ៉ាងណាមិញ មុនប្រើគួរតែពិភាក្សាជាមួយគ្រូពេទ្យជាមុនសិន។

កត្តាគួរប្រុងប្រយ័ត្ន

៣- មុនប្រើគួរដឹងអីខ្លះ?

មុនប្រើប្រាស់ សូមពិគ្រោះជាមួយគ្រូពេទ្យ ឬអ្នកជំនាញខាងឱសថរុក្ខជាតិ ប្រសិនបើ៖

- កំពុងមានផ្ទៃពោះ ឬបំបៅដោះកូន ដោយសារពេលពពោះ ឬបំបៅដោះកូន ត្រូវប្រើប្រាស់ថ្នាំឲ្យត្រូវតាមកម្រិតណែនាំរបស់គ្រូពេទ្យតែប៉ុណ្ណោះ។

– កំពុងប្រើប្រាស់ថ្នាំអ្វីផ្សេង ថ្នាំទាំងនោះរាប់បញ្ចូលទាំងថ្នាំអ្នកទិញខ្លួន និងថ្នាំទិញតាមវេជ្ជបញ្ជា

– មានប្រតិកម្មជាមួយផ្កាខាត់ណា ថ្នាំពេទ្យ ឬមានប្រតិកម្មជាមួយឱសថបុរាណដទៃ

– កំពុងមានជំងឺប្រចាំកាយ ឬមានបញ្ហាសុខភាពអ្វីមួយ ពិសេសមានក្រួសក្នុងប្រមាត់ជាដើម

– ធ្លាប់មានប្រតិកម្មជាមួយអាហារ សារធាតុពណ៌ សារធាតុរក្សាអាហារ ឬជាមួយសត្វ។

លក្ខខណ្ឌក្នុងការចុះបញ្ជីការផ្លូវច្បាប់សម្រាប់ឱសថបំប៉នមិនតឹងរ៉ឹងដូចការចុះបញ្ជីការផ្លូវច្បាប់ទៅលើថ្នាំពេទ្យទេ។ដូចនេះគួរតែមានការសិក្សាបន្ថែមពីសុវត្ថិភាពលើឱសថបំប៉នទាំងនេះ។ អ្នកត្រូវប្រាកដថាអត្ថប្រយោជន៍នៃការប្រើថ្នាំនេះខ្ពស់ជាងកត្តាប្រឈម។ សូមពិគ្រោះជាមួយគ្រូពេទ្យដើម្បីអាចដឹងពីព័ត៌មានបន្ថែម។

៤- ផ្កាខាត់ណាមានសុវត្ថិភាពដែរទេ?

បើញ៉ាំផ្កាខាត់ណា ជាអាហារ គឺមានសុវត្ថិភាព ប៉ុន្តែបើញ៉ាំធ្វើជាថ្នាំ ពុំទាន់មានការសិក្សាណាមួយបញ្ជាក់ថា មានសុវត្ថិភាព ឬមានផលប៉ះពាល់អ្វីខ្លះនោះទេ។

៥- គួរប្រុងប្រយ័ត្ន

– ស្រ្តីមានផ្ទៃពោះ និងបំបៅដោះកូន៖ រហូតមកដល់ពេលនេះ នៅមិនទាន់មានពត៌មានច្បាស់លាស់អំពីការប្រើប្រាស់ ឱសថនេះសម្រាប់ស្ត្រីមានផ្ទៃពោះ និងស្ត្រីបំបៅដោះកូននៅឡើយទេ។ ដូចនេះអ្នកគួរប្រើប្រាស់វា សម្រាប់ក្នុងការទទួលទានបានហើយ។

ស្វែងយល់ពីផលរំខាន

៦- ផ្កាខាត់ណាមានផលរំខានអ្វីខ្លះ?

បើមានក្តីបារម្ភពីផលរំខានណាមួយ សូមពិភាក្សាជាមួយគ្រូពេទ្យ ឬគ្រូឱសថបុរាណ។

អត្ថបទពាក់ព័ន្ធ៖

ខាត់ណា (Collard)
ពោតបារាំង (Okra)

ស្វែងយល់ពីអន្តរកម្មថ្នាំ

៧- មានអន្តរកម្មជាមួយអីខ្លះ?

ផ្កាខាត់ណា អាចមានអន្តរកម្មជាមួយថ្នាំយើងកំពុងប្រើ ឬមានអន្តរកម្មជាមួយបញ្ហាសុខភាពមួយចំនួន។ គួរពិភាក្សាជាមួយគ្រូពេទ្យ ឬគ្រូពេទ្យឱសថបុរាណ មុនពេលប្រើប្រាស់។

ស្វែងយល់ពីកម្រិតថ្នាំ

ព័ត៌មានទាំងនេះ មិនបានរាប់ជាការណែនាំរបស់គ្រូពេទ្យនោះទេ។ ត្រូវតែពិភាក្សាជាមួយគ្រូពេទ្យ ឬឱសថការី មុនពេលចាប់ផ្តើមប្រើប្រាស់ថ្នាំប្រភេទនេះ។

៨- កម្រិតប្រើធម្មតាម៉េចដែរ?

កម្រិតប្រើប្រាស់ផ្កាខាត់ណា គឺខុសៗគ្នា អាស្រ័យលើកត្តាអាយុ ស្ថានភាពសុខភាព និងជំងឺផ្សេងៗ។ ពពួកឱសថរុក្ខជាតិ មិនមែនសុទ្ធតែមានសុវត្ថិភាពទាំងអស់ទេ។ សូមពិគ្រោះជាមួយគ្រូពេទ្យ ដើម្បីដឹងពីកម្រិតថ្នាំត្រឹមត្រូវសម្រាប់យើង។

៩- អាចមានទម្រង់អីខ្លះ?

ផ្កាខាត់ណា មានទម្រង់ដូចជា៖

– ផ្កាស្រស់

– ផ្កាចម្រាញ់ជាគ្រាប់ថ្នាំខេបស៊ុល។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

Cauliflower (ផ្កាខាត់ណា)

ស្វែង​យល់​ពី​ការ​ប្រើប្រាស់

កត្តា​គួរ​ប្រុង​ប្រយ័ត្ន

ស្វែង​យល់​ពី​ផលរំខាន

ស្វែង​យល់​ពី​អន្តរកម្ម​ថ្នាំ

ស្វែង​យល់​ពី​កម្រិត​ថ្នាំ

ស្វែងយល់ពីការប្រើប្រាស់

កត្តាគួរប្រុងប្រយ័ត្ន

ស្វែងយល់ពីផលរំខាន

ស្វែងយល់ពីអន្តរកម្មថ្នាំ

ស្វែងយល់ពីកម្រិតថ្នាំ