ស្វែងយល់ពីការប្រើប្រាស់
១- ស្បែកពស់ជួយអីបានខ្លះ?
ស្បែកពស់ អាចប្រើសម្រាប់ញ៉ាំ និងបិទលើស្បែក មានប្រភពដើមមកពីវេជ្ជសាស្រ្តបូរាណចិន។ ញ៉ាំស្បែកពស់ អាចព្យាបាលបញ្ហាសុខភាពជាច្រើន ដូចជា ជំងឺស្បែក ប្រកាច់ បញ្ហាជំងឺថង់ទឹកប្រមាត់ និងជំងឺលើសឈាម។
បើបិទលើស្បែក អាចព្យាបាលជំងឺស្បែក រួមមាន ឈឺចាប់ អាប់សែ បូស រមាស់ បែកស្រកា រមាស់ស្បែកខ្លាំង (Psoriasis) និងជំងឺចៃ ការបង្ករោគលើភ្នែក ដុំសនៅក្នុងភ្នែក និងឫសដូងបាត។ ស្បែកពស់ ក៏ត្រូវប្រើជាថ្នាំក្រមួន ប្រេង និងក្រែម ដើម្បីបន្ថយការឈឺចាប់ និងបញ្ហាស្បែករឹង។
២- មុខងារដំណើរការយ៉ាងម៉េច?
មិនទាន់មានការសិក្សាគ្រប់គ្រាន់អំពីមុខងារធ្វើការរបស់ស្បែកពស់នៅឡើយទេ។សូមពិគ្រោះជាមួយគ្រូពេទ្យសម្រាប់ព័ត៌មានបន្ថែម។ យ៉ាងណាក៏ដោយ គ្រាន់តែដឹងថាស្បែកពស់ មានផ្ទុកជាតិកូលេស្តេរ៉ូល និងជាតិខ្លាញ់ផ្សេងទៀត ត្រូវបានប្រើប្រាស់ញឹកញាប់ជាសម្រាប់ការស្រាវជ្រាវថ្នាំព្យាបាលបញ្ហាស្បែក ដោយសារតែភាពក្រាស់ និងថាមពលនៃជាតិខ្លាញ់មានក្នុងស្បែកពស់។
កត្តាគួរប្រុងប្រយ័ត្ន
៣- មុនប្រើគួរដឹងអ្វីខ្លះ?
ប្រឹក្សាយោបល់ជាមួយគ្រូពេទ្យ ឬឱសថការីក្នុងករណី៖
– មានផ្ទៃពោះ ឬបំបៅដោះកូន ការលេបថ្នាំអាចធ្វើទៅតាមវេជ្ជបញ្ជាតែប៉ុណ្ណោះ
– កំពុងប្រើប្រាស់ថ្នាំផ្សេងៗ រួមទាំងថ្នាំទិញដោយគ្មានវេជ្ជបញ្ជា
– ធ្លាប់មានប្រតិកម្មអាលែកហ្ស៊ីជាមួយដំឡូង ថ្នាំ ឬឱសថរុក្ខជាតិផ្សេងៗ
– មានជំងឺផ្សេងៗ
– ធ្លាប់ប្រតិកម្មអាលែកហ្ស៊ីប្រភេទផ្សេងទៀត រួមទាំងអាហារ សារធាតុពណ៌ សារធាតុរក្សាអាហារ ឬសត្វ។
លក្ខខណ្ឌចុះបញ្ជីការផ្លូវច្បាប់លើឱសថបុរាណ មិនតឹងរ៉ឹងដូចការចុះបញ្ជីការផ្លូវច្បាប់លើថ្នាំពេទ្យទេ។ ដូចនេះគេត្រូវការ សិក្សាបន្ថែមដើម្បីដឹងពីសុវត្ថិភាពប្រើប្រាស់ឱសថបុរាណ។ គុណសម្បត្តិនៃការប្រើឱសថនេះ ត្រូវច្រើនជាងផលប៉ះពាល់មុនពេលប្រើវា។ សូមពិគ្រោះជាមួយអ្នកជំនាញខាងឱសថរុក្ខជាតិ ឬគ្រូពេទ្យបន្ថែម។
៤- មានសុវត្ថិភាពកម្រិតណា
នៅមិនទាន់មានព័ត៌មានគ្រប់គ្រាន់ ដើម្បីដឹងថាស្បែកពស់មានសុវត្ថិភាព ឬមានផលរំខានផ្សេងៗនោះទេ។
៥- គួរប្រុងប្រយ័ត្ន
ស្រ្តីពពោះ និងបំបៅដោះ៖ មិនទាន់មានការសិក្សាណាមួយច្បាស់លាស់ចំពោះករណីនេះឡើយ។
ស្វែងយល់ពីផលរំខាន
៦- មានផលរំខានអីខ្លះ?
បើសង្ស័យអំពីផលប៉ះពាល់ សូមប្រឹក្សាយោបល់បន្ថែម ជាមួយអ្នកឯកទេសឱសថរុក្ខជាតិ ឬគ្រូពេទ្យជំនាញ។
ស្វែងយល់ពីអន្តរកម្មថ្នាំ
៧- មានអន្តរកម្មជាមួយអីខ្លះ?
ស្បែកពស់ អាចមានអន្តរកម្មជាមួយជំងឺ ឬថ្នាំផ្សេងៗយើងកំពុងប្រើ។ សូមពិគ្រោះជាមួយគ្រូពេទ្យ ឬឱសថការីមុននឹងប្រើ។
ស្វែងយល់ពីកម្រិតថ្នាំ
ព័ត៌មានទាំងនេះ មិនបានរាប់ជាការណែនាំរបស់គ្រូពេទ្យនោះទេ។ ត្រូវតែពិភាក្សាជាមួយគ្រូពេទ្យ ឬឱសថការី មុនពេលចាប់ផ្តើមប្រើប្រាស់ថ្នាំប្រភេទនេះ។
៨- កម្រិតប្រើធម្មតាម៉េចដែរ?
កម្រិតប្រើប្រាស់ស្បែកពស់ អាចមានលក្ខខណ្ឌខុសគ្នាសម្រាប់អ្នកជំងឺម្នាក់ៗ អាស្រ័យលើអាយុ សុខភាព និងស្ថានភាពរាងកាយមួយចំនួនទៀត។ ថ្នាំអាហារបំប៉ន មិនមែនតែងមានសុវត្ថិភាពទាំងអស់នោះទេ ហេតុនេះសូមប្រឹក្សាយោបល់ជាមួយអ្នកឯកទេសឱសថរុក្ខជាតិ ឬគ្រូពេទ្យជំនាញក្នុងការប្រើកម្រិតថ្នាំឲ្យបានត្រឹមត្រូវ។
៩- អាចមានទម្រង់អីខ្លះ?
ស្បែកពស់អាចរកជាវបានក្នុងទម្រង់ជា៖
– ស្បែកពស់ស្ងួត
– ថ្នាំគ្រាប់កាប់ស៊ុល
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជាមិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-bmi]
