ជីវិតរស់នៅគ្មានស្ត្រេស ជាក្តីស្រមៃមួយរបស់មនុស្សគ្រប់គ្នា ព្រោះស្ត្រេសធ្វើឲ្យយើងស្មុគស្មាញ អារម្មណ៍មិនល្អ ចង់ធ្វើអ្វីក៏មិនកើតដែរ។ តែតាមពិតទៅ ស្ត្រេសមិនអាក្រក់ទាំងអស់នោះទេ ដោយស្ត្រេសប្រភេទខ្លះ ក៏វាល្អសម្រាប់យើងផងដែរ។
ត្រួតពិនិត្យដោយ Try Ravi
ជីវិតរស់នៅគ្មានស្ត្រេស ជាក្តីស្រមៃមួយរបស់មនុស្សគ្រប់គ្នា ព្រោះស្ត្រេសធ្វើឲ្យយើងស្មុគស្មាញ អារម្មណ៍មិនល្អ ចង់ធ្វើអ្វីក៏មិនកើតដែរ។ តែតាមពិតទៅ ស្ត្រេសមិនអាក្រក់ទាំងអស់នោះទេ ដោយស្ត្រេសប្រភេទខ្លះ ក៏វាល្អសម្រាប់យើងផងដែរ។
តាមគេហទំព័រ Brightside ស្ត្រេសមាន ៣ ប្រភេទ ដែលរាងកាយរបស់យើងឆ្លើយតបក្នុងមធ្យោបាយផ្សេងៗគ្នា។ ស្ត្រេសទាំង ៣ប្រភេទនោះ មានដូចជា៖
ស្ត្រេសស្រួចស្រាវ ជាប្រភេទសាមញ្ញបំផុត ដែលជាប្រតិកម្មណាមួយទប់ទល់ទៅនឹងបញ្ហា ឬស្ថានភាពណាមួយ។ ពេលវាកើតឡើង យើងអាចបង្កើតកំហុស នៅកន្លែងការងារ ឬសាលារៀន ឬឈ្លោះគ្នាជាមួយពួកម៉ាក។ ប៉ុន្ដែស្ត្រេសស្រួចស្រាវ អាចរំញោចខួរក្បាល និងជួយដល់សុខភាពយើង។ ការសិក្សាជាច្រើនរកឃើញថា បញ្ហាស្ត្រេសកើតឡើងដោយស្ថានភាពណាមួយ អាចបណ្ដាលឲ្យកោសិកាដើម ជួយដល់ដំណើរការរបស់ខួរក្បាល។
វាជាស្ថានភាពមួយ ដែលបញ្ហាស្ត្រេសស្រួចស្រាវ កើតឡើងញឹកញាប់។ នៅពេលយើងព្រួយបារម្ភគ្រប់ពេល សូម្បីអំពីបញ្ហាតិចតួច អារម្មណ៍អវិជ្ជមាន អាចគ្របដណ្ដប់លើយើងបាន ហើយវាបណ្ដាលឲ្យអស់កម្លាំង ឈឺក្បាល និងខ្សោយប្រព័ន្ធការពារ។ ដើម្បីដោះស្រាយបញ្ហាស្ត្រេសប្រភេទនេះ យើងត្រូវកែប្រែរបៀបរបបរស់នៅរបស់យើង និងហ្វឹកហាត់ខ្លួនឯង ធ្វើអ្វីដោយងាយៗ។
នៅពេលស្ត្រេសស្រួចស្រាវ មិនអាចដោះស្រាយបាន ក្នុងរយៈពេលយូរៗទៅ វាក្លាយជាស្ត្រេសរ៉ាំរ៉ៃ។ មូលហេតុនៃស្ត្រេសរ៉ាំរ៉ៃ អាចបណ្ដាលមកពីការរៀបការដោយមិនសប្បាយចិត្ត ការងារមិនល្អ និងភាពក្រីក្រ។ ស្ត្រេសប្រភេទនេះ គ្រោះថ្នាក់ណាស់ ដោយវាប៉ះពាលដល់សុខភាពផ្លូវចិត្ត និងផ្លូវកាយរបស់យើង ហើយអាចឈាមដល់ជាជំងឺមហារីក បេះដូង និងជំងឺធាត់។
ពេលខ្លះ មូលហេតុនៃស្ត្រេសរ៉ាំរ៉ៃ អាចបណ្ដាលមកពីភាពលំបាកនៅវ័យកុមារភាព។ ក្នុងករណីនេះ អ្នកជំងឺ ត្រូវព្យាយាមសមាធិ ឬរៀនពីការគ្រប់គ្រងអារម្មណ៍។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
Try Ravi