Lotus (ផ្កាឈូក)
ស្វែងយល់ពីការប្រើប្រាស់
១- ផ្កាឈូកប្រើដើម្បីព្យាបាលអ្វីខ្លះ?
ផ្កាឈូក (Lotus) គឺជារុក្ខជាតិម្យ៉ាងដែលផ្កា គ្រាប់ពូជ ស្លឹក ក៏ដូចជា មើម ត្រូវបានគេយកមកធ្វើជាថ្នាំ សម្រាប់ព្យាបាលជំងឺបានច្រើនមុខ។ ជាក់ស្តែង ផ្កា អាចជួយឃាត់ឈាម គ្រាប់ អាចជួយដល់បញ្ហាប្រព័ន្ធរំលាយអាហារមួយចំនួន ដូចជា បញ្ហារាករូសជាដើម។
២- ផ្កាឈូកដំណើរការម៉េច?
មិនទាន់មានការសិក្សាស្រាវជ្រាវច្បាស់លាស់ណាមួយ អាចបង្ហាញពីដំណើរការធ្វើការរបស់ផ្កាឈូកនៅឡើយទេ។ គប្បីពិគ្រោះយោបល់ជាមួយគ្រូពេទ្យ ដើម្បីទទួលបានព័ត៌មានបន្ថែម។
កត្តាគួរប្រុងប្រយ័ត្ន
៣- គួរដឹងអ្វីខ្លះមុនពេលប្រើ?
មុនប្រើប្រាស់ សូមពិគ្រោះជាមួយគ្រូពេទ្យ ឬអ្នកជំនាញខាងឱសថរុក្ខជាតិ ប្រសិនបើ៖
- កំពុងមានផ្ទៃពោះ ឬបំបៅដោះកូន ដោយសារពេលពពោះ ឬបំបៅដោះកូន ត្រូវប្រើប្រាស់ថ្នាំឲ្យត្រូវតាមកម្រិតណែនាំរបស់គ្រូពេទ្យតែប៉ុណ្ណោះ។
– កំពុងប្រើប្រាស់ថ្នាំអ្វីផ្សេង ថ្នាំទាំងនោះរាប់បញ្ចូលទាំងថ្នាំអ្នកទិញខ្លួន និងថ្នាំទិញតាមវេជ្ជបញ្ជា
– មានប្រតិកម្មជាមួយផ្កាឈូក ថ្នាំពេទ្យ ឬមានប្រតិកម្មជាមួយឱសថបុរាណដទៃ
– កំពុងមានជំងឺប្រចាំកាយ ឬមានបញ្ហាសុខភាពអ្វីមួយ ពិសេសមានក្រួសក្នុងប្រមាត់ជាដើម
– ធ្លាប់មានប្រតិកម្មជាមួយអាហារ សារធាតុពណ៌ សារធាតុរក្សាអាហារ ឬជាមួយសត្វ។
លក្ខខណ្ឌក្នុងការចុះបញ្ជីការផ្លូវច្បាប់សម្រាប់ឱសថបំប៉នមិនតឹងរ៉ឹងដូចការចុះបញ្ជីការផ្លូវច្បាប់ទៅលើថ្នាំពេទ្យទេ។ដូចនេះគួរតែមានការសិក្សាបន្ថែមពីសុវត្ថិភាពលើឱសថបំប៉នទាំងនេះ។ អ្នកត្រូវប្រាកដថាអត្ថប្រយោជន៍នៃការប្រើថ្នាំនេះខ្ពស់ជាងកត្តាប្រឈម។ សូមពិគ្រោះជាមួយគ្រូពេទ្យដើម្បីអាចដឹងពីព័ត៌មានបន្ថែម។
៤- មានសុវត្ថិភាពកម្រិតណា?
គេមិនទាន់ដឹងច្បាស់នោះទេ ថាការប្រើប្រាស់ផ្កាឈូកជាឱសថបុរាណ មានសុវត្ថិភាព ឬអត់នោះ។ យ៉ាងណា មានកត្តាមួយចំនួន គួរប្រុងប្រយ័ត្នពេលប្រើផ្កាឈូកជាឱសថបុរាណ ដូចជា៖
– ស្រីមានផ្ទៃពោះ និងកំពុងបំបៅដោះកូន៖ ដោយសារមិនទាន់មានព័ត៌មានច្បាស់លាស់ ទាក់ទងទៅនឹងសុវត្ថិភាពនៃការប្រើប្រាស់ផ្កាឈូកនៅឡើយ គប្បីពិគ្រោះជាមួយគ្រូពេទ្យ ក៏ដូចជាចៀសវាងរាល់ហានិភ័យ អាចកើតឡើងដោយយថាហេតុ។
– ចំពោះអ្នកជំងឺទឹកនោមផ្អែម៖ ផ្កាឈូកអាចធ្វើឲ្យកម្រិតជាតិស្ករក្នុងខ្លួនអ្នកកើតទឹកនោមផ្អែមមួយចំនួនធ្លាក់ចុះ។ ហេតុនេះ គប្បីធ្វើកត់សម្គាល់រាល់អាការៈផ្សេងៗ ទាក់ទងទៅនឹងការធ្លាក់ចុះកម្រិតជាតិស្ករក្នុងឈាម ក៏ដូចពិនិត្យកម្រិតជាតិស្ករ ឲ្យបានទៀងទាត់ បើអ្នកមានជំងឺទឹកនោមផ្អែម ឬប្រើផ្កាឈូកជាថ្នាំប្រចាំថ្ងៃ។
– ចំពោះអ្នកជំងឺវះកាត់៖ ដោយសារតែផ្កាឈូក អាចធ្វើឲ្យកម្រិតជាតិស្ករក្នុងខ្លួនធ្លាក់ចុះ គេបារម្ភថា ផ្កាឈូកក៏អាចប៉ះពាល់ដល់ការគ្រប់គ្រងជាតិស្ករក្នុងឈាម ទាំងអំឡុងពេលវះកាត់ និងក្រោយពេលវះកាត់។ គប្បីបញ្ឈប់ការប្រើប្រាស់ផ្កាឈូកឲ្យបានយ៉ាងតិច ២សប្តាហ៍ មុនធ្វើការវះកាត់។
ស្វែងយល់ពីផលរំខាន
៥- ផ្កាឈូកអាចផ្តល់រំខានអ្វីខ្លះ?
ក្នុងករណីមានចម្ងល់ទាក់ទងនឹងផលរំខានពីផ្កាឈូក សូមពិគ្រោះជាមួយគ្រូពេទ្យ ឬក៏អ្នកជំនាញខាងឱសថបុរាណ។
អត្ថបទពាក់ព័ន្ធ៖
- ផ្កាម្លិះ (Jasmine)
- ផ្កាម៉ោងដប់ (Ten o’clock flower)
ស្វែងយល់ពីអន្តរកម្មថ្នាំ
៦- មានអន្តរកម្មជាមួយអីខ្លះ?
ផ្កាឈូក អាចមានប្រតិកម្មជាមួយនឹងថ្នាំ ក៏ដូចជាជំងឺមួយចំនួនយើងកំពុងមាន។ គប្បីពិគ្រោះជាមួយគ្រូពេទ្យ និងអ្នកជំនាញខាងឱសថរុក្ខជាតិ មុនពេលប្រើប្រាស់។
ស្វែងយល់ពីកម្រិតថ្នាំ
ព័ត៌មានទាំងនេះ មិនបានរាប់ជាការណែនាំរបស់គ្រូពេទ្យនោះទេ។ ត្រូវតែពិភាក្សាជាមួយគ្រូពេទ្យ ឬឱសថការី មុនពេលចាប់ផ្តើមប្រើប្រាស់ថ្នាំប្រភេទនេះ។
៧- កម្រិតប្រើធម្មតាម៉េចដែរ?
កម្រិតប្រើប្រាស់ផ្កាឈូក អាចមានលក្ខណៈខុសគ្នាសម្រាប់អ្នកជំងឺម្នាក់ៗ។ កម្រិតប្រើប្រាស់អាស្រ័យលើកត្តាអាយុ សុខភាព និងស្ថានភាពរាងកាយមួយចំនួនទៀត។ ឱសថរុក្ខជាតិ មិនមែនតែងមានសុវត្ថិភាពទាំងអស់នោះទេ ហេតុនេះ សូមប្រឹក្សាយោបល់ជាមួយអ្នកឯកទេសឱសថរុក្ខជាតិ ឬគ្រូពេទ្យជំនាញជាមុនសិន។
៨- ទម្រង់ប្រើប្រាស់មានអ្វីខ្លះ?
ផ្កាឈូកអាចមានជាទម្រង់ដូចខាងក្រោម៖
– ផ្តាស្រស់
– ប្រភេទខេបស៊ុល
– ប្រភេទរាវ (Tincture)។
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Lotus https://www.webmd.com/vitamins-supplements/ingredientmono-124-lotus.aspx?activeingredientid=124 Accessed January 09, 2018
Nutritional and Health Benefits of the Lotus Plant https://caloriebee.com/nutrition/Health-Benefits-Of-Lotus-Roots-Or-Stem-Seeds-Leaves-And-Flowers Accessed January 09, 2018
កំណែប្រែបច្ចុប្បន្ន
13/04/2021
អត្ថបទដោយ Sao Solynet
ត្រួតពិនិត្យដោយ គឹម កាណែល
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម