ស្រ្តេសនរណាក៏មានដែរ គ្រាន់តែតិច ឬច្រើនអាស្រ័យលើ កិច្ចការងារ ឬស្ថានភាពផ្ទាល់ខ្លួន។ យ៉ាងណាមិញ គេក៏មានវិធីសាស្រ្តមួយចំនួន ជួយបន្ធូរបន្ថយបញ្ហានេះផងដែរ តាមរយៈវិបសាយ Bright Side បានណែនាំនូវវិធីមួយចំនួនដូចខាងក្រោម ដែលមានប្រសិទ្ធិភាព។
មាតិកា
ស្រ្តេសកើតមាន មិនអាចចៀសបាន តែយើងអាចដោះស្រាយតាមវិធីនេះ
១. ធ្វើចលនារាងកាយ
ការធ្វើលំហាត់ប្រាណទៀងទាត់ អាចបង្កើនមុខងារចងចាំ និងរក្សាសុខភាពខួរក្បាលពេលដែលយើងចម្រើនវ័យ ពីព្រោះលំហាត់ប្រាណអាចជួយបញ្ចេញសារធាតុEndorphins ដែលផ្តល់ឱ្យរាងកាយនូវអារម្មណ៍វិជ្ជមាន នេះបើតាមការសិក្សាមួយនៅក្នុងប្រទេសអូស្រ្តាលី។
២. គេងឱ្យឆ្អែត
រាងកាយយើងបានធូរស្រាល និងបំពេញថាមពលឡើងវិញ នៅពេលយើងគេងលក់ ហើយនៅពេលយើងខកខានគេង ឫមិនបានគ្រប់គ្រាន់ បញ្ហាសុខភាពរបស់យើងក៏កើនឡើង ហើយនឹងជួយឱ្យស្រ្តេសកើតឡើង។
៣. ប្រយ័ត្នរឿងញ៉ាំ
ការញ៉ាំឱ្យបានល្អប្រសើរ មានឥទ្ធិពលដល់អារម្មណ៍យើង ហើយថែមទាំងជួយកាត់បន្ថយកម្រិតស្រ្តេសទៀតផង។ ការញ៉ាំអាហារសុខភាពឱ្យបានទៀងទាត់ ព្រមទាំងកាត់បន្ថយការទទួលទានកាហ្វេអ៊ីន ក៍ចូលរួមកាត់បន្ថយស្ត្រេសដែរ។
៤. ព្យាយាមនៅជិតៗមនុស្សជាទីស្រឡាញ់
ការរស់នៅប្រកបដោយការគាំទ្រ អាចជួយប្រឆាំងនឹងការកើតស្រ្តេស។ ការមានទំនាក់ទំនងជាមួយក្រុមគ្រួសារ និងមិត្តភក្តិ អាចជួយបញ្ចេញអ័រម៉ូន Oxytocin ដែលអាចកាត់បន្ថយភាពធុញថប់។
អត្ថបទពាក់ព័ន្ធ៖
៥. រកពេលសម្រាក
ហាត់យូហ្គា ឬធ្វើសមាធិ ម៉ាស្សា ឬដំណើរកំសាន្តខ្លីៗ ដើម្បីជួយឱ្យអ្នកបានធូរស្រាល និងមានពេលវេលាសម្រាប់ខ្លួនឯង។ ការគេចចេញពីភាពមមាញឹកក្នុងជិវិតប្រចាំថ្ងៃ អាចជួយឱ្យ រាងកាយ និងខួរក្បាលបានសម្រាកខ្លះ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://brightside.me/inspiration-health/your-brain-can-shrink-from-stress-but-you-have-the-power-to-stop-it-794772/
កំណែប្រែបច្ចុប្បន្ន
19/11/2019
អត្ថបទដោយ មាន រតនា
ត្រួតពិនិត្យដោយ ជីព ចិត្ត
បច្ចុប្បន្នភាពដោយ៖ Solika
ត្រួតពិនិត្យដោយ
ជីព ចិត្ត
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម