ការប្រើប្រាស់

១– វីតាមីនប្យូទីន (Biotin) អាចជួយអ្វីដល់រាងកាយខ្លះ?

ប្យូទីន (Biotin) គឺជាវីតាមីនម្យ៉ាងដែលសំបូរនៅក្នុងចំណីអាហារមួយចំនួន។ វីតាមីនBiotin ផ្តល់អត្ថប្រយោជន៍ខ្ពស់ដល់រាងកាយរបស់មនុស្ស ជាពិសេសអាចជួយព្យាបាល ក៏ដូចជាការពារស្ត្រីមានផ្ទៃពោះពីបញ្ហាកង្វះវីតាមីនប្រភេទនេះ បញ្ហាញ៉ាំមិនសូវបាន កង្វះអាហារូបត្ថម្ភ និងបញ្ហាស្រកគីឡូលឿនជាដើម។

វីតាមីនប្យូទីននេះក៏អាចជួយព្យាបាលបញ្ហាជ្រុះសក់ ក្រចកផុយស្រួយ ស្បែកកន្ទួលរមាស់លើក្មេង (ជំងឺរលាកស្បែក Seborrheic Dermatitis) ជំងឺទឹកនោមផ្អែម និងជំងឺបាក់ទឹកចិត្តកម្រិតស្រាលផងដែរ។

២– វីតាមីនប្យូទីន (Biotin)ធ្វើការដូចម្តេច?

មិនទាន់មានការសិក្សាស្រាវជ្រាវច្បាស់លាស់ណា អាចបង្ហាញប្រាប់ពីដំណើរការរបស់ប្យូទីននោះទេ។ យ៉ាងណាមិញ គេអាចដឹងត្រឹមថាវីតាមីននេះមានមុខងារសំខាន់ក្នុងការបំបែកសារធាតុផ្សេងៗក្នុងរាងកាយ ដូចជា ជាតិខ្លាញ់ ស្ករ និងសារធាតុដទៃជាច្រើនទៀត។ គប្បីធ្វើការពិគ្រោះយោបល់ជាមួយនឹងគ្រូពេទ្យដើម្បីទទួលបានព័ត៌មានបន្ថែម។

អត្ថបទពាក់ព័ន្ធ៖ ហេតុផលធំៗបញ្ជាក់ថា ថ្នាំវីតាមីនសំខាន់ខ្លាំងប៉ុនណាសម្រាប់ស្រីៗបំបៅដោះកូន

ការប្រុងប្រយ័ត្ន និងចំនុចហាមឃាត់

១– គួរដឹងអ្វីខ្លះមុនពេលប្រើវីតាមីនប្យូទីន (Biotin)?

គប្បីពិគ្រោះជាមួយនឹងគ្រូពេទ្យ ឬឱសថការី ប្រសិនបើ៖

យើងកំពុងមានគភ៌ ឬក៏បំបៅដោះកូន ព្រោះអំឡុងពេលនេះយើងអាចប្រើថ្នាំបាន តាមការណែនាំរបស់គ្រូពេទ្យតែប៉ុណ្ណោះ។
យើងកំពុងប្រើប្រាស់ថ្នាំណាមួយផ្សេងទៀត (មិនថាថ្នាំដែលកំពុងប្រើ មាន ឬគ្មានវេជ្ជបញ្ជា)
មានប្រតិកម្មអាលែកហ្ស៊ីជាមួយនឹងសារធាតុផ្សំណាមួយរបស់ថ្នាំ ឬថ្នាំដទៃទៀត
មានជំងឺប្រចាំកាយណាមួយ។
មានប្រតិកម្មអាលែកហ្ស៊ីជាមួយនឹងសារធាតុផ្សេងៗ ដូចជា ចំណីអាហារណាមួយ ថ្នាំលាបពណ៌ សារធាតុរក្សាអាហារបានយូរ ឬក៏សត្វណាមួយ។

លក្ខខណ្ឌក្នុងការចុះបញ្ជីការផ្លូវច្បាប់សម្រាប់អាហារបំប៉នមិនតឹងរ៉ឹងដូចការចុះបញ្ជីការផ្លូវច្បាប់ទៅលើថ្នាំពេទ្យទេ។ ដូចនេះគួរតែមានការសិក្សាបន្ថែមពីសុវត្ថិភាពលើឱសថទាំងនេះ។ យើងត្រូវប្រាកដថាអត្ថប្រយោជន៍នៃការប្រើថ្នាំនេះខ្ពស់ជាងកត្តាប្រឈម។ សូមពិគ្រោះជាមួយគ្រូពេទ្យដើម្បីអាចដឹងពីព័ត៌មានបន្ថែម។

២– វីតាមីនBiotinពុលដែរឬទេ?

វីតាមីន Biotin ឬវីតាមីនB7 អាចមានសុវត្ថិភាពចំពោះមនុស្សភាគច្រើន នៅពេលដែលលេបត្រឹមត្រូវ។ វាមានប្រសិទ្ធភាពនៅពេលដែលប្រើក្នុងកម្រិតដែលណែនាំ។ វាមានសុវត្ថិភាពដូចគ្នានៅពេលដែលចាក់តាមសាច់ដុំ និងប្រើដោយត្រឹមត្រូវ។

ការប្រុងប្រយ័ត្ន និងចំនុចហាមឃាត់ក្នុងករណីពិសេស៖

ចំពោះស្ត្រីមានគភ៌ ឫកំពុងបំបៅដោះកូន៖ ប្រសិនបើយើងប្រើប្រាស់វាទៅតាមការណែនាំ និងវេជ្ជបញ្ជារបស់គ្រូពេទ្យត្រឹមត្រូវ វាមិនផ្តល់ជាផលប៉ះពាល់អ្វីនោះទេ។

ចំពោះអ្នកជំងឺលាងឈាម(Kidney Dialysis)៖ អាចតម្រូវឲ្យប្រើប្រាស់វីតាមីននេះលើសពីចំណុះធម្មតា ហេតុនេះ គប្បីធ្វើការពិគ្រោះជាមួយនឹងគ្រូពេទ្យមុនពេលប្រើប្រាស់។

ផលប៉ះពាល់

១– វីតាមីនប្យូទីន (Biotin)អាចផ្តល់ផលប៉ះពាល់អ្វីខ្លះ?

ក្នុងករណីមានចម្ងល់ទាក់ទងទៅនឹងផលប៉ះពាល់របស់វីតាមីននេះ សូមធ្វើការពិគ្រោះជាមួយនឹងគ្រូពេទ្យជំនាញ។

អន្តរកម្ម

១– វីតាមីនប្យូទីន (Biotin)អាចមានប្រតិកម្មជាមួយនឹងអ្វីខ្លះ?

វីតាមីនប្យូទីនអាចមានប្រតិកម្មជាមួយនឹងថ្នាំ ក៏ដូចជាជំងឺមួយចំនួន។ គប្បីធ្វើការពិគ្រោះយោបល់ជាមួយនឹងគ្រូពេទ្យមុនពេលប្រើប្រាស់។

កម្រិតនៃការប្រើប្រាស់ថ្នាំ

ព័ត៌មានខាងលើមិនអាចជំនួសឲ្យការផ្ដល់អនុសាសន៍ផ្នែកវេជ្ជសាស្រ្តបានទេ សូមធ្វើការពិគ្រោះយោបល់ជាមួយគ្រូពេទ្យឬឱសថការីមុនពេលប្រើប្រាស់ថ្នាំនេះ។

១– គួរប្រើប្រាស់វីតាមីនប្យូទីនក្នុងបរិមាណដូចម្តេច?

ចំពោះវីតាមីនប្យូទីន ឬB7នេះ មិនទាន់មានការកំណត់បរិមាណជាក់លាក់នៅក្នុងរបបអាហារប្រចាំថ្ងៃនោះទេ។ យ៉ាងណាមិញ បរិមាណខាងក្រោមនេះត្រូវបានគេចាត់ទុកថាជាចំណុះសមស្របក្នុងការទទួលទានវីតាមីនប្យូទីននេះ៖

៧មីក្រូក្រាម ចំពោះក្មេងដែលទើបកើត រហូតដល់ ១២ខែ
៨មីក្រូក្រាម ចំពោះក្មេងអាយុ១ ដល់ ៣ឆ្នាំ
១២មីក្រូក្រាម ចំពោះក្មេងអាយុ៤ ដល់ ៨ឆ្នាំ
២០មីក្រូក្រាម ចំពោះក្មេងអាយុ ៩ ដល់ ១៣ឆ្នាំ
២៥មីក្រូក្រាម ចំពោះក្មេងជំទង់អាយុ១៤ ដល់ ១៨ឆ្នាំ
៣០មីក្រូក្រាម ចំពោះអ្នកដែលអាយុលើសពី១៨ឆ្នាំ និងស្ត្រីមានផ្ទៃពោះ
៣៥មីក្រូក្រាម ចំពោះស្ត្រីដែលកំពុងបំបៅដោះកូន

កម្រិតនៃការប្រើប្រាស់វីតាមីនប្យូទីន ឬB7នេះ អាចខុសគ្នាពីមនុស្សម្នាក់ទៅម្នាក់ទៀត ដោយតម្រូវទៅតាមអាយុ ស្ថានភាពសុខភាព និងកត្តាផ្សេងៗជាច្រើនទៀត។ យ៉ាងណាមិញ មិនប្រាកដថាវាមិនផ្តល់ផលប៉ះពាល់ទាល់តែសោះនោះទេ គប្បីធ្វើការពិគ្រោះជាមួយនឹងគ្រូពេទ្យដើម្បីទទួលបានព័ត៌មានច្បាស់លាស់ទាក់ទងទៅនឹងកម្រិតសមស្របនៃការប្រើប្រាស់វីតាមីននេះ។

២– វីតាមីនប្យូទីនមានទម្រង់បែបណាខ្លះ?

វីតាមីនប្យូទីនអាចមានទម្រង់ដូចខាងក្រោម:

ប្រភេទគ្រាប់
ប្រភេទគ្រាប់ទន់
ប្រភេទគ្រាប់មានសំបក (ខេបស៊ុល)

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬការព្យាបាលជូនទេ។

Biotin (វីតាមីន B7)