ត្រួតពិនិត្យដោយ គឹម កាណែល
ប្យូទីន (Biotin) គឺជាវីតាមីនម្យ៉ាងដែលសំបូរនៅក្នុងចំណីអាហារមួយចំនួន។ វីតាមីនBiotin ផ្តល់អត្ថប្រយោជន៍ខ្ពស់ដល់រាងកាយរបស់មនុស្ស ជាពិសេសអាចជួយព្យាបាល ក៏ដូចជាការពារស្ត្រីមានផ្ទៃពោះពីបញ្ហាកង្វះវីតាមីនប្រភេទនេះ បញ្ហាញ៉ាំមិនសូវបាន កង្វះអាហារូបត្ថម្ភ និងបញ្ហាស្រកគីឡូលឿនជាដើម។
វីតាមីនប្យូទីននេះក៏អាចជួយព្យាបាលបញ្ហាជ្រុះសក់ ក្រចកផុយស្រួយ ស្បែកកន្ទួលរមាស់លើក្មេង (ជំងឺរលាកស្បែក Seborrheic Dermatitis) ជំងឺទឹកនោមផ្អែម និងជំងឺបាក់ទឹកចិត្តកម្រិតស្រាលផងដែរ។
មិនទាន់មានការសិក្សាស្រាវជ្រាវច្បាស់លាស់ណា អាចបង្ហាញប្រាប់ពីដំណើរការរបស់ប្យូទីននោះទេ។ យ៉ាងណាមិញ គេអាចដឹងត្រឹមថាវីតាមីននេះមានមុខងារសំខាន់ក្នុងការបំបែកសារធាតុផ្សេងៗក្នុងរាងកាយ ដូចជា ជាតិខ្លាញ់ ស្ករ និងសារធាតុដទៃជាច្រើនទៀត។ គប្បីធ្វើការពិគ្រោះយោបល់ជាមួយនឹងគ្រូពេទ្យដើម្បីទទួលបានព័ត៌មានបន្ថែម។
អត្ថបទពាក់ព័ន្ធ៖ ហេតុផលធំៗបញ្ជាក់ថា ថ្នាំវីតាមីនសំខាន់ខ្លាំងប៉ុនណាសម្រាប់ស្រីៗបំបៅដោះកូន
គប្បីពិគ្រោះជាមួយនឹងគ្រូពេទ្យ ឬឱសថការី ប្រសិនបើ៖
លក្ខខណ្ឌក្នុងការចុះបញ្ជីការផ្លូវច្បាប់សម្រាប់អាហារបំប៉នមិនតឹងរ៉ឹងដូចការចុះបញ្ជីការផ្លូវច្បាប់ទៅលើថ្នាំពេទ្យទេ។ ដូចនេះគួរតែមានការសិក្សាបន្ថែមពីសុវត្ថិភាពលើឱសថទាំងនេះ។ យើងត្រូវប្រាកដថាអត្ថប្រយោជន៍នៃការប្រើថ្នាំនេះខ្ពស់ជាងកត្តាប្រឈម។ សូមពិគ្រោះជាមួយគ្រូពេទ្យដើម្បីអាចដឹងពីព័ត៌មានបន្ថែម។
វីតាមីន Biotin ឬវីតាមីនB7 អាចមានសុវត្ថិភាពចំពោះមនុស្សភាគច្រើន នៅពេលដែលលេបត្រឹមត្រូវ។ វាមានប្រសិទ្ធភាពនៅពេលដែលប្រើក្នុងកម្រិតដែលណែនាំ។ វាមានសុវត្ថិភាពដូចគ្នានៅពេលដែលចាក់តាមសាច់ដុំ និងប្រើដោយត្រឹមត្រូវ។
ការប្រុងប្រយ័ត្ន និងចំនុចហាមឃាត់ក្នុងករណីពិសេស៖
ចំពោះស្ត្រីមានគភ៌ ឫកំពុងបំបៅដោះកូន៖ ប្រសិនបើយើងប្រើប្រាស់វាទៅតាមការណែនាំ និងវេជ្ជបញ្ជារបស់គ្រូពេទ្យត្រឹមត្រូវ វាមិនផ្តល់ជាផលប៉ះពាល់អ្វីនោះទេ។
ចំពោះអ្នកជំងឺលាងឈាម(Kidney Dialysis)៖ អាចតម្រូវឲ្យប្រើប្រាស់វីតាមីននេះលើសពីចំណុះធម្មតា ហេតុនេះ គប្បីធ្វើការពិគ្រោះជាមួយនឹងគ្រូពេទ្យមុនពេលប្រើប្រាស់។
ក្នុងករណីមានចម្ងល់ទាក់ទងទៅនឹងផលប៉ះពាល់របស់វីតាមីននេះ សូមធ្វើការពិគ្រោះជាមួយនឹងគ្រូពេទ្យជំនាញ។
វីតាមីនប្យូទីនអាចមានប្រតិកម្មជាមួយនឹងថ្នាំ ក៏ដូចជាជំងឺមួយចំនួន។ គប្បីធ្វើការពិគ្រោះយោបល់ជាមួយនឹងគ្រូពេទ្យមុនពេលប្រើប្រាស់។
ព័ត៌មានខាងលើមិនអាចជំនួសឲ្យការផ្ដល់អនុសាសន៍ផ្នែកវេជ្ជសាស្រ្តបានទេ សូមធ្វើការពិគ្រោះយោបល់ជាមួយគ្រូពេទ្យឬឱសថការីមុនពេលប្រើប្រាស់ថ្នាំនេះ។
ចំពោះវីតាមីនប្យូទីន ឬB7នេះ មិនទាន់មានការកំណត់បរិមាណជាក់លាក់នៅក្នុងរបបអាហារប្រចាំថ្ងៃនោះទេ។ យ៉ាងណាមិញ បរិមាណខាងក្រោមនេះត្រូវបានគេចាត់ទុកថាជាចំណុះសមស្របក្នុងការទទួលទានវីតាមីនប្យូទីននេះ៖
កម្រិតនៃការប្រើប្រាស់វីតាមីនប្យូទីន ឬB7នេះ អាចខុសគ្នាពីមនុស្សម្នាក់ទៅម្នាក់ទៀត ដោយតម្រូវទៅតាមអាយុ ស្ថានភាពសុខភាព និងកត្តាផ្សេងៗជាច្រើនទៀត។ យ៉ាងណាមិញ មិនប្រាកដថាវាមិនផ្តល់ផលប៉ះពាល់ទាល់តែសោះនោះទេ គប្បីធ្វើការពិគ្រោះជាមួយនឹងគ្រូពេទ្យដើម្បីទទួលបានព័ត៌មានច្បាស់លាស់ទាក់ទងទៅនឹងកម្រិតសមស្របនៃការប្រើប្រាស់វីតាមីននេះ។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬការព្យាបាលជូនទេ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល