ជាទូទៅ ទារកកើតមកមានទម្ងន់តិចជាង ២,៥គីឡូក្រាម ចាត់ទុកថា ទារកនោះមិនគ្រប់គីឡូនោះទេ។ នៅតំបន់អាស៊ាន ប្រទេសហ្វីលីពីន មានទារកកើតមកមិនគ្រប់គីឡូច្រើនជាងគេ ខណៈវៀតណាមមានតិចជាងគេ ឯខ្មែរស្ថិតក្នុងចំណាត់ថ្នាក់លេខ ៤។
ការសិក្សាដោយអង្គការយូនីសេហ្វ (UNICEF) អង្គការសុខភាពពិភពលោក (WHO) និងអង្គការសុខភាពផ្សេងទៀត ផ្ដោតលើទារកកើតមកមានទម្ងន់គ្រប់ នៅក្នុងប្រទសអាស៊ាន។ លទ្ធផលរកឃើញថា៖
១- ហ្វីលីពីន មានទារកកើតមកមានទម្ងន់មិនគ្រប់ ច្រើនជាងគេ ២០,១%
២- ឡាវ មានទារកកើតមកមានទម្ងន់មិនគ្រប់ ១៧,៣%
៣- មីយ៉ាន់ម៉ា មានទារកកើតមកមានទម្ងន់មិនគ្រប់ ១២,៣%
៤- កម្ពុជា មានទារកកើតមកមានទម្ងន់មិនគ្រប់ ១២,១%
៥- ម៉ាឡេស៊ី មានទារកកើតមកមានទម្ងន់មិនគ្រប់ ១១,៣%
៦- ប្រ៊ុយណេ មានទារកកើតមកមានទម្ងន់មិនគ្រប់ ១០,៨%
៧- ថៃ មានទារកកើតមកមានទម្ងន់មិនគ្រប់ ១០,៥%
៨- ឥណ្ឌូណេស៊ី មានទារកកើតមកមានទម្ងន់មិនគ្រប់ ១០%
៩- សិង្ហបុរី មានទារកកើតមកមានទម្ងន់មិនគ្រប់ ៩,៦%
១០- វៀតណាម មានទារកកើតមកមានទម្ងន់មិនគ្រប់ ៨,២%
មូលហេតុសំខាន់ បង្កឲ្យមានទារកកើតមកមានទម្ងន់មិនគ្រប់ ដោយសារកង្វះអាហារបំប៉នពេលពពោះ បញ្ហាសុខភាពពេលពពោះ ដូចជាសម្ពាធឈាមខ្ពស់ ទឹកនោមផ្អែម និងការឆ្លងមេរោគ។ ជាមួយគ្នានេះ លក្ខខណ្ឌពេលពពោះ ដូចជា ពពោះនៅអាយុក្មេងពេក ឬចាស់ពេក គម្លាតពេលពពោះញឹកពេក និងកត្ដាប្រឈមផ្សេងទៀត ដូចជា ជក់បារី ផឹកគ្រឿងស្រវឹង និងកើតកូនដោយវះកាត់ ក៏ធ្វើឲ្យទារកកើតមកមិនគ្រប់គីឡូផងដែរ។
អត្ថបទពាក់ព័ន្ធ៖
- ស្ត្រីពពោះសុខៗស្រាប់តែញ៉ាំអីលែងចូល អាចមកពីមូលហេតុនេះ
- ពេលពពោះ ម៉ាក់ៗធ្វើបានប៉ុន្មានចំណុចនេះ កូនកើតមកនឹងឆ្លាតវាងវៃ
ទារកកើតមកមិនគ្រប់គីឡូ ប្រឈមខ្ពស់នឹងជំងឺក្រិន មាន IQ ទាប ស្លាប់នៅកុមារភាព និងជួបបញ្ហាលើសទម្ងន់ ជំងឺធាត់ ជំងឺបេះដូង និងជំងឺឆ្លងផ្សេងទៀតពេលពេញវ័យ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
