តិចនិក​រើស​មុខម្ហូបពេលទៅអី​ញ៉ាំក្រៅផ្ទះ​ចំពោះអ្នក​លើសកូលេស្តេរ៉ូល

ត្រួតពិនិត្យដោយ | ដោយ

កែសម្រួលចុងក្រោយនៅថ្ងៃទី 15/01/2020 . អាន 4 នាទី
Share now

គ្រាន់​តែ​កូលេស្តេរ៉ូល​ឡើង​ខ្ពស់ មិន​មែន​មាន​ន័យ​ថា​យើង​មិន​អាច​ទៅ​ញ៉ាំ​អី​នៅ​ហាង​ដែល​ខ្លួន​ចូលចិត្ត ទៅ​ញ៉ាំ​អី​ជាមួយ​មិត្តភក្តិ ឬ​ក៏​គ្រួសារ​នៅ​ខាង​ក្រៅ​នោះ​ទេ។ អ្វី​ដែល​សំខាន់​នោះ គឺ​យើង​ត្រូវ​រៀន​ស្វែងយល់​អំពី​ប្រភេទ​អាហារ​ទាំង​នោះ​ដើម្បី​ដឹង​ច្បាស់​ថា​ប្រភេទ​ណា​មាន​កូលេស្តេរ៉ូល​តិច​ហើយ​សក្ដិសម​សម្រាប់យើង​​បំផុត។ ហេតុនេះ គប្បី​ធ្វើ​ការ​អាន​ម៉ឺនុយ​ឲ្យ​បាន​ម៉ត់ចត់​ហើយ​ធ្វើ​ការ​សាកសួរ​ទៅ​បុគ្គលិក​ហាង​រាល់​គ្រឿង​ផ្សំ​ដែលយើង​​គិត​ថា​អាច​នឹង​មាន​កូលេស្តេរ៉ូល​ខ្ពស់។ ចំណុច​មួយ​ចំនួន​​ខាង​ក្រោម​នេះ​អាច​ជួយ​ឲ្យ​យើង​​ងាយ​កុម្មង់​ម្ហូប​នៅ​ពេល​ដែល​ចង់​ញ៉ាំ​អី​ខាង​ក្រៅ។

១- ត្រៀម​កុម្ម៉ង់​ទុក​មុន

ប្រសិន​បើ​យើង​​ដឹង​ពី​មុខ​ម្ហូប​របស់​ហាង​ដែល​យើង​គ្រោង​នឹង​ទៅ គប្បី​ធ្វើ​ការ​គិត​ទុក​ជាមុន​អំពី​អាហារ​ដែល​យើង​​ចង់​កុម្មង់​មុន​ពេល​ទៅ​ដល់​ហាង។ ការ​គិត​ទុក​មុន​បែប​នេះ​អាច​ជួយ​ឲ្យ​យើង​​ជៀសវាង​ការ​កុម្មង់​អាហារ​មិន​ល្អ​បាន​មួយ​ចំណែក​ផង​ដែរ។ យ៉ាងណាមិញ ប្រសិន​បើ​យើង​ទៅ​ហាង​អាហារ​ថ្មី​វិញ គប្បី​ព្យាយាម​ចំណាយ​ពេល​អាន​ម៉ឺនុយ​ឲ្យ​បាន​ម៉ត់ចត់​មុន​ពេល​នឹង​សម្រេច​ចិត្ត​ជ្រើសរើស​មុខ​ម្ហូប​ណាមួយ។ មួយវិញទៀត គប្បី​សុំ​ឲ្យ​បុគ្គលិក​​កុម្មង់​អាហារ​ដក​​ចេញ​នូវ​​​ប្រភេទ​អាហារ​ដែល​អាច​នឹង​ធ្វើ​ឲ្យ​យើង​​ចង់​ញ៉ាំ​ច្រើន ដូចជា នំបុ័ង ជាដើម។ មុន​ពេល​អាហារ​​មក​ដល់ យើងគប្បី​ផឹក​ទឹក​ឲ្យ​បាន​ពីរ​កែវ​ពេញ​ផង​ដែរ ហើយ​រំលឹក​ខ្លួន​ឯង​ជានិច្ច​ថា​មិន​ត្រូវ​ញ៉ាំ​អាហារ​មិន​ល្អ ដូចជា បឺរ ក្រែម គ្រឿង​ចៀន និង​អាហារ​ដែល​មាន​ឈីស ឬ​ក៏​ទឹកដោះគោ​នេះ​ទេ។

អត្ថបទពាក់ព័ន្ធ៖ ​អ្នក​មាន​កូលេស្តេរ៉ូលខ្ពស់គួរទទួលទានប្រភេទ​សាច់​ទាំងនេះ

២- អាហារ​ដែល​គួរ​ជៀស​វាង

ការ​សិក្សា​ស្រាវជ្រាវ​ថ្មី​ៗ​នេះ​បាន​បង្ហាញ​ឲ្យ​ឃើញ​ថា កម្រិត​កូលេស្តេរ៉ូល​នៅ​ក្នុង​អាហារ​ដែល​យើង​​ទទួលទាន​មិន​អាច​​ជះ​ឥទ្ធិពល​ដល់​កម្រិត​កូលេស្តេរ៉ូល​ក្នុង​ឈាម​របស់​យើង​​ខ្លាំង​ដូច​ប្រភេទ​អាហារ​​ខ្លាញ់​ដែលយើង​ទទួលទាន​នោះទេ។ ប្រភេទ​អាហារ​មួយ​ចំនួន​​សម្បូរ​ទៅ​ដោយ​កូលេស្តេរ៉ូល​មិន​ល្អ (ខ្លាញ់​មិន​ល្អ ឬ​ខ្លាញ់​ឆ្អែត) ដូចជា ពពួក​ទឹកដោះគោ​ដែល​មាន​ផ្ទុក​ជាតិ​ខ្លាញ់​ខ្ពស់ សាច់​សម្បូរខ្លាញ់ ឬ​ក៏​នំ​ដុត សុទ្ធ​តែ​អាច​ធ្វើ​ឲ្យ​​​​កូលេស្តេរ៉ូល​ឡើង​ខ្ពស់។

នៅ​ពេល​ដែលយើង​ទទួលទាន​ប្រភេទ​អាហារ​បែបនេះ​ច្រើន សរីរាង្គ​ថ្លើម​របស់យើង​នឹង​ផលិត​កូលេស្តេរ៉ូល​កាន់​តែ​ច្រើន​ដូចគ្នា។ ហេតុនេះ គប្បី​កាត់​បន្ថយ​ការ​ទទួលទាន​អាហារ​ដែល​សម្បូរ​ទៅ​ដោយ​ខ្លាញ់​មិន​ល្អ​បែប​នេះ ហើយ​ព្យាយាម​ទទួលទាន​អាហារ​ដែល​មាន​ផ្ទុក​ខ្លាញ់​មិន​ឆ្អែត​ជំនួស​​វិញ​ដើម្បី​កាត់​បន្ថយ​កម្រិត​កូលេស្តេរ៉ូល​​ក្នុង​ឈាម ក៏​ដូចជា ពពួក​ខ្លាញ់​មិន​ល្អ LDL ផង​ដែរ។ ប្រភេទ​ខ្លាញ់​មិន​ឆ្អែត​ដែល​ល្អ​នោះ មាន​ដូចជា ប្រេង​សណ្តែកសៀង ខ្លាញ់​ត្រី (ត្រី​សាល់មុន) និង​ប្រេង​អូលីវ

អត្ថបទពាក់ព័ន្ធ៖ ផឹកទឹកប៉េងប៉ោះ ១​កែវ/ថ្ងៃ បន្ថយ​សម្ពាធឈាម និងកូលេស្តេរ៉ូល

៣- ពេលកុម្មង់អាហារ

ជាការពិតណាស់ ដើម្បី​ប្រាកដ​ថា​អាហារ​ដែល​យើង​​ទទួលទាន​មាន​តុល្យភាព យើង​ត្រូវ​កុម្មង់​ប្រភេទ​​អាហារ​ដែល ចំហុយ​ដោយ​ប្រើ​ចំហាយ​ទឹក អាំង ដុត ឆ្អើរ ឬ​ក៏ត្រលប់​ប្រេង​ខ្យង។ មនុស្ស​ជាច្រើន​ចូលចិត្ត​ទទួលទាន​ដំឡូង យ៉ាងណាមិញ យើង​​គួរតែ​ជៀសវាង​ទទួលទាន​ដំឡូង​ប្រភេទ​ចៀន ហើយ​ទទួលទាន​ប្រភេទ​ដុត ស្ងោរ ឬ​ក៏ អាំង​ជំនួស​វិញ។

កុំ​ភ្លេច​ប្រាប់​អ្នក​កុម្មង់​ម្ហូប​​ឲ្យ​ដក​ក្រែម​ឈីស ឬ​ក៏​បឺរ​ចេញ​ផង។ គប្បី​ជំនួស​អាហារ​ប្រភេទ​ចៀន ឬ​ក៏​ស៊ុប​ដែល​មាន​ក្រែម​ឈីស ដោយ​ទឹក​​ស៊ុប​រម្ងាស់​​វិញ។ ចំពោះ​សាច់​វិញ គួរ​តែ​ជ្រើសរើស​សាច់​មាន់ សាច់​គ្មាន​ខ្លាញ់ ឬ​ក៏​គ្រឿង​សមុទ្រ​ជំនួស​សាច់​ដែល​សម្បូរ​ខ្លាញ់។ កុំ​ភ្លេច​កុម្មង់​ម្ហូប​ដែល​សម្បូរ​ជាតិ​សរសៃ ដូចជា បន្លែ​ចំហុយ​ផង​ដែរ។

យើង​​ក៏​អាច​កុម្មង់​សាឡាដផង​ដែរ ក៏​ប៉ុន្តែ គប្បី​ជៀសវាង​ទឹក​ជ្រលក់​របស់​វា​ដែល​សម្បូរ​ទៅ​ដោយ​ឈីស ក៏​ដូចជា សាច់​ជ្រូក​ដែល​មាន​មក​ជាមួយ​សាឡាត់។ ចំពោះ​បង្អែម​វិញ យើង​​អាច​ជ្រើសរើស​ផ្លែឈើ​ស្រស់ ក៏​ប៉ុន្តែ​មិន​ខុស​ពី​សាឡាដ​នោះ​ទេ​គប្បី​ជៀសវាង​ទឹក​ជ្រលក់​ដែល​សម្បូរ​ឈីស ឬ​ទឹកដោះគោ​ជាដើម។

ចង់​កុម្មង់​បង្គា ស៊ុត និង​ឈីស មែនឬ? តាម​ពិត ទោះបីជា​បង្គា​សម្បូរ​ទៅ​ដោយ​កូលេស្តរ៉ូល​ពិត​មែន តែ​វា​មិន​សូវ​ជា​សម្បូរ​​ពពួក​ខ្លាញ់​មិន​ល្អ​នោះ​ទេ (ខ្លាញ់​ឆ្អែត)។ យ៉ាងណាមិញ គប្បី​ទទួលទាន​វា​ត្រឹម​តែ​ពីរ​ដង​ក្នុង​មួយ​ខែ​បាន​ហើយ។ ចំណែក​ស៊ុត​វិញ គប្បី​កំណត់​ចំនួន​ញ៉ាំ​ទៅ​តាម​កាល់ឡូរី​ប្រចាំ​ថ្ងៃ​របស់យើង​។ រី​ឯ​ឈីស​វិញ វា​សម្បូរ​​ទាំង​ខ្លាញ់​ឆ្អែត និង​ជាតិ​សូដ្យូម។ ហេតុនេះ គប្បី​ញ៉ាំ​វា​ក្នុង​បរិមាណ​តិច​តាម​តែ​អាច​ធ្វើ​ទៅ​បាន​ប្រសិន​បើយើង​មាន​បញ្ហា​លើស​កូលេស្តេរ៉ូល ឬ​ក៏​​ញ៉ាំ​ទៅ​តាម​បរិមាណ​​កាល់ឡូរី​ប្រចាំ​ថ្ងៃ​របស់យើង។

អត្ថបទពាក់ព័ន្ធ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។
Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទពាក់ព័ន្ធ:

    អត្ថបទនេះមានប្រយោជន៍ចំពោះអ្នកដែរទេ?
    happy unhappy"
    ប្រភព

    អ្នកអាចចូលចិត្ត

    ពេញវ័យជំទង់ បើនៅតែទម្លាប់ញ៉ាំបែបនេះទៀត អាចប៉ះពាល់ដល់សុខភាព និងខួរក្បាល

    របបអាហារ - ទោះ​បី​ការ​ញ៉ាំសាច់ អាហារ​បំពង ជា​រសនិយម​នៃ​ការ​ញ៉ាំ​របស់​វ័យ​ជំទង់​ក៏​ពិតមែន តែ​ចាំបាច់​តែ​កែ​ប្រែ បើ​នៅ​តែ​ទម្លាប់​បែប​នេះ​

    ត្រួតពិនិត្យដោយ ចាន់ ស៊ីណេត
    ដោយ ដេត ធន្នី

    អណ្ដាតលែងដឹងរសជាតិ ត្រចៀក​ស្ដាប់​មិន​សូវ​បាន អាចមកពីកង្វះវីតាមីន B12

    វីតាមីន B12 - B12 ជា​វីតាមីន​សំខាន់​ខ្លាំងណាស់ វា​តួនាទី​​ក្នុង​ការ​ផលិត​កោសិកា​ឈាម​ក្រហម និង DNA ថែមទាំង​ជួយ​ចរន្ត​ឈាម ឲ្យ​បញ្ជូន​អុកស៊ីសែន ទៅ...

    ត្រួតពិនិត្យដោយ ចាន់ ស៊ីណេត
    ដោយ ទ្រី រ៉ាវី

    ផ្លែពោត លាក់អាថ៌កំបាំងច្រើន​ចំពោះសុខភាព​

    ផ្លែពោត - ជាដំណាំ​ស្បៀង​សំខាន់​បន្ទាប់​ពី​ដំណាំ​ស្រូវ​ បន្ថែម​ពី​នោះ​​វា​ក៏​ជា​ចំណី​អាហារ​ឆ្ងាញ់ ដែល​អាច​យក​ច្នៃ​ជា​ម្ហូប ឬ​ធ្វើ​បង្អែម​ក៏​បាន...

    ត្រួតពិនិត្យដោយ គឹម កាណែល
    ដោយ មាន រតនា

    បើដឹងមូលហេតុនេះហើយច្បាស់ជានាំគ្នាញ៉ាំចេកមិនខាន ពិសេសប្រុសៗ

    ញ៉ាំចេក - និយាយដល់​រឿង​ចេក ប្រហែល​ជា​មិនមែន​ចំណូល​ចិត្ត​របស់​ប្រុសៗ​ទេ ប៉ុន្តែ​​បើ​ប្រុសៗ​អាន​អត្ថបទ​នេះហើយ ប្រហែល​ជា​អាច​កែប្រែ​ចិត្តក៏ថាបាន...

    ត្រួតពិនិត្យដោយ គឹម កាណែល
    ដោយ សន សុភា

    អត្ថបទគួរអាន

    ឪឡឹក

    គុណសម្បត្តិធំៗទាំងនេះអាចបញ្ជាក់ច្បាស់ថា​ឪឡឹកក៏ល្អសម្រាប់សុខភាពអូនៗ

    ត្រួតពិនិត្យដោយ គឹម កាណែល
    ដោយ សន សុភា
    ចេញផ្សាយថ្ងៃទី 03/08/2020 . អាន 3 នាទី
    វីតាមីន

    ឧស្សាហ៍ត្រជាក់ចុងដៃ ចុងជើងអាចមកពីកង្វះវីតាមីន និងរ៉ែទាំងនេះ

    ត្រួតពិនិត្យដោយ ចាន់ ស៊ីណេត
    ដោយ ថាត់ រ័ត្នមូនីតា
    ចេញផ្សាយថ្ងៃទី 31/07/2020 . អាន 2 នាទី
    ប្រើប្រេងសល់

    កុំស្តាយ! ប្រើខ្លាញ់​ ឬប្រេងសល់ដដែលៗទៅចម្អិនអាហារ គ្រោះថ្នាក់សុខភាពខ្លាំងណាស់

    ត្រួតពិនិត្យដោយ ចាន់ ស៊ីណេត
    ដោយ ទ្រី រ៉ាវី
    ចេញផ្សាយថ្ងៃទី 31/07/2020 . អាន 2 នាទី
    អាហារពេលព្រឹក

    កុំរំលងអាហារពេលព្រឹក ប្រយ័ត្នបាត់អត្ថប្រយោជន៍ ៥ យ៉ាងនេះ

    ត្រួតពិនិត្យដោយ ចាន់ ស៊ីណេត
    ដោយ ថាត់ រ័ត្នមូនីតា
    ចេញផ្សាយថ្ងៃទី 31/07/2020 . អាន 2 នាទី