home

What are your concerns?

close
Inaccurate
Hard to understand
Other

ឬ​ចម្លង​តំណភ្ជាប់

ល្អទេ ម៉ាក់ៗធ្វើការរហូតដល់ថ្ងៃកើតកូន ចាំសម្រាកក្រោយសម្រាលឲ្យបានច្រើន?

ល្អទេ ម៉ាក់ៗធ្វើការរហូតដល់ថ្ងៃកើតកូន ចាំសម្រាកក្រោយសម្រាលឲ្យបានច្រើន?

តាម​ច្បាប់​ការងារ តម្រូវ​ឲ្យ​ស្រីៗ​សម្រាក​លំហែ​មាតុភាព​រយៈពេល ៣ ខែ ផុត​រយៈពេល​នេះ​ទើប​តម្រូវ​ឲ្យ​ចូល​បំពេញ​ការងារ​ដូច​ធម្មតា​វិញ។ តាម​ទម្លាប់ ស្រីៗ​ភាគច្រើន​រាប់​យក​រយៈពេល សម្រាក​លំហែ​មាតុភាព​នេះ ចាប់​ពី​ថ្ងៃ​សម្រាល​កូន​ទៅ​វិញ ដោយ​សម្រាល​ហើយ​រយៈពេល ៣ ខែ ទើប​ចូល​ធ្វើការ​វិញ។

ការ​គិត​បែប​នេះ​មិន​ត្រឹមត្រូវ​នោះ​ទេ លោកស្រី​វេជ្ជបណ្ឌិត អ៊ួង លីដា នាយសាល ផ្នែក​បន្ទប់​សម្រាល នៃ​មជ្ឈមណ្ឌល​ជាតិ​គាំពារ​មាតា និង​ទារក ពន្យល់​ថា តាម​ក្បួន​ពេទ្យ​រយៈពេល ៣ ខែ នៃ​ការ​សម្រាក​លំហែ​មាតុភាព គឺ​មុន​សម្រាល​កូន រយៈពេល ១ ខែ និង​ក្រោយ​សម្រាល​កូន​រយៈពេល ២ ខែ

ហេតុអ្វី​ជា​ពេទ្យ​តម្រូវ​ឲ្យ​សម្រាក​មុន​សម្រាល​កូន ១ខែ និង​ក្រោយ​សម្រាល​កូន ២ខែ? លោកស្រី​វេជ្ជបណ្ឌិត​បក​ស្រាយ​ថា ការ​ដែល​ស្រីៗ​ពពោះ​ខំ​ប្រឹង​ធ្វើការ​រហូត​ដល់​ថ្ងៃ​សម្រាល នាំ​ឲ្យ​ម៉ាក់ៗ​​ហត់​នឿយ មិន​បាន​ត្រៀម​លក្ខណៈ​គ្រប់គ្រាន់​ក្នុង​ការ​ថែទាំ​ខ្លួន និង​សុខភាព​ ដើម្បី​សម្រាល​កូន ធ្វើ​ឲ្យ​គ្មាន​កម្លាំង​កំហែង ប៉ះពាល់​ដល់​ការ​សម្រាល​តាម​បែប​ធម្មជាតិ។

“ស្រីៗ​ធ្វើការ​តាម​ក្រុមហ៊ុន ឬ​រោងចក្រ​អី ច្រើន​តែ​កេង​ចំណេញ ធ្វើការ​រហូត​ដល់​ថ្ងៃ​កើត​អាអូន​តែ​ម្តង ធ្វើ​អ៊ីចឹង​ខុស​ក្បួន​ពេទ្យ​ហើយ ធ្វើការ​រហូត​បាន​កម្លាំង​ឯណា​ប្រឹង​កើត​កូន? តែ​កាលណា​ពពោះ​ចូល​ដល់​ចុង​ខែ​ទី ៨ ឬ​ដើម​ខែ​ទី ៩ ពេទ្យឲ្យ​សម្រាក​ហើយ ដើម្បី​ត្រៀម​លក្ខណៈ​សម្រាលកូន ត្រូវ​គេង​ពី​ព្រលប់ ភ្ញាក់​ពី​ព្រលឹម ញ៉ាំ​ឲ្យ​បាន​គ្រប់​គ្រាន់”។ លោកស្រី​វេជ្ជ​បណ្ឌិត អ៊ួង លីដា រៀប​រាប់។

អត្ថបទពាក់ព័ន្ធ៖

ពពោះ២៥

ចំណែក​ឯការ​សម្រាក​រយៈពេល ២ ខែ ក្រោយ​សម្រាល​កូន​នោះ​គ្រប់​គ្រាន់​ហើយ ដែល​រយៈ​ពេល​នេះ​សុខភាព​ស្រីៗ​គ្នា​យើង ជា​ពិសេស​ស្បូន​ត្រឡប់​មក​រក​ភាព​ប្រក្រតី​វិញ​ហើយ។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

health-tool-icon

គណនាថ្ងៃសម្រាលកូន

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ ដេត ធន្នី កែសម្រួល​ចុងក្រោយ 14/07/2020
ត្រួតពិនិត្យដោយ វេជ្ជ. ចាន់ ស៊ីណេត