home

តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ភ្ញាក់ពីគេងមានអារម្មណ៍អស់កម្លាំង ល្វើយគួរធ្វើម៉េច?

ភ្ញាក់ពីគេងមានអារម្មណ៍អស់កម្លាំង ល្វើយគួរធ្វើម៉េច?

អាការៈ​អស់​កម្លាំង​គឺជា​រឿង​ធម្មតា​សម្រាប់​គ្នា​យើង​មួយ​ចំនួន ប៉ុន្តែ​នេះ​អាច​បង្ហាញ​ពី​មូលហេតុ​ដែល​រំខាន​ដល់​ដំណេក​បាន។ យ៉ាង​ណា​មិញ​យើង​អាច​បន្ថែម​ថាមពល​នៅពេលព្រឹក​បាន​តាម​រយៈ​ប៉ុន្មាន​វិធី​ខាង​ក្រោម។

១. ផឹក​ទឹក

គ្នាយើង​ដែល​ផឹកទឹក​ពេល​ក្រោក​ពី​គេង​អាច​ជួយ​រក្សា​ជាតិ​ទឹក​ដល់​រាងកាយ​។ ការ​ផឹក​ទឹក​នេះ​ក៏​ជួយ​កម្ចាត់​អាការៈ​ងងុយ​គេង​ដែល​​បណ្ដាល​មក​ពី​ការ​បាត់បង់​ជាតិ​ទឹក​កម្រិត​ស្រាល ហើយ​អាការៈ​ទូទៅ​នៃ​ការ​បាត់បង់​ជាតិ​ទឹក​គឺ​អាការៈ​អស់​កម្លាំងនេះឯង។ ម៉្យាងទៀត នៅ​ពេល​យើង​ផឹក​ទឹក​គឺ​អាច​ជួយ​ជំរុញ​សរីរាង្គ​ផ្សេងៗ​ដំណើរការ និង​ដាស់​ស្មារតី។

២. ហាត់ប្រាណ​បែប​ពត់​ពែន​ខ្លួន

ការ​ហាត់​ប្រាណ​បែប​ពត់​ពែន​ខ្លួន​ត្រឹម​តែ​៥​នាទី​នៅ​ពេល​ព្រឹក​អាច​ជួយ​កម្ដៅ​សាច់ដុំ និង​បង្កើន​លំហូរ​ឈាម​ក្នុង​រាងកាយ​ដែល​នេះ​​ជួយ​ដាស់​ស្មារតី​នៅ​ពេល​ព្រឹកផងដែរ។

៣. ហាត់ប្រាណ​

ការ​ហាត់ប្រាណ​នៅ​ពេល​ព្រឹក​ហាក់​ដូចជា​មាន​ការ​ពិបាក ប៉ុន្តែ​ការ​ហាត់ប្រាណ​នៅ​ពេល​ព្រឹក​អាច​ជួយ​ឲ្យ​ឈាម​រត់​ល្អ និង​ជួយ​ឲ្យ​យើង​មាន​ស្មារតី​ល្អ​ដែរ។ ការ​ហាត់ប្រាណ​នេះ​មិន​ចាំ​បាច់​ប្រើ​កម្លាំង​ខ្លាំង​ទេ យើង​អាច​ដើរ រាំ ឬ​លោត (Jumping sacks) បាន។

៤. ងូតទឹក​ត្រជាក់

ងូតទឹក​ត្រជាក់​ពេល​ព្រឹក​ធ្វើ​ឲ្យ​យើង​មាន​ថាមពល ខណៈ​ងូតទឹក​ក្ដៅ​ឧណ្ហៗ​ជួយ​បន្ធូរ​អារម្មណ៍។ ប៉ុន្តែ​ងូត​ទឹក​ត្រជាក់​អាច​ជួយ​ដាស់​ស្មារតី​យើង​បាន។ ការ​សិក្សា​ចេញ​ផ្សាយ​នៅ​ក្នុង​ព្រឹត្តិបត្រ​វិទ្យាសាស្ត្រ North American Journal of Medical Sciences បាន​បង្ហាញ​ថា​ទឹក​ត្រជាក់​អាច​បង្ក​ឲ្យ​សរសៃ​ឈាម​រីក​ធំ​ដែល​បង្កើន​ចង្វាក់​បេះដូង និង​លំហូរ​ឈាម។ ដូចនេះ​ទឹក​ត្រជាក់​អាច​ជួយ​ដាស់​ស្មារតី និង​ធ្វើ​ឲ្យ​យើង​មាន​ថាមពល។

៥. ញ៉ាំ​អាហារ​ពេល​ព្រឹក

អាហារ​ពេល​ព្រឹក​គឺ​សំខាន់​ណាស់​ព្រោះ​អាច​ជួយ​ឲ្យ​រាងកាយ​មាន​ថាមពល ប៉ុន្តែ​យើង​មិន​គួរញ៉ាំ​អាហារ​ពេល​ព្រឹក​ដែល​សម្បូរ​កាបូអ៊ីដ្រាត និង​កាឡូរី​ច្រើន​ទេ​ ព្រោះ​អាច​ធ្វើ​ឲ្យ​យើង​អស់​ថាមពល​ដោយសារ​រាងកាយប្រឹង​ធ្វើ​ការ​រំលាយ​អាហារ។ ជម្រើស​អាហារ​ពេល​ព្រឹក​ដែល​ល្អ​គឺ​បបរ ស៊ុត បន្លែ និង​ផ្លែឈើ។

៦. ទម្លាប់​នៃ​ការ​គេង​

ដើម្បី​ជួយ​ឲ្យ​មាន​ថាមពល​នៅ​ពេល​ព្រឹក​ យើង​ត្រូវ​យក​ចិត្ត​ទុក​ដាក់​លើ​ទម្លាប់​នៃ​ការ​គេង។ ទម្លាប់​ល្អ​នៃ​ការ​គេង​មាន​ដូចជា​៖

  • គេង​ឲ្យ​បាន​៧-៩​ម៉ោង​ក្នុង​មួយ​យប់​
  • ចៀសវាង​ការ​លេង​ទូរស័ព្ទ ឬ​កុំព្យូទ័រ​មុន​ចូល​គេង
  • ចូលគេង និង​ងើប​នៅ​ម៉ោង​ដដែល​រាល់​ថ្ងៃ
  • ចៀសវាង​ការ​ញ៉ាំ​ជាតិ​កាហ្វេអ៊ីន ឬ​ហាត់ប្រាណ​ជិត​ម៉ោង​ចូលគេង។

health-tool-icon

គណនា BMR

ប្រើប្រាស់​រង្វាស់​សុខភាព - អត្រាដុតកាឡូរី ដើម្បី​កំណត់ និង​​ដឹង​ពី​បរិមាណ​កាឡូរី​ដុត​សមស្របបំផុត​ទៅ​តាម កម្ពស់ ទម្ងន់ អាយុ និង​សកម្មរាងកាយ​នានា

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://www.medicalnewstoday.com/articles/how-to-get-energy-in-the-morning

រូបថត​របស់​អ្នក​និពន្ធbadge
ដោយ ថាត់ រ័ត្នមូនីតា កែសម្រួល​ចុងក្រោយ 11/08/2020
ត្រួតពិនិត្យដោយ គឹម កាណែល