មន្ទីរពិសោធន៍ធ្វើតេស្តរកវីរុស COVID-19 នៅសៀមរាប នឹងដំណើរការឆាប់ៗ

មន្ទីរពិសោធន៍ធ្វើតេស្តរកវីរុស COVID-19 នៅមន្ទីរពេទ្យខេត្តសៀមរាប នឹងដាក់ឲ្យដំណើរការក្នុងពេលឆាប់នេះៗនេះ ដើម្បីពន្លឿនការធ្វើតេស្តរកវីរុស COVID-19 ឲ្យបានកាន់តែឆាប់រហ័ស កាន់តែខិតជិតប្រជាពលរដ្ឋ និងភ្ញៀវទេសចរ។

បច្ចុប្បន្នមន្ទីរពិសោធន៍បាន និងកំពុងរៀបចំប្រើម៉ាស៊ីន GeneXpert ដែលអាចពិនិត្យរកវីរុស COVID-19 រហ័សហើយទទួលស្គាល់ដោយអង្គការសុខភាពពិភពលោក (WHO) និងអង្គការ FDA របស់សហរដ្ឋអាមេរិច។

ក្នុងដំណើរចុះត្រួតពិនិត្យការរៀបចំបើកដាក់ឲ្យដំណើរការមន្ទីរពិសោធន៍ធ្វើតេស្តរកវីរុស COVID-19 នៅមន្ទីរពេទ្យខេត្តសៀមរាប ព្រឹកថ្ងៃទី ៩ កក្កដា នេះ ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាលបានជំរុញធ្វើយ៉ាងណាឲ្យមន្ទីរពិសោធន៍នេះ អាចចាប់ផ្តើមធ្វើតេស្តរក COVID-19 ក្នុង ២-៣ សប្តាហ៍ខាងមុខនេះ។

ឯកឧត្តមបានបញ្ជាក់ថា ក្រោយពីការៀបចំដំណើរការធ្វើតេស្តរកវីរុស COVID-19 នៅមន្ទីរពិសោធន៍ នៃមន្ទីរពេទ្យខេត្តសៀមរាប ដោយជោគជ័យ ក្រសួងសុខាភិបាល នឹងបន្តពង្រីកទៅខេត្តផ្សេងៗទៀត។

រូបភាព និងប្រភព៖ មន្ទីរពេទ្យបង្អែកខេត្តសៀមរាប