ក្រសួងសុខាភិបាលប្រកាសពីករណីផ្ទុះជំងឺគ្រុនឈីក នៅបន្ទាយមានជ័យ

នៅថ្ងៃនេះក្រសួងសុខាភិបាលបានប្រកាសពីករណីផ្ទុះជំងឺគ្រុនឈីក នៅខេត្តបន្ទាយមានជ័យ ដោយលទ្ធផលវិទ្យាស្ថានប៉ាស្ទ័រកម្ពុជាបញ្ជាក់ថា តេស្តសំណាកលើមនុស្សចំនួនជាច្រើននាក់ មកពីខេត្តខាងលើ ជាករណីជំងឺគ្រុនឈីក។

ជំងឺគ្រុនឈីក កើតឡើងដំបូងនៅឆ្នាំ ១៩៥៣ នៅទ្វីបអាហ្វ្រិក និងធ្លាប់រកឃើញដំបូងដោយវិទ្យាស្ថានប៉ាស្ទ័រកម្ពុជា នៅឆ្នាំ ១៩៦១ និង នៅឆ្នាំ ២០១១ នៅខេត្តបាត់ដំបង សៀមរាប និងព្រះវិហារ។

ក្រសួងសុខាភិបាលបញ្ជាក់ថា ការលេចឡើងនូវជំងឺគ្រុនឈីកសារជាថ្មី នៅខេត្តបន្ទាយមានជ័យនេះ ជាបញ្ហាសុខភាពសាធារណៈមួយទៀត ដែលប្រឈមនឹងហានិភ័យអាចឲ្យមានការឆ្លងរាលដាលពីបុគ្គលម្នាក់ទៅបុគ្គលម្នាក់ទៀត ពីគ្រួសារមួយទៅគ្រួសារមួយទៀត តាមរយៈមូសខ្លាញីខាំ។ ជំងឺគ្រុនឈីក ធ្លាប់មានអត្រាឆ្លងខ្ពស់រហូតដល់ ៦០-៧០% ក្នុងប្រទេសកម្ពុជា នាទសវត្សរ៍ ៦០ ហើយមានការរាតត្បាតខ្លាំងផងដែរ នៅក្នុងឆ្នាំ ២០១១-២០១២ នៅខេត្តព្រះវិហារ កំពង់ស្ពឺ ភ្នំពេញ កំពង់ចាម តាកែវ រតនគិរី ស្ទឹងត្រែង កំពង់ធំ កណ្តាល និង កំពត។

គ្រុនឈីក

រូបភាព៖ ហ្វេសប៊ុក ឡៃលី ប៉ោយប៉ែត