អ្នកជំងឺ COVID-19 សល់ ៣៥ នាក់ប៉ុណ្ណោះ ក្រោយជាសះស្បើយ ៩ នាក់ថ្ងៃនេះ

ក្រសួង​សុខាភិបាល​បាន​ប្រកាស​ព្យាបាល​អ្នក​ជំងឺ COVID-19 ថែម ៩ នាក់​ទៀត​ហើយ ហើយ​ក៏​គ្មាន​រក​ឃើញ​អ្នក​ឆ្លង​ថ្មី​ទៀត​ដែរ។

អ្នក​ជា​សះស្បើយ​ទាំង ៩ នោះ​មាន​ទាំង​ជនជាតិ​ខ្មែរ និង​បរទេស​ក្នុង​នោះ​មាន​ស្រ្តី​ខ្មែរ កាណាដា អាមេរិក និង​បុរស ៦ នាក់ ហើយ​អ្នក​ទាំង​នោះ​ក្រោយ​ធ្វើ​តេស្ត​អវិជ្ជមាន ២ ដង​អ្នក​ទាំងអស់​នោះ​ត្រូវ​បាន​អនុញ្ញាត​ឲ្យ​ចាកចេញ​ពី​មណ្ឌល​សុខភាព​ចាក់អង្រែ រាជធានី​ភ្នំពេញ។

សរុប​តួលេខ​អ្នក​ឆ្លង COVID-19 ទូទាំង​ប្រទេស​មាន​ចំនួន ២៧៣ នាក់​ស្ត្រី ៥៤ និង​បុរស ២១៩ នាក់​ក្នុង​នោះ​អ្នក​ព្យាបាល​សះស្បើយ​មាន​ចំនួន ២៣៨ នាក់ ហើយ​កំពុង​សម្រាក​ព្យាបាល​នៅ​មន្ទីរពេទ្យ​រដ្ឋ​ចំនួន ៣៥ នាក់។