កាលពីថ្ងៃអង្គារម្សិលម៉ិញនេះក្រុមហ៊ុន Eli Lilly ជាក្រុមហ៊ុនផលិតឱសថសហរដ្ឋអាមេរិកបានប្រកាសពីការផ្អាកការធ្វើតេស្តសាកល្បងលើវិធីព្យាបាលដោយការរួមផ្សំអង្គទីករ (combination antibody treatment) របស់ខ្លួនហើយ ដោយសារតែមានបញ្ហាលើសុវត្ថិភាពឱសថ។

ជាទូទៅការផ្អាកបញ្ឈប់ការសាកល្បងភាគច្រើនគឺដោយសារតែអ្នកស្មគ្រចិត្តទទួលការព្យាបាលមានបញ្ហាសុខភាពអ្វីមួយដោយសារតែថ្នាំ ប៉ុន្តែក្នុងករណីនេះ ក្រុមហ៊ុនមិនបានបញ្ជាក់ថាមកពីបញ្ហាអ្វីមួយនោះទេ។ ក្រុមហ៊ុនបានលើកឡើងថា ការផ្អាកនេះ គឺដោយសារតែក្រុមអ្នកគ្រប់គ្រងទិន្នន័យសុវត្ថិភាពឱសថដែលជាក្រុមអ្នកឯកទេសសុខាភិបាល ឯករាជ្យនិងជាអ្នកដែលគ្រប់គ្រងគម្រោងតេស្តសាកល្បងនេះណែនាំឲ្យផ្អាក។ ក្រុមហ៊ុនបានបញ្ជាក់ទៀតថាខាងក្រុមហ៊ុនគឺបានយល់ស្របនឹងការផ្អាកនេះ ដើម្បីអាចប្រាកដថាអ្នកស្ម័គ្រចិត្តចូលរួមនៅក្នុងការសិក្សាតេស្តសាកល្បងនេះអាចមានសុវត្ថិភាព។

គួរបញ្ជាក់ថា ការធ្វើតេស្តព្យាបាលរបស់ក្រុមហ៊ុននេះគឺប្រើប្រាស់ការលាយបញ្ចូលគ្នារវាងប្រូតេអ៊ីន ប្រព័ន្ធភាពស៊ាំពីរដែលកើតឡើងដោយវិស្វកម្មនៅក្នុងមន្ទីរពិសោធន៍ដែលគេហៅថា អង់ទីករ ម៉ូណូក្លូណាល់ (monoclonal antibodies ) ដើម្បីព្យាបាលអ្នកជំងឺដែលមានជំងឺកូវីដ ១៩ធ្ងន់ធ្ងរ។ ហើយការព្យាបាលនេះ គឺវាស្រដៀងនិងការព្យាបាលរបស់លោកប្រធានាធិបតី ដូណាល់ ត្រាំ ដោយក្រុមហ៊ុន Regeneron ផងដែរ។

គំនិតនៅពីក្រោយការព្យាបាលនេះ គឺដើម្បីផ្ដល់ឱ្យប្រព័ន្ធភាពស៊ាំមានប្រយោជន៍ជាមុនក្នុងការចាប់ផ្តើមប្រយុទ្ធប្រឆាំងនឹងវីរុស។ ការព្យាបាលនេះបានបង្ហាញឱ្យឃើញនៅទីតាំងដែលមានផ្ទុកហ្សែនវីរុសនិងបន្សាបវាឱ្យមានប្រសិទ្ធភាពបំផុត។ ដោយសារការព្យាបាលនេះ តម្រូវឲ្យចាក់បង្ហូរតាមសរសៃ (Infuse) ដូចនេះ ហើយអ្នកជំងឺអាចមានប្រតិកម្មនឹងវិធីសាស្ត្រនេះ៕

ក្រុម​ហ៊ុន​ផលិត​ឱសថ​អាមេរិក​មួយ​ទៀត​​បញ្ឈប់​ការ​ធ្វើ​តេស្ត​វ៉ាក់សាំងកូវីដ១៩

ក្រុមហ៊ុនផលិតឱសថអាមេរិកមួយទៀតបញ្ឈប់ការធ្វើតេស្តវ៉ាក់សាំងកូវីដ១៩