សម្តេច ហ៊ុន សែន បញ្ជាក់មានតំណាងរាស្រ្តម្នាក់លាប់ COVID-19 ឡើងវិញ ក្រោយព្យាបាលជាសះស្បើយ

ក្នុងឱកាសសម្ដេច ហ៊ុន សែន អញ្ជើញជាអធិបតីដ៏ខ្ពង់ខ្ពស់ក្នុងពិធីបើកការដ្ឋានសាងសង់ និងកែលំអរផ្លូវទាំង ៣៨ខ្សែ ក្នុងក្រុងសៀមរាប សម្តេចតេជោមានប្រសាសន៍ថា ករណីឆ្លង COVID-19 លើអ្នកតំណាងរាស្ត្រម្នាក់ កាលពីព្រឹត្តិការណ៍ ៣ វិច្ឆិកា ឆ្នាំ ២០២០ បន្ទាប់ពីព្យាបាលជាសះស្បើយហើយនោះ ឥឡូវស្ថានភាពជំងឺបានរើឡើងវិញ តម្រូវឲ្យនាំយកទៅព្យាបាលសាជាថ្មីម្ដងទៀត។

ក្នុងឱកាសនោះដែរសម្ដេចសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចេញបញ្ជាណែនាំដល់គ្រប់បណ្ដាខេត្តទាំងអស់ឲ្យពិនិត្យមើល និងរៀបចំមជ្ឈមណ្ឌលធ្វើចត្តាឡីស័កឲ្យបានត្រឹមត្រូវ ដើម្បីត្រៀមផ្ដល់ជូនប្រជាពលរដ្ឋគ្មានកន្លែងធ្វើចត្តឡីស័ក។

គួរបញ្ជាក់ថា កាលពីព្រឹត្តិការណ៍ ០៣ វិច្ឆិកា ឆ្នាំ ២០២០ មានអ្នកឆ្លង COVID-19 ៤ ករណីក្នុងនោះមានតំណាងរាស្ត្រអគ្គលេខាធិការរង ក្រសួងកសិកម្ម រុក្ខាប្រមាញ់ និងនេសាទ អង្គរក្សខ្មែរការពារប្រតិភូហុងគ្រី និងឯកអគ្គរដ្ឋទូតហុងគ្រី ប្រចាំកម្ពុជា។

សម្តេច ហ៊ុន សែន បញ្ជាក់មានតំណាង​រាស្រ្ត​ម្នាក់​​លាប់ COVID-19 ឡើង​វិញ ក្រោយ​ព្យាបាល​ជា​សះស្បើយ

សម្តេច ហ៊ុន សែន បញ្ជាក់មានតំណាងរាស្រ្តម្នាក់លាប់ COVID-19 ឡើងវិញ ក្រោយព្យាបាលជាសះស្បើយ