បន្តរកឃើញស្ត្រីខ្មែរ២នាក់ នៅច្បារអំពៅ ជាអ្នកពាក់ព័ន្ធព្រឹត្តិការណ៍សហមន៍ វិជ្ជមាន COVID-19

ព្រឹកនេះក្រសួងសុខាភិបាលបានប្រកាសថា មានករណីវិជ្ជមាន COVID-19 ថ្មី ចំនួន ២នាក់ ដែលជាអ្នកពាក់ព័ន្ធព្រឹត្តិការណ៍សហគមន៍ ២៨ វិច្ឆិកា។ ស្ត្រីខ្មែរទាំង២នាក់នោះ រស់នៅសង្កាត់វាលស្បូវ ខណ្ឌច្បារអំពៅ រាជធានីភ្នំពេញ ម្នាក់អាយុ ២៣ឆ្នាំ (មានស្វាមីជាអនុប្រធាននាយកដ្ឋានពន្ធនាគារ នៃក្រសួងមហាផ្ទៃ) និងម្នាក់ទៀត អាយុ២១ឆ្នាំ ត្រូវជាប្អូនស្រីបង្កើតស្ត្រីខាងលើ។

គិតចាប់ពីថ្ងៃទី ២៩ វិច្ឆិកា ដល់ថ្ងៃទី២ ធ្នូ ឆ្នាំ២០២០ ក្រសួងបានធ្វើតេស្តអ្នកពាក់ព័ន្ធព្រឹត្តិការណ៍សហគមន៍ ២៨ វិច្ឆិកា សរុបទាំងអស់ ៨៧៦៦នាក់ ដែលក្នុងនោះមានវិជ្ជមានវីរុស COVID-19 ថ្មី ចំនួន ១៩នាក់។

ត្រួតពិនិត្យដោយ គ្រូពេទ្យឯកទេស.វេជ្ជ. ចាន់ ស៊ីណេតឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ ដេត ធន្នី · កែ 03/12/2020