ក្រោយផ្ទុះករណីព្យាបាលគ្រុនឈាមអស់ជាង ៥ពាន់ដុល្លារ ពេលនេះក្រសួងចេញលិខិតព្រមាន

ក្រោយផ្ទុះករណីព្យាបាលជំងឺគ្រុនឈាមចំណាយអស់ជាង ៥ ពាន់ដុល្លារ ពេលនេះក្រសួងសុខាភិបាលបានចេញលិខិតព្រមានចំពោះម្ចាស់បន្ទប់ពិគ្រោះព្យាបាលជំងឺ ឈ្មោះ ហម ឡុង ដែលមានទីតាំងនៅសង្កាត់មនោរម្យ ខណ្ឌ ៧ មករា។

នៅក្នុងលិខិតព្រមាននោះ ក្រសួងសុខាភិបាលបញ្ជាក់ថា ករណីដែលបានពិនិត្យ និងព្យាបាលជំងឺគ្រុនឈាម ដែលឲ្យអ្នកជំងឺដេកសម្រាកព្យាបាលរហូតទៅដល់ចំនួន ៩ ថ្ងៃ នោះ ខុសទៅនឹងលិខិតអនុញ្ញាតឲ្យបើកបន្ទប់ពិគ្រោះព្យាបាលជំងឺទូទៅ។ ក្រសួងបញ្ជាក់ថា ប្រភេទសេវាបន្ទប់ពិគ្រោះជំងឺទូទៅមិនអនុញ្ញាតឲ្យមានគ្រែសម្រាប់អ្នកជំងឺដេកសម្រាកព្យាបាលលើសពី ២៤ ម៉ោងឡើយ។

បើតាមលិខិតព្រមាននោះ តម្រូវឲ្យលោកវេជ្ជបណ្ឌិត ហម ឡុង គោរពឲ្យបានខ្ជាប់ខ្ជួននូវលិខិតបទដ្ឋានគតិយុត្តរបស់ក្រសួងសុខាភិបាល និងមិនត្រូវឲ្យមានករណីនេះកើតឡើងទៀតឡើយ ក្នុងករណីមិនគោរពតាមការណែនាំ ក្រសួងនឹងបិទបន្ទប់ពិគ្រោះព្យាបាលជំងឺនេះ។

ខាងក្រោមនេះជាលិខិតព្រមានរបស់ក្រសួងសុខាភិបាល៖

ក្រោយផ្ទុះករណីព្យាបាលគ្រុនឈាមអស់ជាង ៥ពាន់ដុល្លារ ពេលនេះ​ក្រសួងចេញលិខិតព្រមាន

ក្រោយផ្ទុះករណីព្យាបាលគ្រុនឈាមអស់ជាង ៥ពាន់ដុល្លារ ពេលនេះក្រសួងចេញលិខិតព្រមាន