ថៃ ជាប្រទេសមានភាពស៊ីវិល័យនៅក្នុងតំបន់ តែក៏ល្បីខ្លាំងដែរពីសេវាផ្លូវភេទ ដែលជាកត្តាចម្បងបង្កជំងឺអេដស៍ និងជំងឺកាមរោគផ្សេងៗទៀត ហើយក៏ជាឧបសគ្គមួយ ដែលអាជ្ញាធរថៃ ពិបាកបង្ការ និងលុបបំបាត់ជំងឺឆ្លងទាំងនេះ។

គិតតែក្រុងបាងកកមួយ ដែលមានមនុស្សរស់នៅប្រមាណ ៨លាននាក់ មានអ្នកផ្ទុកជំងឺអេដស៍រហូតដល់ ៧៧.៥០០នាក់ ដោយមនុស្ស ១.១៩០នាក់ ឆ្លងជំងឺអេដស៍ នៅឆ្នាំ២០១៩។ នេះបើតាមការបញ្ជាក់របស់លោក Sophon Phisutthiwong អភិបាលរងក្រុងបាងកក។

លោកអភិបាលរងក្រុងបាងកក បញ្ជាក់ថា មនុស្ស ៦២៨/១.១៩០នាក់ ដែលបានឆ្លងជំងឺអេដស៍នៅឆ្នាំនេះ មានអាយុក្រោម ២៥ឆ្នាំ។ ចំណែកមនុស្ស ១.៨៧៧នាក់ បានស្លាប់ដោយសារជំងឺអេដស៍ នៅដើមឆ្នាំនេះ។

ក្នុងចំណោមអ្នកផ្ទុកជំងឺអេដស៍សរុបក្នុងក្រុងបាងកក មានចំនួន ៥៥.១២៣នាក់ ទទួលបានថ្នាំប្រឆាំងជំងឺ ហើយអ្នកជំងឺ ៤១.៨៩៣នាក់ មានកម្រិតមេរោគតិចជាង ១.០០០ ក្នុងឈាម ១មីល្លីលីត្រ។

អត្ថបទពាក់ព័ន្ធ៖

គួរបញ្ជាក់ថា អ្នកជំងឺអេដស៍នៅក្រុងបាងកក ត្រូវគ្រប់គ្រងដោយប្រព័ន្ធត្រួតពិនិត្យឆ្លាតវៃ (Bangkok Smart Monitoring System) ដើម្បីធានា គុណភាពជីវិតរបស់អ្នកជំងឺ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ក្រុងបាងកក មានអ្នកផ្ទុកមេរោគអេដស៍ជិត ១សែននាក់