ក្រសួងសុខាភិបាល ឲ្យឈប់លក់ថ្នាំ-ផលិតផលបំប៉នសុខភាព នៅតាមផ្សារទំនើប និងម៉ាត

ក្រសួង​សុខាភិបាល​បាន​ស្នើ​ឲ្យ​ម្ចាស់​ផ្សារ​ទំនើប ម៉ាត បេប៊ី​ម៉ាត​ទាំង​អស់ បញ្ឈប់​រាល់​ការ​តាំង​លក់​ឱសថ​សម័យ ឱសថ​បុរាណ ផលិតផល​បំប៉ន​សុខភាព ឧបករណ៍​បរិក្ខារ​ពេទ្យ​គ្រប់​ប្រភេទ។

ចំណាត់ការ​របស់​ក្រសួង​សុខាភិបាល​នេះ ធ្វើ​ឡើង​បន្ទាប់​ពី​សង្កេត​ឃើញ​ផលិត​ផល​ខាង​លើ​មាន​តាំង​លក់​នៅ​តាម​ផ្សារ​ទំនើប និង​ម៉ាត ដោយ​គ្មាន​ច្បាប់​អនុញ្ញាត​ពី​ក្រសួង​សុខាភិបាល និង ដើម្បី​ពង្រឹង​ការ​អនុវត្ត​ច្បាប់ ពិសេស​ធានា​គុណភាព សុវត្ថិភាព និង​ប្រសិទ្ធភាព​ឱសថ​ដល់​អ្នក​ប្រើ​ប្រាស់។

នៅ​ក្នុង​សេចក្តី​ជូន​ដំណឹង​របស់​ក្រសួង​សុខាភិបាល​បាន​បញ្ជាក់​ថា ប្រសិន​បើ​ផ្សារ​ទំនើប ម៉ាត និង​បេប៊ី​ម៉ាត ដែល​មាន​លក្ខខណ្ឌ​សមស្រប ហើយ​មាន​បំណង​បើក​ឱសថស្ថាន សូម​ទាក់​ទង​មក​មន្ទីរ​សុខាភិបាល រាជធានី-ខេត្ត ឬ​អង្គភាព​ច្រក​ចេញ​ចូល​តែ​មួយ​សាលា​រាជធានី។

ខាងក្រោមនេះជា សេចក្តីជូនដំណឹងលម្អិតរបស់ក្រសួងសុខាភិបាល៖

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕