ប្រទេសម៉ាឡេស៊ី ផ្តល់កញ្ចប់សេវាថែទាំសុខភាពដល់ពលរដ្ឋកម្ពុជា ក្នុងតម្លៃសមរម្យ ដូចគ្នានឹងតម្លៃសេវាសុខភាពពលរដ្ឋខ្លួន បើជាអតិថិជនធនាគារកាណាឌីយ៉ា។ នេះបើតាមថ្លែងរបស់លោកស្រី Nik Yazmin Nik Azman ប្រធានពាណិជ្ជកម្ម នៃក្រុមប្រឹក្សាទេសចរណ៍សុខាភិបាលប្រទេសម៉ាឡេស៊ី ក្នុងពិធីចុះហត្ថលេខាលើអនុស្សារណៈយោគយល់ (MoU) រវាងក្រុមប្រឹក្សាទេសចរណ៍សុខាភិបាលប្រទេសម៉ាឡេស៊ី (MHTC) ជាមួយនឹងធនាគារកាណាឌីយ៉ា ព្រឹកមិញនេះ។

“យើងមានបំណងអញ្ជើញអ្នកធ្វើដំណើរទាំងអស់ ស្វែងរកសេវាកម្មថែទាំសុខភាពតាំងពីដើមដល់ចប់ ប្រកបដោយភាពរលូន ព្រមទាំងអាចទស្សនាកម្សាន្តនៅលើទឹកដីធម្មជាតិដ៏បវរនៃប្រទេសម៉ាឡេស៊ី”។ លោកស្រី Nik Yazmin Nik Azman បន្ថែម។

ក្រៅពីផ្តល់ជូននូវតម្លៃសេវាសុខភាពប្រកបដោយគុណភាព ក្នុងតម្លៃសមរម្យដូចពលរដ្ឋរបស់ខ្លួន ក៏នៅមានលក្ខខណ្ឌពិសេសផ្សេងទៀត ដូចជា ការផ្តល់ជូននូវសេវាកម្មថែទាំសុខភាពដ៏សម្បូរបែបតាមរយៈជំនាញវេជ្ជសាស្ត្រដ៏ល្បីល្បាញលំដាប់អន្តរជាតិ បរិក្ខាពេទ្យទំនើប និងមានភាពងាយស្រួល។

Malaysia Health Care

លោកស្រី Nik Yazmin Nik Azman ប្រធានពាណិជ្ជកម្ម នៃក្រុមប្រឹក្សាទេសចរណ៍

សុខាភិបាលប្រទេសម៉ាឡេស៊ីលោក Raymond Sia Say Guan អគ្គនាយក ធនាគារកាណាឌីណា ក៏បានថ្លែងក្នុងពិធីនោះថា មិនត្រឹមតែផ្តោតលើជំហរហិរញ្ញវត្ថុរឹងមាំរបស់អតិថិននោះទេ តែធនាគារកាណាឌីយ៉ាថែមទាំងរួមចំណែកក្នុងការលើកកម្ពស់ការរស់នៅរបស់ពលរដ្ឋកម្ពុជាប្រកបដោយសុខុមាលភាព។ លោកថា សុខភាពសំខាន់ជាងអ្វីទាំងអស់ មានសុខភាពទើបមានទ្រព្យសម្បត្តិ។

Malaysia Health Care

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ម៉ាឡេស៊ីផ្តល់កញ្ចប់សេវាថែទាំសុខភាពដល់ពលរដ្ឋកម្ពុជា ដូចពលរដ្ឋខ្លួន