គ្នាយើងជឿទេថាអ្នកញៀនបារី ភាគច្រើនជាអ្នកមានចំណូលទាប? ជប៉ុនរកឃើញថា អ្នកមានចំណូលទាប មានទំនោរខ្លាំងទៅជាញៀនបារី ស្របពេលប្រទេសកំពុងអភិវឌ្ឍន៍ជាច្រើន ក៏កំពុងកើនឡើងអត្រាអ្នកញៀនបារីដូចគ្នា។

ក្រសួងសុខាភិបាលជប៉ុន កាលពីសប្តាហ៍កន្លងទៅ បានបញ្ចេញរបាយការណ៍ស្ទាបស្ទង់ថ្មីមួយ ពាក់ព័ន្ធទៅលើអត្រាអ្នកជក់បារីក្នុងប្រទេសខ្លួន ដោយរកឃើញថា កំណើនអ្នកជក់បារី កំពុងកើនឡើងខ្លាំងទៅលើពលរដ្ឋមានចំណូលទាប ដោយក្នុងការស្ទាបស្ទង់ ប្រុសៗយ៉ាងហោចណាស់ ៣នាក់ក្នុងចំណោម១០ នាក់ដែលមានចំណូលក្រោម ២ លានយ័នឬស្មើប្រមាណជាង ១៨ ០០០ដុល្លារក្នុងមួយឆ្នាំ ជាអ្នកជក់បារី។

ការស្ទាបស្ទង់នេះ ចាប់ផ្តើមធ្វើឡើងទូទាំងប្រទេស អំឡុងខែវិច្ឆិកា ឆ្នាំ២០១៨ ទៅលើក្រុមគ្រួសារសរុប ៥ ០៣២គ្រួសារ ក្នុងនោះមាន ៣ ២៦៨គ្រួសារ ស្ម័គ្រចិត្តឆ្លើយសំណួររបស់ក្រុមអ្នកស្ទាបស្ទង់។ ជាលទ្ធផល ប្រុសៗ មានចំណូលទាបជា ២ លានយ័នក្នុងមួយឆ្នាំ មាន ៣៤,៣ភាគរយជក់បារី រីឯប្រុសៗមានចំណូលទាប ៤ លានយ័នក្នុងមួយឆ្នាំ មានប្រមាណ ៣២,៩ភាគរយ ខណៈ ប្រុសៗ មានចំណូលទាបជា ៦ លានយ័នក្នុងមួយឆ្នាំ មានអត្រាជក់បារី ២៧,៣ភាគរយ។

អត្ថបទពាក់ព័ន្ធ៖

ជាមួយគ្នានេះ សមាជិកគ្រួសារជាស្ត្រី មានចំណូលទាបជា ២ លានយ័នក្នុងមួយឆ្នាំ មាន ១៣,៧ភាគរយ ជក់បារី រីឯអ្នកមានចំណូលទាប ៤ លានយ័នក្នុងមួយឆ្នាំ មានប្រមាណ ៩,៦ភាគរយខណៈស្រីៗ មានចំណូលទាបជា ៦ លានយ័នក្នុងមួយឆ្នាំ មានអត្រាជក់បារី ៦,៥ ភាគរយ។

អត្ថបទពាក់ព័ន្ធ៖

ជាមួយគ្នានេះ ការសិក្សាក៏រកឃើញដែរថា ភាគច្រើនក្នុងចំណោមអ្នកជក់បារីខាងលើ មិនបានពិនិត្យសុខភាពប្រចាំឆ្នាំឲ្យបានត្រឹមត្រូវនោះទេ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ជឿទេថា​អ្នក​មាន​ចំណូលទាប​ ប្រឈម​នឹងការ​ញៀន​បារី​ខ្ពស់​?

ជឿទេថាអ្នកមានចំណូលទាប ប្រឈមនឹងការញៀនបារីខ្ពស់?