ក្នុងសេចក្តីជូនដំណឹងរបស់ក្រសួងសុខាភិបាល ជម្រាបមកអភិបាល នៃគណៈអភិបាលរាជធានី-ខេត្ត បានណែនាំនូវគោលការណ៍ចំនួន ៣ ចំណុចសំខាន់ៗ ដើម្បីបង្ការការឆ្លងជំងឺគ្រុនផ្តាសាយបក្សី H5N1 មកមនុស្ស។

១. មិនត្រូវញ៉ាំសត្វបក្សីឈឺ ឬងាប់

២. ចម្អិនសត្វបសុបក្សីឲ្យបានឆ្អិនល្អ មុននឹងញ៉ាំ

៣. លាងដៃឲ្យបានញឹកញាប់ជាមួយសាប៊ូ និងទឹក មុនបរិភោគ និងបន្ទាប់ពីប៉ះពាល់ជាមួយបសុបក្សី។

ក្នុងសេចក្តីជូនដំណឹងនេះដែរ ក្រសួងសុខាភិបាលបានបញ្ជាក់ឲ្យបណ្តាខេត្តដែលនៅជាប់ព្រំដែនជាមួយប្រទេសវៀតណាម ដូចជាខេត្តកណ្តាល ស្វាយរៀង ព្រែវែង ត្បូងឃ្មុំ កំពត រតនគិរី មណ្ឌលគិរី កែប និងតាកែវ បង្កើនការប្រុងប្រយ័ត្នខ្ពស់ និងចាត់វិធានការអប់រំផ្សព្វផ្សាយការបង្ការការឆ្លងជំងឺគ្រុនផ្តាសាយបក្សី H5N1 នៅក្នុងសហគមន៍។

ចំណាត់ការរបស់ក្រសួងសុខាភិបាលនេះ ធ្វើឡើងបន្ទាប់ពីមានផ្ទុះជំងឺគ្រុនផ្តាសាយបក្សី H5N1 នៅភាគខាងត្បូងប្រទេសវៀតណាមកាលថ្ងៃទី១៧ ខែកុម្ភៈ ឆ្នាំ២០២០ ហើយអាជ្ញាធរបានកម្ទេចសត្វមាន់ប្រមាណ ៥ម៉ឺន៥ពាន់ក្បាល។

អត្ថបទពាក់ព័ន្ធ៖ ៨ ចំណុច បង្ការ និងទប់ស្កាត់ការឆ្លងជំងឺផ្តាសាយបក្សី

ផ្តាសាយបក្សី

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

៣ចំណុចបង្ការការឆ្លងគ្រុនផ្តាសាយបក្សី H5N1 មកមនុស្ស ពិសេសខេត្តជាប់វៀតណាម