ក្រសួងសុខាភិបាលនៅល្ងាចនេះបានឲ្យដឹងថា ជនជាតិកាណាដាម្នាក់ និងជនជាតិប៊ែលហ្សិកម្នាក់ បានរកឃើញថាមានផ្ទុកវីរុស COVID-19 និងកំពុងដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត (ពេទ្យរុស្ស៊ី)។
កម្ពុជារកឃើញអ្នកផ្ទុក COVID-19 ពីរនាក់បន្ថែមទៀតនៅភ្នំពេញ
ក្រសួងសុខាភិបាលបានចេញសេចក្ដីប្រកាសព័ត៌មានមួយនៅល្ងាចនេះ ដោយបានអះអាងថា ជនបរទេសទាំង២រូបនោះ ម្នាក់ ជាបុរសជនជាតិកាណា វ័យ ៤៩ ឆ្នាំ និង បុរសជនជាតិប៊ែលហ្សិកម្នាក់ទៀត វ័យ៣៣ឆ្នាំ។ អ្នកទាំងពីត្រូវបានរកឃើញនៅទីក្រុងភ្នំពេញ ហើយពេលនេះកំពុងដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត។
បើតាមក្រសួងសុខាភិបាល នៅពេលនេះមន្ត្រីរបស់ខ្លួនកំពុងតាមរកអ្នកប៉ះពាល់ដោយផ្ទាល់ និងដោយប្រយោលជាមួយបុរសទាំងពីរខាងលើ។
ដោយឡែកករណីជនបរទេសពីរនាក់ទៅលេងនៅសារមន្ទីរទួលស្លែង និងសង្ស័យថាមានផ្ទុកវីរុសCOVID-19 នោះ ក្រសួងថាលទ្ធផលធ្វើតេស្តអ្នកទាំងពីរមិនមានផ្ទុកវីរុសនេះទេ។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ គ្រូពេទ្យឯកទេស.វេជ្ជ. ចាន់ ស៊ីណេតឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អត្ថបទដោយ ទូច សុខា · កែ 11/05/2020